નવી દિલ્હીઃ વાડિયા ગ્રુપની ઘરેલુ કંપની ગો ફર્સ્ટે મંગળવારે નેશનલ કંપની લો ટ્રિબ્યુનલ (NCLT) સમક્ષ વોલેન્ટરી ઇન્સોલ્વન્સી રિઝોલ્યુશન (સ્વૈચ્છિક નાદારી સમાધાન) પ્રોસિંડગ્સ માટે અરજી કરી છે. કંપનીના CEO કૌશિક ખોનાએ એની માહિતી આપી હતી. મંગળવારે આ પહેલાં 3-4એ ઉડાન ભરનારી ફ્લાઇટ્સને રદ કરવાની જાહેરાત કરી હતી.
નાણાકીય કંડની અછતથી ઝઝૂમી રહેલી કંપનીની મુસીબતો વધી ગઈ છે. કંપનીના CEOના જણાવ્યા મુજબ નાદાર સમાધાન પ્રક્રિયા માટે NCLTમાં અરજી કરી છે. તેમણે કહ્યું હતું કે પ્રેટ એન્ડ વ્હિટની (P&W) દ્વારા એન્જિનોનો પુરવઠો પૂરો નહીં કરવામાં આવતાં એરલાઇનના અડધાથી વધુ 28 વિમાનોને ઊભા કરી દીધા હતા.
રિપોર્ટ અનુસાર ખોનાએ કહ્યું હતું કે આ એક દુર્ભાગ્યપૂર્ણ નિર્ણય છે, પણ કંપનીનાં હિતોની રક્ષા કરવાનાં હતાં. એરલાઇને સરકારને ઘટનાક્રમ વિશે સૂચિત કરી હતી અને DGCAએ આ વિશે વિસ્તૃત રિપોર્ટ માગ્યો છે. આ પહેલાં એરલાઇને ઓઇલ માર્કેટિંગ કંપનીઓને બાકી લેણાંને કારણે 3-4 મેએ ફ્લાઇટ્સ રદ કરવાની ઘોષણા કરી હતી.
રિપોર્ટમાં કહેવામાં આવ્યું હતું કે એરલાઇનની વર્કિંગ કેપિટલ પર ગંભીર અસર પડી હતી. ફંડને અછત સૌશી મોટું કારણ છે. ગો ફર્સ્ટના એરબસ A320 નિયો વિમાનોમાં પ્રેટ એન્ડ વ્હિટની પાસેથી એન્જિનોનો ઉપયોગ કરવામાં આવે છે. વાડિયા ગ્રુપની કંપની પાસે 31 માર્ચ સુધી 30 વિમાન હતાં, જેમાં નવ વિમાનનું ભાડું ચૂકવવાનું બાકી હતું. એરલાઇનની વેબસાઇટ પાસે કંપની પાસે કુલ 61 વિમાન છે, જેમાં 56 વિમાન A320 neos અને પાંચ A320ceos વિમાન છે. કંપનીને એ વ્યૂહાત્મક રોકાણકારની જરૂર છે, જેની તલાશ જારી છે.
નવી દિલ્હીઃ કેન્દ્ર સરકારે દેશમાં ડિજિટલ ક્ષેત્રમાં કડક કાયદા લાગુ કરવાના ઉદ્દેશ્ય સાથે ડિજિટલ ઈન્ડિયા એક્ટ (DIA) લાગુ કર્યો છે ત્યારે કોઈ દિગ્ગજ ટેક્નોલોજી કંપનીએ ભારતીય નિયામક એજન્સીને ધરખમ રકમની પેનલ્ટી ચૂકવી હોય એવું આ પહેલી જ વાર બન્યું છે. અમેરિકાની ગૂગલ કંપનીએ એન્ડ્રોઈડ કેસમાં કોમ્પીટિશન કમિશન ઓફ ઈન્ડિયા (સીસીઆઈ)એ તેની પર લાદેલી રૂ. 1,337.76 કરોડની પેનલ્ટીની રકમ નિયામકને પૂરેપૂરી ચૂકવી દીધી છે.
ગૂગલે આ પૂરેપૂરી રકમ નેશનલ કંપની લૉ અપીલેટ ટ્રિબ્યુનલ દ્વારા એક ઓર્ડર દ્વારા આપવામાં આવેલી 30-દિવસની મહેતલની અંદર કન્સોલિડેટેડ ફંડ ઓફ ઈન્ડિયામાં જમા કરી દીધી છે. એન્ડ્રોઈડ માર્કેટમાં ગૂગલે તેના વર્ચસ્વનો દુરુપયોગ કર્યો હોવાનો આરોપ મૂકી ભારતીય માર્કેટ રેગ્યૂલેટરે 2022ના ઓક્ટોબરમાં ગૂગલને જંગી રકમની પેનલ્ટી ફટકારી હતી.
ભુવનેશ્વરઃ ઓડિશાના પાટનગર ભુવનેશ્વરમાં કૂતરો પાળતા લોલોએ હવે સાવધ રહેવું પડશે. હવે જો તમારો પાલતુ કૂતરો કોઈના પર હુમલો કરશે કે કરડશે તો એના માટે ભારે દંડ ચૂકવવો પડશે. ભુવનેશ્વર નગર નિગમ (BMC)એ પાળતુ કૂતરા સંબંધે નવા નિયમ જારી કર્યા છે. આને લઈને પસાર કરવામાં આવેલા નવા નિયમનું નામ BMC (રજિસ્ટ્રેશન અને કૂતરાના ઉચ્ચ નિયંત્રણ) ઉપનિયમ 2023 રાખવામાં આવ્યા છે. નવા નિયમ મુજબ જો પાલતુ કૂતરો કોઈને કરડે અથવા જાહેર જગ્યા પર મળ ઉત્સર્જન કરે તો પાલતુ કૂતરાના માલિકને ભારે દંડ ચૂકવવો પડશે.
