નવી દિલ્હીઃ સુપ્રીમ કોર્ટે ફિલ્મ “ઉદયપુર ફાઇલ્સ”ની રિલીઝ પર કોઈ પ્રતિબંધ મૂક્યો નથી. કોર્ટે કહ્યું હતું કે આ દલીલોના ગુણદોષ પર કોઈ ટિપ્પણી કરવામાં આવી નથી.ગ્ય આદેશ પસાર કરવાનો અધિકાર દિલ્હી હાઇકોર્ટનો છે. આ ફિલ્મ રાજસ્થાનના દરજી કનૈયાલાલના હત્યાકાંડ પર આધારિત હોવાનું કહેવામાં આવી રહ્યું છે અને તેના વિરોધને લઈને વિવાદ ઊભો થયો છે. સુપ્રીમ કોર્ટે મામલો દિલ્હી હાઇકોર્ટને મોકલી દીધો છે અને અરજીકર્તાઓને ત્યાં દલીલો રજૂ કરવા કહ્યું છે. હાઇકોર્ટે પણ આ મામલે આવતા સોમવારે સુનાવણી કરવા આદેશ આપ્યો છે.
ફિલ્મના નિર્માતાઓએ સુપ્રીમ કોર્ટમાંથી પોતાની અરજી પાછી ખેંચી લીધી છે. કોર્ટે તેમને હાઇકોર્ટના આદેશ સામે ટોચની કોર્ટમાં અરજી પાછી ખેંચવાની મંજૂરી આપી છે. આ સુનાવણીમાં જસ્ટિસ સૂર્યકાંતે ફિલ્મના વકીલને કહ્યું હતું કે આ તમામ વિવાદોથી તમારી ફિલ્મને સારી પબ્લિસિટી મળી છે. જેટલી વધુ પબ્લિસિટી મળશે, તેટલા વધુ લોકો ફિલ્મ જોવા આવશે. મને નથી લાગતું કે તમારું નુકસાન થશે.
નિર્માતા તરફથી વકીલ ગૌરવ ભાટિયાએ જણાવ્યું હતું કે ‘સેન્સર બોર્ડ અને સરકારની મંજૂરી પછી પણ મારા આખા જીવનનું મૂડીરોકાણ બરબાદ થયું છે. જસ્ટિસ કાંતે કહ્યું હતું કે અમે અહીં કોઈ સ્ટે આપવા નથી ઇચ્છતા, આ વિષય હાઇકોર્ટમાં નિર્ધારિત થશે. ગૌરવ ભાટિયાએ પણ જણાવ્યું હતું કે આ ફિલ્મ રિલીઝ માટે 1200 સ્ક્રીન બુક કરવામાં આવી હતી. ઘણું મોટું રોકાણ કરાયું છે. કોઈની લાગણીઓ દુભાઈ એવી દલીલ કરીને કોર્ટમાં સ્ટે માગવામાં આવ્યો હતો.
સાપુતારા મોનસૂન ફેસ્ટિવલ 2025માં આ વર્ષે પ્રથમ વખત એક ભારત શ્રેષ્ઠ ભારત હેઠળ ગ્રાન્ડ ફોક કાર્નિવલ પરેડનું આયોજન કરવામાં આવ્યું છે, જેમાં 13 રાજ્યો- ગુજરાત, મહારાષ્ટ્ર, પંજાબ, રાજસ્થાન, પશ્ચિમ બંગાળ, આસામ, મધ્ય પ્રદેશ, તેલંગાણા, કર્ણાટક, હિમાચલ પ્રદેશ, હરિયાણા અને ઓડિશાના 350થી વધુ કલાકારો ભાગ લેશે. આ કલાકારો પરેડમાં પરંપરાગત પ્રોપ્સ સાથે જીવંત લોક પરંપરાઓ રજૂ કરશે. 80થી વધુ કલાકારો તેમની શાસ્ત્રીય અને લોક પરંપરાઓ દ્વારા ભારતના સમૃદ્ધ સાંસ્કૃતિક રંગો રજૂ કરશે.
