મુંબઈઃ અમેરિકન કોમોડિટીઝ ફ્યુચર્સ ટ્રેડિંગ કમિશને અનરજિસ્ટર્ડ ક્રીપ્ટો ડેરિવેટિવ્ઝ સંબંધે બિનાન્સ વિરુદ્ધ કરેલા કેસનો આઘાત પચાવી લીધા બાદ ક્રીપ્ટોકરન્સી માર્કેટમાં બુધવારે નોંધનીય વૃદ્ધિ થઈ હતી. માર્કેટનો બેન્ચમાર્ક ઇન્ડેક્સ – આઇસી15 2,191 પોઇન્ટ વધ્યો હતો. એના તમામ ઘટક કોઇનમાં વૃદ્ધિ નોંધાઈ હતી. એક્સઆરપી, કાર્ડાનો, પોલીગોન અને સોલાનામાં 7થી 19 ટકાનો વધારો થયો હતો.
દરમિયાન, ગ્રાહકોને ક્રીપ્ટોકરન્સી સંબંધિત ખોટી માહિતીથી બચાવવાના ઉદ્દેશ્યથી ઘડવામાં આવેલા ફાઇનાન્શિયલ સર્વિસીસ એન્ડ માર્કેટ્સ એક્ટના મુસદ્દા વિશે યુનાઇટેડ કિંગડમની સરકાર ચર્ચા કરવાની છે. બીજી બાજુ, ચીનનું ઉદ્યોગ અને માહિતી તંત્રજ્ઞાન ખાતું વર્ષ 2025 સુધીમાં બ્લોકચેઇન ડેવલપમેન્ટને લગતાં ધારાધોરણો સુધારવા માટે કાર્ય કરવાનું છે. બ્લોકચેઇન પ્રોટોકોલ અલગોરાન્ડે ભારતમાં વેબ3 ઇનોવેશનને વેગ આપવા માટે અલ્ગોભારત નામની પહેલ શરૂ કરી છે.
અગાઉ, 3.0 વર્સે લોન્ચ કરેલો વિશ્વનો સર્વપ્રથમ ક્રીપ્ટો ઇન્ડેક્સ – આઇસી15 બુધવારે બપોરે ચાર વાગ્યે પૂરા થયેલા ચોવીસ કલાકમાં 6.04 ટકા (2,191 પોઇન્ટ) વધીને 38,444 પોઇન્ટ બંધ રહ્યો હતો. ઇન્ડેક્સ 36,253 ખૂલીને 38,733ની ઉપલી અને 36,046 પોઇન્ટની નીચલી સપાટીએ ગયો હતો.
પટનાઃ બિહારની ખગડિયા જિલ્લામાં એક સહાયક શિક્ષિકા ગુજરાતમાં રહીને પાંચ મહિનાથી પગાર મેળવી રહી છે. આ ઘટનાની જાણ ત્યારે થઈ જ્યારે શિક્ષણ પદાધિકારી (BEO) રામ ઉદય મહતોએ વોર્ડ નંબર ચાર સ્થિત પ્રાથમિક વિદ્યાલયમાં જઈને શિક્ષિકા સીમાકુમારીને કેટલાક મહિનાઓથી ગેરહાજર માલૂમ પડ્યાં હતાં. તેઓ આ વિદ્યાલયમાં પ્રતિનિયુક્તિ પર તહેનાત હતાં.
BEOએ જણાવ્યું હતું કે સપ્ટેમ્બરમાં મૂળ વિદ્યાલય મધ્ય વિદ્યાલય ભદાસથી પ્રાથમિક વિદ્યાલય વિદ્યાધરમાં સહાયક શિક્ષિકા સીમાકુમારી આજ સુધી સ્કૂલમાં મોં બતાવવા પણ નથી આવ્યાં, પણ HM વિકાસકુમાર તેમને હાજર બતાવતા રહ્યા હતા.તેમણે કહ્યું હતું કે જ્યારે અમે વિભાગથી પૂછપરછ કરી, ત્યારે એવું પ્રતીત થયું કે વિભાગ માસિક વેતન ભદાસ ગામ સ્થિત મૂળ મધ્ય વિદ્યાલયના મુખ્ય અધ્યાપક દ્વારા બતાવવામાં આવેલી ઉપસ્થિતિને આધારે જારી કરતા રહ્યા છે. તેમણે કહ્યું હતું કે પ્રાથમિક વિદ્યાલય ભાદસ ગામ સ્થિત એના મૂળ વિદ્યાલયમાં ગેરહાજરીનો રિપોર્ટ મોકલી રહ્યો હતો.