નવા નિયમના પેટા નિયમોનું ઉલ્લંઘન કરનારા કૂતરાના માલિકોના રજિસ્ટ્રેશન સત્તાવાળા દ્વારા દંડ ફટકારવામાં આવશે અને એ દંડ રૂ. 10,000 સુધી વધી શકે છે.
BMCના નવા નિયમો અનુસાર જો ઉલ્લંઘ વારંવાર થતું રહેશે તો કૂતરાના માલિકને વધારાનો દંડ ચૂકવવાનો રહેશે અથવા કૂતરાને અટકાયતમાં લેવામાં આવશે, જે પછી અટકાયમાં કૂતરા માટે મહત્તમ સાત દિવસો માટે દિવસદીઠ રૂ. 200 સુધી દંડ લેવામાં આવશે અને પછી એ વધારવામાં આવશે.
જો કૂતરાનના માલિકી હક પર દાવો નહીં કરવામાં આવે તો એનું રજિસ્ટ્રેન કરી દેવામાં આવશે અને એ પછી કૂતરાને ખુલ્લા માધ્યમથી વેચવામાં આવશે. જો કૂતરાનો માલિક એક કેલેન્ડર વર્ષમાં કમસે કમ ત્રણ વાર નિયમોની શરતોનો ભંગ કરવામાં આવશે તો રજિસ્ટ્રેશન રદ કરવામાં આવશે.
વળી, BMC ઉપ નિયમ 2023નું કહેવું છે કે એક પશુપ્રેમી મહત્તમ બે કૂતરાને રાખી શકે છે. આ ઉપરાંત માલિક કૂતરાને કોઈ શોમાં લઈ જવા ઇચ્છે તો તેણે એની સૂચના BMC ઓફિસમાં પહેલાં આપવી પડશે.
રાષ્ટ્રવાદી કોંગ્રેસ પાર્ટી (NCP)ના પ્રમુખ શરદ પવારે પાર્ટી અધ્યક્ષ પદ છોડવાની જાહેરાત કરી છે. શરદ પવારે રાજીનામામાં ઘણી ભાવનાત્મક વાતો પણ કહી છે. પવારે થોડા દિવસ પહેલા આ અંગે સંકેત પણ આપ્યા હતા. પવારે પાર્ટીની બેઠક દરમિયાન આ જાહેરાત કરી હતી. શરદ પવાર મહારાષ્ટ્ર જ નહીં પરંતુ દેશના મોટા નેતાઓમાંના એક છે. શરદ પવાર માત્ર 27 વર્ષની વયે ધારાસભ્ય બન્યા હતા. તેમની રાજકીય સફર 50 વર્ષથી વધુની છે. આવી સ્થિતિમાં આજે અમે તેમની રાજકીય સફરની કહાણી જણાવીશું. તેઓ રાજકારણમાં કેવી રીતે પ્રવેશ્યા અને દેશના સૌથી ઊંચા નેતાઓમાંના એક બન્યા? આવો જાણીએ…
પુણેમાં જન્મેલા માતાએ ચૂંટણી લડી હતી
82 વર્ષીય શરદ પવારનો જન્મ 12 ડિસેમ્બર 1940ના રોજ પુણેના બારામતીમાં થયો હતો. તેમના પિતા સહકારી મંડળીમાં વરિષ્ઠ હોદ્દા પર હતા. સ્થાનિક સંસ્થાની ચૂંટણી લડનાર માતા એકમાત્ર મહિલા હતી. પૂર્વ ક્રિકેટર સદાશિવ શિંદેની પુત્રી પ્રતિભા શરદ પવારની પત્ની છે. એક ઈન્ટરવ્યુમાં પ્રતિભાએ કહ્યું હતું કે લગ્ન પહેલા શરદ પવારે માત્ર એક જ બાળકને જન્મ આપવાની શરત મૂકી હતી. શરદ 1967 થી 1990 સુધી બારામતી સીટ પર હતા, ત્યારથી આ સીટ તેમના ભત્રીજા અજિત પવાર પાસે છે. શરદ પવારની પુત્રી સુપ્રિયા સુલે 2009થી બારામતીની સાંસદ છે.
માત્ર 27 વર્ષની ઉંમરે ધારાસભ્ય બન્યા હતા
શરદ પવારે બહુ નાની ઉંમરે રાજકારણમાં સારી પકડ બનાવી લીધી હતી. જ્યારે તેઓ 27 વર્ષના હતા ત્યારે તેઓ પ્રથમ વખત ધારાસભ્ય તરીકે ચૂંટાયા હતા. વર્ષ 1967માં તેઓ પ્રથમ વખત ધારાસભ્ય તરીકે ચૂંટાયા હતા. આ પછી શરદ પવાર રાજકારણની ઉંચાઈએ પહોંચ્યા. રાજકારણમાં તેમના પ્રારંભિક માર્ગદર્શક તત્કાલીન પીઢ નેતા યશવંતરાવ ચવ્હાણ હતા.
ઈન્દિરા સાથે બળવો
ઈમરજન્સી દરમિયાન શરદ પવારે તત્કાલીન વડાપ્રધાન ઈન્દિરા ગાંધી સામે બળવો કર્યો હતો. પવારે ઈન્દિરા સામે બળવો કરીને કોંગ્રેસ છોડી દીધી હતી. વર્ષ 1978માં જનતા પાર્ટી સાથે મળીને મહારાષ્ટ્રમાં સરકાર બનાવી. રાજ્યના મુખ્યમંત્રી બન્યા. વર્ષ 1980માં જ્યારે ઈન્દિરા સરકાર પરત આવી ત્યારે તેમની સરકારને બરખાસ્ત કરવામાં આવી હતી. ત્યારબાદ 1983માં શરદ પવારે કોંગ્રેસ સમાજવાદી પાર્ટીની રચના કરી. તે વર્ષે યોજાયેલી લોકસભાની ચૂંટણીમાં, શરદ પવાર પ્રથમ વખત બારામતીથી ચૂંટણી જીત્યા હતા, પરંતુ 1985ની વિધાનસભા ચૂંટણીમાં 54 બેઠકો પર તેમની પાર્ટીની જીતે તેમને રાજ્યના રાજકારણમાં પાછા ખેંચ્યા હતા. શરદ પવારે લોકસભામાંથી રાજીનામું આપ્યું અને વિધાનસભામાં વિપક્ષનું નેતૃત્વ કર્યું.