આ વર્ષે રેઈન ડાન્સ અને નેચર વૉક જેવી પ્રવૃત્તિઓ પણ શરૂ કરવામાં આવી છે. મોનસૂન ફેસ્ટિવલના અન્ય મુખ્ય આકર્ષણોમાં ગીતાબેન રબારી, પાર્થ ઓઝા અને રાગ મહેતા જેવા પ્રખ્યાત ગુજરાતી કલાકારો ઉપરાંત કેરળનું પ્રખ્યાત થેકકિનકાડુ અટ્ટમ મ્યુઝિકલ બૅન્ડ પણ ખાસ પર્ફોર્મન્સ રજૂ કરશે. પ્રવાસીઓને સમગ્ર સાપુતારામાં ટેબ્લો શૉ જોવા મળશે, તો સન્ડે સાઇક્લોથોન, દહીં હાંડી સ્પર્ધા સાથે જન્માષ્ટમીની ઉજવણી અને સ્વતંત્રતા દિવસે આયોજિત મિનિ મૅરથોન વગેરે કાર્યક્રમો સાંસ્કૃતિક અને દેશભક્તિની ભાવનાને ઉજાગર કરશે.
સાપુતારા આવતા પ્રવાસીઓ ડાંગની સ્થાનિક સંસ્કૃતિ સાથે પરિચય કેળવે અને સ્થાનિક કલાકારોને પણ રોજગારી મળી રહે તે હેતુથી સાપુતારા મોનસૂન ફેસ્ટિવલમાં વિવિધ પ્રવૃત્તિઓનું આયોજન થતું હોય છે. આ વખતે ફેસ્ટિવલ અંતર્ગત સાપુતારા મેઈન સર્કલ, ગવર્નર હિલ અને સાપુતારા લેક બોટ ક્લબ ખાતે સ્થાનિક કલાકારો દ્વારા દૈનિક સાંસ્કૃતિક કાર્યક્રમો યોજાશે. તો મેઈન ડોમ ઇવેન્ટ્સ એરિયામાં ટ્રાઇબલ ફૂડ ફેસ્ટિવલ, ટ્રાઇબલ ટેટૂ વર્કશોપ, ટ્રાઇબલ આર્ટ એન્ડ ક્રાફ્ટ સ્ટોલ, વરલી પેઇન્ટિંગ વર્કશોપ, લોક સંગીત, મૅજિક શૉ વગેરે પ્રવૃત્તિઓ પ્રવાસીઓનો અનુભવ યાદગાર બનાવશે.
ફેસ્ટિવલની ફળશ્રુતિરૂપે ડાંગ આવતા પ્રવાસીઓની સંખ્યામાં ઉત્તરોત્તર વધારો નોંધાઈ રહ્યો છે. 2022માં સાપુતારા આવનારા લોકોની સંખ્યા 8.16 લાખ હતી, જે 2023 અને 2024માં અનુક્રમે 11.13 લાખ અને 11.67 લાખ નોંધાઈ હતી. ડાંગ જિલ્લામાં આવનારા પ્રવાસીઓની વાત કરીએ, તો 2022માં 10.40 લાખ, 2023માં 22.40 લાખ અને 2024માં 26.91 લાખ જેટલા લોકોએ જિલ્લાની મુલાકાત લીધી હતી.
જાય છે. એ જ રીતે આ મારું કામ નહિ અને ભાગી જવાની વૃત્તિ પણ તીવ્ર બની ગઈ છે. માનવી માનવતા ભૂલી જાય તો એ માનવી કહી શકાય ખરો? પચાસ વરસનું પ્લાનિંગ શીખવાડનાર વ્યક્તિ એના સેમિનારના સ્ટેજ પરજ ગુજરી જાય એવું પણ બને. વિમાનમાં બેસનારને ખબર હોય છે કે એ વિમાન એને પહોંચાડશે જ? અને દરરોજ વિમાન નીચેથી જનારને એવી ખબર હોય છે કે એક દિવસ એ વિમાન નીચે આવી જશે? તો પેલું પચાસ વરસનું પ્લાનિંગ ક્યાં સચવાય છે? જે માણસ જે તે ક્ષણને જીવી જાણે છે એ જ સુખી છે. તેથી જ કરોડો રૂપિયાની લાલસામાં કોઈનું ખરાબ કરવા કરતા લોકોના હૃદય જીતવાનું વધારે યોગ્ય છે. કદાચ ઈશ્વર આપણા માટે એવું પ્લાનિંગ કરે કે એ ભસ્મીભૂત થયેલા વિમાનમાંથી બચી નીકળનાર એક વ્યક્તિ આપણે હોઈએ.