રાજીવના સમયમાં કોંગ્રેસમાં પાછા આવ્યા
વર્ષ 1987માં તેઓ તેમની જૂની પાર્ટી કોંગ્રેસમાં પાછા આવ્યા. ત્યારે રાજીવ ગાંધી વડાપ્રધાન હતા. પવાર એ દિવસોમાં રાજીવ ગાંધીની નજીક હતા. પવારને વર્ષ 1988માં શંકર રાવ ચવ્હાણની જગ્યાએ મુખ્યમંત્રીની ખુરશી મળી હતી. ચવ્હાણને વર્ષ 1988માં કેન્દ્રમાં નાણામંત્રી બનાવવામાં આવ્યા હતા. 1990ની વિધાનસભા ચૂંટણીમાં કોંગ્રેસે 288માંથી 141 બેઠકો જીતી હતી, પરંતુ રાજકારણમાં કુશળ ખેલાડી શરદ પવાર 12 અપક્ષ ધારાસભ્યોની મદદથી સરકાર બનાવવામાં સફળ રહ્યા હતા. આ સાથે પવાર ત્રીજી વખત સીએમ બનવામાં સફળ થયા.
શરદ પવાર પણ પીએમ પદના ઉમેદવાર બન્યા
1991ની વાત છે. તત્કાલીન વડાપ્રધાન રાજીવ ગાંધીની હત્યા કરવામાં આવી હતી. દેશભરમાં વિચિત્ર સ્થિતિ સર્જાઈ હતી. વડાપ્રધાન પદને લઈને ચર્ચા થઈ હતી. ત્યારબાદ કોંગ્રેસના આગામી વડાપ્રધાન પદના ઉમેદવાર તરીકે જોવામાં આવતા ત્રણ લોકોમાં શરદ પવારનું નામ આવવા લાગ્યું. પવાર ઉપરાંત, રેસમાં અન્ય નારાયણ દત્ત તિવારી અને પીવી નરસિમ્હા રાવ હતા. 1991ની લોકસભા ચૂંટણીમાં અણધારી હારને કારણે નારાયણ દત્ત તિવારી પીએમ બનવાનું ચૂકી ગયા હતા. આ તક અન્ય વરિષ્ઠ નેતા પીવી નરસિમ્હા રાવને ગઈ જ્યારે શરદ પવારને સંરક્ષણ મંત્રાલયની જવાબદારી મળી. પરંતુ પછી શરદ પવારને મહારાષ્ટ્રના રાજકારણમાં પાછા મોકલવામાં આવ્યા.
સોનિયા ગાંધી સાથે વિવાદ અને પોતાની નવી પાર્ટી બનાવી
આ વાત છે વર્ષ 1998 ની. મધ્ય-સમયની લોકસભા ચૂંટણી પછી શરદ પવાર વિપક્ષના નેતા તરીકે ચૂંટાયા હતા, પરંતુ જ્યારે 1999માં 12મી લોકસભાનું વિસર્જન થયું ત્યારે શરદ પવાર, પીએ સંગમા અને તારિક અનવરે સોનિયા ગાંધીના નેતૃત્વ પર સવાલ ઉઠાવ્યા હતા.
પવાર અને અન્ય કેટલાક નેતાઓ ઈચ્છતા ન હતા કે વિદેશી મૂળની સોનિયા પાર્ટીનું નેતૃત્વ કરે. સોનિયાનો વિરોધ કરવા બદલ તેમને પાર્ટીમાંથી હાંકી કાઢવામાં આવ્યા હતા. કોંગ્રેસમાંથી હાંકી કાઢ્યા બાદ શરદ પવારે રાષ્ટ્રવાદી કોંગ્રેસ પાર્ટી (NCP)ની રચના કરી હતી. શરદ પવારે કોંગ્રેસથી અલગ થઈને પાર્ટી બનાવી, પરંતુ 1999માં મહારાષ્ટ્ર વિધાનસભા ચૂંટણીમાં જનાદેશ ન મળતાં કોંગ્રેસ સાથે હાથ મિલાવીને સરકાર બનાવી. 2004 થી 2014 સુધી પવાર સતત કેન્દ્રમાં મંત્રી રહ્યા. શરદ પવારે 2014ની લોકસભા ચૂંટણી એમ કહીને લડી ન હતી કે તેઓ પાર્ટીમાં યુવા નેતૃત્વને આગળ લાવવા માગે છે.
સૌથી યુવા મુખ્યમંત્રી, બીસીસીઆઈના પ્રમુખ પણ છે
મહારાષ્ટ્રના સૌથી યુવા મુખ્યમંત્રી બનવાનો રેકોર્ડ શરદ પવારના નામે છે. તેઓ ભારતીય ક્રિકેટ કંટ્રોલ બોર્ડ (BCCI)ના પ્રમુખ પણ રહી ચૂક્યા છે. પવાર 2005 થી 2008 સુધી BCCI ના અધ્યક્ષ હતા અને 2010 માં ICC ના અધ્યક્ષ બન્યા હતા.
શરદ પવાર કેન્સર સામેની લડાઈ જીતી ચૂક્યા છે. પવારે એક ટીવી ચેનલને જણાવ્યું કે 2004ની લોકસભા ચૂંટણી દરમિયાન તેમને કેન્સર હોવાનું નિદાન થયું હતું. સારવાર માટે ન્યુયોર્ક ગયા હતા. ત્યાંના ડૉક્ટરોએ ભારતના જ કેટલાક નિષ્ણાતો પાસે જવાનું કહ્યું. ત્યારબાદ કૃષિ મંત્રી રહીને પવારે 36 વખત રેડિયેશન ટ્રીટમેન્ટ લીધી હતી.
બોલિવૂડ અભિનેત્રી પરિણીતી ચોપરા છેલ્લા કેટલાક સમયથી પોતાની અંગત જિંદગીને લઈને ચર્ચામાં છે. અભિનેત્રીના લગ્નના સમાચાર ઘણા સમયથી સામે આવી રહ્યા છે. પરિણીતી ચોપરા અને AAP નેતા રાઘવ ચઢ્ઢા થોડા સમય પહેલા લંચ અને ડિનર પર સાથે જોવા મળ્યા હતા. ત્યારથી તેમના અફેર અને લગ્નના સમાચારો સામે આવી રહ્યા છે. જો કે હજુ સુધી આ બંનેમાંથી કોઈએ પણ આ અંગે પોતાનું મૌન તોડ્યું નથી.
તમને જણાવી દઈએ કે પરિણીતી અને રાઘવ આ વર્ષે માર્ચમાં બે વાર રેસ્ટોરન્ટમાંથી બહાર નીકળતા જોવા મળ્યા હતા અને ત્યારથી તેમના લગ્નને લઈને અટકળો ચાલી રહી હતી. મીડિયા રિપોર્ટ્સમાં દાવો કરવામાં આવ્યો છે કે બંને જલ્દી જ પોતાના સંબંધોને નેક્સ્ટ લેવલ પર લઈ જવા માટે તૈયાર છે. હવે, નવા અહેવાલો કહે છે કે રાઘવ અને પરિણીતી 13 મેના રોજ વીંટી બદલી શકે છે.
એક અહેવાલ મુજબ પરિણીતી અને રાઘવ 13મી મેના રોજ સગાઈ કરવા જઈ રહ્યા છે. રિપોર્ટમાં એમ પણ કહેવામાં આવ્યું છે કે તેમની સગાઈની વિધિ દિલ્હીમાં થશે. અગાઉ એવા અહેવાલ હતા કે પરિણીતી અને રાઘવની રોકા સેરેમની થઈ ગઈ છે અને તેઓ આ વર્ષે ઓક્ટોબરમાં લગ્ન કરશે. એક સૂત્રએ અગાઉ પોર્ટલને માહિતી આપી હતી, “પરિણિતી અને રાઘવનું લગ્ન થઈ ગયું છે. આ એક પારિવારિક પ્રસંગ હતો અને તેઓ બંને ખૂબ જ ખુશ છે. બંને આ વર્ષના ઓક્ટોબરના અંત સુધીમાં લગ્ન કરી લે તેવી શક્યતા છે. પરિણીતી અને રાઘવ કોઈ નથી. ઉતાવળ અને બંનેની પોતપોતાની કામની પ્રતિબદ્ધતાઓ છે જેના કારણે તેઓ બધુ સારી રીતે પ્લાન કરશે.
અહેવાલોમાં એવો પણ દાવો કરવામાં આવ્યો છે કે પ્રિયંકા ચોપરા ઓક્ટોબરમાં લગ્નમાં હાજરી આપી શકે છે કારણ કે તે તે જ સમયે Jio MAMI ફિલ્મ ફેસ્ટિવલ માટે ભારતમાં હશે. પરિણીતી છેલ્લે ઉક્તમાં અમિતાભ બચ્ચન, અનુપમ ખેર અને બોમન ઈરાની સાથે જોવા મળી હતી. આગળ, તેની પાસે દિલજીત દોસાંઝ સાથે ઇમ્તિયાઝ અલીની ‘ચમકિલા’ છે.
કોંગ્રેસના નેતા રાહુલ ગાંધી દ્વારા માનહાનિના કેસમાં દાખલ કરવામાં આવેલી ક્રિમિનલ રિવિઝન અરજી પર મંગળવારે ગુજરાત હાઈકોર્ટમાં સુનાવણી હાથ ધરવામાં આવી હતી. કોર્ટે, તેને વચગાળાની રાહતનો ઇનકાર કરતી વખતે, દોષિત ઠરાવવાની તેમની અરજી પર પોતાનો નિર્ણય સુરક્ષિત રાખ્યો છે. કોર્ટે કહ્યું કે કેસની અંતિમ સુનાવણી પૂરી થયા બાદ જ અંતિમ ચુકાદો આપવો યોગ્ય રહેશે. જસ્ટિસ હેમંત પ્રચારકે સ્પષ્ટ કર્યું કે સુનાવણી પૂરી થયા બાદ તેઓ ચુકાદો અનામત રાખશે. વેકેશન દરમિયાન કોર્ટ નિર્ણય લખશે.
સુરત જિલ્લાની એક કોર્ટે રાહુલ ગાંધીને મોદી અટકના કેસમાં દાખલ કરાયેલ ફોજદારી માનહાનિના કેસમાં દોષી ઠેરવ્યા બાદ બે વર્ષની જેલની સજા ફટકારી હતી. જે બાદ તેમને સંસદના સભ્યપદેથી અયોગ્ય ઠેરવવામાં આવ્યા હતા. જસ્ટિસ હેમંત એમ. પ્રચારકની બેંચ સમક્ષ ફરિયાદી પૂર્ણેશ મોદી તરફથી વરિષ્ઠ વકીલ નિરુપમ નાણાવટી હાજર થયા હતા. તેમણે કહ્યું કે ગુનાઓની ગંભીરતા, સજાને આ સ્તરે ન જોવી જોઈએ. તેમની (રાહુલ ગાંધી) ગેરલાયકાત કાયદા હેઠળ થઈ છે. દરમિયાન, ન્યાયાધીશે ટ્રાયલ કોર્ટને તેમની સમક્ષ કેસના મૂળ રેકોર્ડ્સ અને કાર્યવાહી રજૂ કરવાનો આદેશ આપ્યો.
સાવરકરના કેસનો ઉલ્લેખ કર્યો હતો
નાણાવટીએ કહ્યું કે રાહુલ ગાંધીને કોર્ટે ગેરલાયક ઠેરવ્યા નથી. અયોગ્યતા સંસદ દ્વારા જ બનાવેલા કાયદાની કામગીરીને કારણે થઈ હતી. તેમની (ગાંધીની) મુખ્ય વિનંતી એ છે કે તેઓ 8 વર્ષની રાજકીય કારકિર્દીમાંથી બહાર રહે. તેમણે રાહુલ ગાંધીની પ્રેસ કોન્ફરન્સ સંબંધિત એક સમાચાર વાંચ્યા જેમાં રાહુલ ગાંધીએ કથિત રીતે કહ્યું કે હું ગાંધી છું, સાવરકર નથી અને માફી માંગીશ નહીં.
કોર્ટ સમક્ષ તેમનો સ્ટેન્ડ અલગ છે
ફરિયાદીનાં વકીલે કહ્યું કે તેણે (રાહુલ ગાંધી) કહ્યું કે તે સજા, જેલથી ડરતો નથી અને આજીવન અયોગ્ય ઠરાવવામાં આવે તો પણ તે પીછેહઠ કરવાના નથી. આ તેમનું જાહેર સ્ટેન્ડ છે, પરંતુ અહીં કોર્ટ સમક્ષ તેમનું સ્ટેન્ડ અલગ છે. જો તમારું આ સ્ટેન્ડ છે તો કોર્ટમાં અરજી લઈને અહીં આવશો નહીં. તેણે રડતા બાળક જેવો ન હોવો જોઈએ. કાં તો જાહેરમાં બનાવેલા તમારા સ્ટેન્ડને વળગી રહો અથવા કહો કે તમારો ઈરાદો કંઈક બીજો હતો.
તેમને પાઠ ભણાવવો જોઈએ
નાણાવટીએ કહ્યું કે તેમની સામે કુલ 12 કેસ માનહાનિના છે. પુણેની કોર્ટમાં સાવરકર વિશે કરેલી ટીપ્પણીને લઈને તેમની સામે અન્ય ફરિયાદો પણ છે. તેઓ રાષ્ટ્રીય રાજકીય પક્ષના નેતા છે. જેણે દેશ પર 40 વર્ષ શાસન કર્યું છે, પરંતુ જો તે આવા નિવેદનો કરી રહ્યો છે તો તેને પાઠ ભણાવવો જોઈએ. તેણે સોરી પણ ન કહ્યું. તેમના તરફથી કોઈ ખુલાસો આપવામાં આવ્યો ન હતો, કંઈ જ નહીં.તેણે કહ્યું કે જો તમારે માફી ન માંગવી હોય તો માફી ન માગો, તે તમારો અધિકાર છે, પરંતુ પછી આ હોબાળો શા માટે. હું (પૂર્ણેશ મોદી) આ કેસમાં પીડિત છું. ગુનો ગંભીર છે, સંસદ પણ એવું જ કહે છે. દોષિત ઠેરવવા પર સ્ટે માટેની તેમની અરજીને મંજૂરી આપવી જોઈએ નહીં. અરજી ફગાવી દેવી જોઈએ.
રાહુલ ગાંધીના વકીલે શું કહ્યું?
રાહુલ ગાંધી તરફથી હાજર રહેલા વરિષ્ઠ વકીલ અભિષેક સિંઘવીએ જણાવ્યું હતું કે CrPCની કલમ 389(1) હેઠળ સજા પર રોક લગાવવાની પરીક્ષા અપવાદરૂપ સંજોગો છે. કલમ 389 CrPC વ્યક્તિની દોષિતતા અથવા બિન-ગુનેગારતા સાથે વ્યવહાર કરતી નથી, પરંતુ તે સગવડતાના સંતુલન વિશે છે. માનહાનિને અહીં અક્ષમ્ય અપરાધ તરીકે ગણવામાં આવે છે. પરિસ્થિતિની ઉલટાવી શકાય તેવું જોવાનું છે. ચૂંટાયેલી વ્યક્તિ લોકોના પ્રતિનિધિ બનવાનો અધિકાર ગુમાવે છે, જે ઉલટાવી શકાય તેમ નથી. તે આગામી સત્ર, મીટિંગ વગેરેમાં ભાગ લઈ શકશે નહીં.
પેટાચૂંટણી માટે આપેલી દલીલ
તેમણે કહ્યું કે આ દરમિયાન જો ચૂંટણી પંચ પેટાચૂંટણી કરાવે તો હું (રાહુલ ગાંધી) ચૂંટણી ન લડી શકું, અન્ય કોઈ લડીને જીતે તો શું આપણે તેને હરાવી શકીએ? ના. પણ પછી હું નિર્દોષ છૂટી જઈશ તો પછી? જેના કારણે સરકારી તિજોરીને પણ નુકશાન થશે. સિંઘવીએ રાજસ્થાન વિરુદ્ધ સલમાન સલીમ ખાન કેસમાં સુપ્રીમ કોર્ટના 2014ના નિર્ણયને ટાંક્યો. તેમણે કહ્યું કે ચૂંટણી પ્રચાર દરમિયાન આપવામાં આવેલ ભાષણ બંધારણના અનુચ્છેદ 19(1)(a)ને સંપૂર્ણ સત્તા સાથે આકર્ષિત કરશે. ટ્રાયલ કોર્ટે મેલીવિદ્યાના સાક્ષી (યાજી)ના પુરાવા પર આધાર રાખ્યો હતો, જે ફરિયાદ દાખલ થયાના બે વર્ષથી વધુ સમય પછી કોર્ટમાં હાજર થયો હતો.
કોર્ટે ચુકાદો અનામત રાખ્યો હતો
સિંઘવીએ કહ્યું કે માનહાનિના મામલામાં મને (રાહુલ ગાંધી) હજુ સુધી સજા થઈ નથી, જો આવી સજા આપવામાં આવે તો પણ 3-6 મહિનાની સજા આપવામાં આવે છે. હું (રાહુલ ગાંધી) પ્રથમ વખત ગુનેગાર છું અને મને જામીનપાત્ર, નોન-કોગ્નિઝેબલ ગુના માટે મહત્તમ સજા આપવામાં આવી છે જે સમાજ વિરુદ્ધ નથી. ન્યાયિક ભૂલ એ છે કે ટ્રાયલ કોર્ટ કહે છે કે મને (ગાંધી)ને રાફેલ કેસમાં સુપ્રીમ કોર્ટે ચેતવણી આપી હતી. સિંઘવીએ આ કેસમાં વચગાળાનું રક્ષણ માંગ્યું હતું. જસ્ટિસ હેમંતે રાહુલ ગાંધીને વચગાળાનું રક્ષણ આપવાનો ઇનકાર કર્યો હતો અને દોષિત ઠરાવવાની તેમની અરજી પર ચુકાદો અનામત રાખ્યો હતો. રજા બાદ ચુકાદો સંભળાવવામાં આવશે.
કર્ણાટકના હોસ્પેટમાં પીએમ નરેન્દ્ર મોદીએ મંગળવારે એક જાહેર સભાને સંબોધિત કરતા કોંગ્રેસ પર જોરદાર પ્રહારો કર્યા હતા. કોંગ્રેસના મેનિફેસ્ટોનો ઉલ્લેખ કરતા તેમણે કહ્યું કે પહેલા ભગવાન શ્રી રામ સાથે સમસ્યા હતી અને હવે જય બજરંગબલી બોલનારાઓ પ્રત્યે નફરત છે. કોંગ્રેસે પોતાના ઘોષણાપત્રમાં બજરંગ દળ, પીએફઆઈ જેવા સંગઠનોને બંધ કરવાની જાહેરાત કરી છે.
In the NYT today, Cade Metz implies that I left Google so that I could criticize Google. Actually, I left so that I could talk about the dangers of AI without considering how this impacts Google. Google has acted very responsibly.
પીએમએ કહ્યું કે આજે હનુમાનજીની આ પવિત્ર ભૂમિ પર નમન કરવું એ મારું સૌભાગ્ય છે, આજે જ્યારે હું અહીં હનુમાનજીને નમન કરવા આવ્યો છું, તે જ સમયે કોંગ્રેસ પાર્ટીએ તેના ઢંઢેરામાં બજરંગબલીને તાળા મારવાનો નિર્ણય કર્યો છે. . પહેલા શ્રી રામને તાળાબંધી કરવામાં આવ્યા હતા અને હવે તેમણે જય બજરંગબલીનો નારા લગાવનારાઓને તાળાબંધી કરવાનો સંકલ્પ લીધો છે. આ દેશની કમનસીબી છે કે કોંગ્રેસ પાર્ટીને ભગવાન શ્રી રામ સાથે પણ સમસ્યા હતી અને હવે તે જય બજરંગબલી બોલનારાઓથી પણ મુશ્કેલીનો સામનો કરી રહી છે.
#WATCH | Today it is my great fortune to bow down to this holy land of Hanuman ji and see the misfortune, today when I have come here, at the same time the Congress party has decided to lock Bajrangbali in its manifesto. Earlier Shri Ram was locked up and now they have taken the… pic.twitter.com/F2IqRrQ8xp
કોંગ્રેસે તેના ઢંઢેરામાં કહ્યું છે કે કોંગ્રેસ જાતિ અને ધર્મના આધારે સમુદાયો વચ્ચે નફરત ફેલાવતા સંગઠનો સામે નક્કર અને નિર્ણાયક પગલાં લેવા પ્રતિબદ્ધ છે. અમે માનીએ છીએ કે કાયદો અને બંધારણ પવિત્ર છે. કોઈપણ વ્યક્તિ કે બજરંગ દળ, પીએફઆઈ અને અન્ય સંગઠનો જે નફરત અને દુશ્મનાવટ ફેલાવે છે, પછી ભલે તે બહુમતી કે લઘુમતી વચ્ચે હોય, તેઓ કાયદા અને બંધારણનું ઉલ્લંઘન કરી શકે નહીં. અમે કાયદા હેઠળ આવી સંસ્થાઓ પર પ્રતિબંધ મૂકવા સહિત નિર્ણાયક પગલાં લઈશું.
“Congress has history of appeasement of terror, terrorists”: PM Modi in Karnataka
વડાપ્રધાને વધુમાં કહ્યું કે ભાજપ કર્ણાટકની ગરિમા અને સંસ્કૃતિને કોઈ નુકસાન થવા દેશે નહીં. ભાજપ કર્ણાટકના વિકાસ માટે, અહીંના લોકોને આધુનિક સુવિધાઓ આપવા, નવી તકો પૂરી પાડવા માટે સંપૂર્ણ પ્રતિબદ્ધ છે. દાયકાઓના કોંગ્રેસના શાસને શહેરો અને ગામડાઓ વચ્ચેની ખાઈ ઘણી વધારી દીધી હતી, ભાજપ સરકાર ગામડાઓ અને શહેરો વચ્ચેનું અંતર ઘટાડવામાં સતત વ્યસ્ત છે. આજે શહેરો જેવી સુવિધાઓ આપણા ગામડાઓમાં પહોંચી રહી છે. ભાજપ સરકાર ગામને લગતા અન્ય પડકારોને પણ હલ કરી રહી છે.
The Double-Engine Govt in Karnataka has worked in an unprecedented manner in the direction of ensuring Social Justice and Social Empowerment. Welfare of the poor has been our top-most priority. We have been absolutely dedicated towards empowering the farmers; around 11 crore… pic.twitter.com/j4mk0l21MH
કોંગ્રેસ પર પ્રહારો ચાલુ રાખતા તેમણે કહ્યું કે હમ્પી એક એવી જગ્યા છે કે જેના પર માત્ર ભારત જ નહીં પરંતુ સમગ્ર વિશ્વ ગર્વ કરે છે, પરંતુ ગુલામીની માનસિકતાથી ભરેલી કોંગ્રેસે ક્યારેય ભારતના ઈતિહાસ અને વારસા પર ગર્વ નથી કર્યો. હમ્પી જેવા સ્થળોએ પણ તેની ખોટ સહન કરવી પડી હતી. ભાજપ સરકાર જ હવે ‘સ્વદેશ દર્શન’ દ્વારા હમ્પીના ઐતિહાસિક વારસાને સાચવી રહી છે.
#WATCH | Congress is sitting with a bundle of guarantees these days in Karnataka. The party that has lost the trust of common people and they can only lie in the name of guarantees. Congress guaranteed to remove poverty from the country but failed to do so. On the other hand,… pic.twitter.com/6Tvm6b3lOP
પીએમ મોદીએ કહ્યું કે કોંગ્રેસનો ટ્રેક રેકોર્ડ ગેરંટી પૂરી કરવાનો નથી પરંતુ ગરીબોને લૂંટવાનો છે. લોન માફીથી લઈને દરેક ઘરમાં વીજળી પહોંચાડવાની ગેરંટી સુધી કોંગ્રેસે માત્ર જુઠ્ઠાણા જ બોલ્યા છે. કોંગ્રેસ ગેરંટીની વાત કરે છે, પરંતુ તેનો હેતુ કંઈક બીજો છે. કોંગ્રેસ યોજનાઓ માટે 85% નાણા પર નજર રાખે છે. આપણે કર્ણાટકને કોંગ્રેસની 85% કમિશનની આદતથી બચાવવાનું છે.
નવી દિલ્હીઃ આમ આદમી પાર્ટીની મુશ્કેલીઓમાં સતત વધારો થઈ રહ્યો છે. પાર્ટી સામે મુસીબતો બેટેલિયનમાં આવી છે. હવે આમ આદમી પાર્ટીના રાજ્યસભાના સાંસદ રાઘવ ચઢ્ઢાનું નામ દિલ્હીની શરાબ નીતિના મામલામાં સપ્લિમેન્ટરી ચાર્જશીટમાં સામેલ છે. આ ઉપરાંત આપના નેતા સંજય સિંહનું નામ પણ છે, જોકે એ આરોપી તરીકે કે સાક્ષી તરીકે નથી આવ્યા. આ ચાર્જશીટમાં કેજરીવાલ, ઉપ મુખ્ય પ્રધાન મનીષ સિસોદિયા, સંજય સિંહ અને રાઘવ ચઢ્ઢા જેવી પાર્ટીના અન્ય નેતાઓનાં નામ છે.મનીષ સિસોદિયાના ઘરે થયેલી બેઠકમાં સાક્ષીનાં નિવેદનોમાં રાઘવ ચઢ્ઢાનો ઉલ્લેખ છે.આપ નેતાએ કહ્યું કે જે સમાચાર ચાલી રહ્યા છે એ ખોટા છે અને મનઘડંત છે. હું સ્પષ્ટતા કરવા ઇચ્છું છું કે મારું નામ EDની કોઈ ફરિયાદમાં ના તો આરોપી કે ના સંદિગ્ધ કે સાક્ષી તરીકે છે. EDની ચાર્જશીટમાં મારુ નામ સાક્ષી કે આરોપી તરીકે નથી, પણ સવારથી મારું નામ ચલાવવામાં આવી રહ્યું છે, જે તથ્યાત્મક રીતે ખોટું છે. ના હું આરોપી- મારો પક્ષ જાણ્યા વગર આવા ન્યૂઝ ચલાવવામાં આવી રહ્યા છે. એની પાછળ રાજકારણ છે.
News reports stating that I have been named as an accused by ED are false and malicious. I request the media to refrain from malicious reportage and issue a clarification failing which I’ll be forced to take legal action.
ચઢ્ઢાએ વધુમાં કહ્યું હતું કે હું કોઈ એવી બેઠકના સંબંધેમાં કોઈ પણ પ્રકારે સામેલ નહોતો. હું મિડિયાને વિનંતી કરું છું કે કોઈ ખોટું રિપોર્ટિંગ ના કરે અને આ મુદ્દે સ્પષ્ટતા કરે, નહીં તો મને કાનૂની કાર્યવાહી કરવાની ફરજ પડશે.
લખનઉઃ ગઈ કાલે અત્રે રોયલ ચેલેન્જર્સ બેંગલોર અને લખનઉ સુપર જાયન્ટ્સ ટીમો વચ્ચેની મેચમાં મોટો ઝઘડો જોવા મળ્યો હતો. આરસીબીએ લખનઉ ટીમને હરાવ્યા બાદ બેંગલોર ટીમના વિરાટ કોહલી અને લખનઉ ટીમના કોચ ગૌતમ ગંભીર વચ્ચે ઉગ્ર શાબ્દિક યુદ્ધ જોવા મળ્યું. એ પહેલાં લખનઉ ટીમના બોલર નાવીન ઉલ-હક અને કોહલી વચ્ચે બોલાચાલી થઈ હતી.
આઈપીએલ વહીવટીય સમિતિએ આ ઘટના બદલ ઉલ-હક, કોહલી અને ગંભીરને દોષી ઠેરવ્યા છે. કોહલી અને ગંભીરની મેચ ફીમાંથી પૂરેપૂરી રકમ અને ઉલ-હકની મેચ ફીમાંથી 50 ટકા રકમ દંડ રૂપે કાપી લેવામાં આવી છે. પરંતુ કોહલી સામે ઊંચા અવાજે બોલનાર નાવીન ઉલ-હક વિશે સોશિયલ મિડિયા પર જોરદાર ચર્ચા ચાલી રહી છે. મેચ પૂરી થયા બાદ બંને ટીમ વચ્ચે હેન્ડશેકિંગ વખતે કોહલીએ હાથ મિલાવવા લાંબો કર્યો હતો, પણ ઉલ-હકે એને મચડીને ફગાવી દીધો હતો. એક જુનિયર ખેલાડી દ્વારા વિશ્વના દિગ્ગજ ખેલાડીનું આ ઘોર અપમાન કહેવાય.
નાવીન ઉલ-હક અફઘાનિસ્તાનનો છે અને ત્યાંની રાષ્ટ્રીય ટીમનો સ્ટ્રાઈક બોલર છે. ફાસ્ટ બોલિંગ અને આખરી ઓવરોમાં ફટકાબાજી કરવા માટે એ જાણીતો છે. આઈપીએલમાં એ પહેલી જ વાર રમી રહ્યો છે. એણે ઘાતક બોલિંગ કરીને અનેક દિગ્ગજ બેટ્સમેનોની વિકેટ લીધી છે. પરંતુ કોહલી સાથે એણે કરેલી બોલાચાલીથી ઉલ-હક વિવાદમાં સપડાઈ ગયો છે. ગઈ કાલની મેચમાં એણે 4 ઓવરમાં 30 રન આપીને 3 વિકેટ લીધી હતી. બાદમાં બેટિંગમાં એણે 10મા ક્રમે આવીને 13 રન કર્યા હતા.
નવી દિલ્હીઃ ગેંગસ્ટર અને નેતા મુખ્તાર અન્સારીના ભાઈ અફઝલ અન્સારીનું સંસદનું સભ્યપદમાંથી અયોગ્ય જાહેર કરવામાં આવ્યું છે. તેમનું સંસદનું સભ્યપદ 29 એપ્રિલથી ખતમ થયું છે. અફઝલને ગેન્ગસ્ટર અધિનિયમ હેઠળ 2007ના એક કેસમાં દોષી ઠેરવવામાં આવ્યા છે. તેમને ચાર વર્ષની જેલની સજા સંભળાવવામાં આવી છે.
2007માં મુખ્તાર અન્સારી અને અફઝલ અન્સારીની વિરુદ્ધ ગેન્ગસ્ટર એક્ટ હેઠળ કેસ નોંધવામાં આવ્યો છે. વર્ષ 2022માં તેમની સામે પ્રાથમિક દ્રષ્ટિએ આરોપ નક્કી કરવામાં આવ્યા છે. કોર્ટે બંને પક્ષોને સાંભળ્યા પછી બંને ભાઈઓને સજા સંભળાવી હતી. અફઝલ ઉત્તર પ્રદેશના ગાઝીપુર લોકસભા સીટથી BSPના સાંસદ હતા. લોક પ્રતિનિધિત્વ અધિનિયમની જોગવાઈઓ હેઠળ અફઝલની સંસદનું સભ્યપદ ખતમ થયું છે. આ અધિનિયમ હેઠળ દોષી ઠેરવવામાં આવતાં વધુ બે વર્ષ અથવા વધુની જેલની સજા સંભળાવવામાં આવતાં સાંસદનું સસદનું સભ્યપદ ખતમ કરી દેવામાં આવે છે.અફઝલ અન્સારી ગાઝીપુરની મોહમદાબાદ સીટથી પાંચ વાર વિધાનસભ્ય રહ્યા છે. તેઓ બે વાર સાંસદ ચૂંટાઈ આવ્યા છે. 2004માં તેઓ સૌપ્રથમ વાર સાંસદ બન્યા હતા. 29 નવેમ્બર, 2005એ કૃષ્ણાનંદ રાય સહિત સાત લોકોની હત્યાનું કાવતરું રચવા આરોપમાં જેલમાં ગયા હતા. 2019ની લોકસભાની ચૂંટણીમાં તેઓ ગાઝીપુર લોકસભા સીટથી BSPથી ટિકિટ પર મેદાનમાં ઊતર્યા હતા અને જીત હાંસલ કરી હતી.
આપ નેતાએ કહ્યું કે જે સમાચાર ચાલી રહ્યા છે એ ખોટા છે અને મનઘડંત છે. હું સ્પષ્ટતા કરવા ઇચ્છું છું કે મારું નામ EDની કોઈ ફરિયાદમાં ના તો આરોપી કે ના સંદિગ્ધ કે સાક્ષી તરીકે છે. EDની ચાર્જશીટમાં મારુ નામ સાક્ષી કે આરોપી તરીકે નથી, પણ સવારથી મારું નામ ચલાવવામાં આવી રહ્યું છે, જે તથ્યાત્મક રીતે ખોટું છે. ના હું આરોપી- મારો પક્ષ જાણ્યા વગર આવા ન્યૂઝ ચલાવવામાં આવી રહ્યા છે. એની પાછળ રાજકારણ છે.
અફઝલ અન્સારી ગાઝીપુરની મોહમદાબાદ સીટથી પાંચ વાર વિધાનસભ્ય રહ્યા છે. તેઓ બે વાર સાંસદ ચૂંટાઈ આવ્યા છે. 2004માં તેઓ સૌપ્રથમ વાર સાંસદ બન્યા હતા. 29 નવેમ્બર, 2005એ કૃષ્ણાનંદ રાય સહિત સાત લોકોની હત્યાનું કાવતરું રચવા આરોપમાં જેલમાં ગયા હતા. 2019ની લોકસભાની ચૂંટણીમાં તેઓ ગાઝીપુર લોકસભા સીટથી BSPથી ટિકિટ પર મેદાનમાં ઊતર્યા હતા અને જીત હાંસલ કરી હતી.