વિદ્યાલયના મુખ્ય અધ્યાપક વિકાસકુમારે તેમની ગેરહાજરીને હાજરીમાં પરિવર્તિત કરી દીધી હતી. તેમની હાજરીને આધારે વિભાગ સપ્ટેમ્બર, 2022થી તેમનો પગાર જારી કરી રહ્યો હતો. અમે સીમાકુમારી અને વિકાસકુમારને પગાર અટકાવવાની સાથે રિપોર્ટ જિલ્લા શિક્ષણ અધિકારીને મોકલી દીધો છે. સૂત્રોએ કહ્યું હતું કે 400થી વધુ શિક્ષકો એક પણ દિવસ સ્કૂલમાં કામ પર નહીં જઈને પગાર લેવાને મામલે શિક્ષણ વિભાગના રડાર પર છે.
મુંબઈઃ અભિનેત્રી કરીના કપૂર-ખાન બોલીવુડની ફેશનેબલ હસ્તી તરીકે જાણીતી છે. 42 વર્ષની ઉંમરે પણ એની ફેશન સેન્સ સૌનું ધ્યાન આકર્ષિત કરે છે. એનાં વિવિધ લૂક સતત ચર્ચામાં રહેતાં હોય છે. એણે ટીવી અભિનેત્રી ઉર્ફી જાવેદનાં પરિધાન અંગે પ્રત્યાઘાત આપ્યાં છે. એણે તો ઉર્ફીનાં ખૂબ જ વખાણ કર્યાં છે.
ટાઈમ્સ નાઉને આપેલી મુલાકાતમાં ઉર્ફી જાવેદનાં વસ્ત્રો વિશેનો પ્રશ્ન પૂછવામાં આવ્યો ત્યારે કરીનાએ કહ્યું, ‘કયા પ્રકારનાં કપડાં પહેરવા અને કઈ ફેશન કરવી એની તમને અહીંયાં સંપૂર્ણપણે આઝાદી છે. ઉર્ફી જે આત્મવિશ્વાસ સાથે લોકો સમક્ષ આવે છે એ જોતાં સૌએ એની પ્રશંસા કરવી જોઈએ. મારું માનવું છે કે એ ખૂબ જ શાંત છોકરી છે અને ખૂબ જ સુંદર લાગે છે. સાચી વાત એ છે કે ઉર્ફી એને જે ગમે છે તે પહેરે છે અને એ જ સાચી ફેશન છે. હું પોતે એક સ્ત્રી છું, જેને સ્વયં પર સંપૂર્ણ વિશ્વાસ છે. એટલે હું ઉર્ફીનાં આત્મવિશ્વાસની પ્રશંસા કરું છું. એને મારી સલામ છે.’
ઇન્ટરનેશનલ ક્રિકેટ કાઉન્સિલ (ICC)ના જનરલ મેનેજર વસીમ ખાને કહ્યું છે કે પાકિસ્તાનની ટીમ ODI વર્લ્ડ કપ 2023માં પોતાની મેચ તટસ્થ સ્થળે રમી શકે છે. વસીમ ખાને કહ્યું કે તેમને નથી લાગતું કે પાકિસ્તાન તેમની મેચ ભારતમાં રમશે અને આ ટીમની તમામ મેચો ભારતની એશિયા કપ મેચોની જેમ તટસ્થ સ્થળે રમી શકાય છે. હાલમાં એવી શક્યતા છે કે પાકિસ્તાનની ટીમ તેની ODI વર્લ્ડ કપની મેચો બાંગ્લાદેશમાં રમી શકે છે. બાંગ્લાદેશ ભારતની ખૂબ નજીક છે, તેથી ટીમોને ત્યાં જવા માટે કોઈ સમસ્યા નહીં થાય. જોકે, આ મામલે કોઈ સત્તાવાર સમર્થન નથી.
એશિયન ક્રિકેટ કાઉન્સિલ (એસીસી) એ ગયા અઠવાડિયે કહ્યું હતું કે એશિયા કપ 2023ની યજમાની અંગેનો વિવાદ ઉકેલાઈ ગયો છે. આ ટૂર્નામેન્ટ આ વર્ષે પાકિસ્તાનમાં યોજાવાની છે. દુબઈમાં તાજેતરની બેઠક દરમિયાન પીસીબી અને બીસીસીઆઈના અધિકારીઓએ પાકિસ્તાનમાં એશિયા કપની યજમાનીની સંભાવના અંગે ચર્ચા કરી હતી. એશિયા કપની તમામ મેચો માત્ર પાકિસ્તાનમાં જ રમાશે. તે જ સમયે, ભારતીય ટીમ તેની મેચો તટસ્થ સ્થળે રમશે. જો ભારત ફાઇનલમાં પહોંચશે તો ટાઇટલ મેચ પણ તટસ્થ સ્થળે યોજાશે.
ભારતે એશિયા કપમાં તેની મેચો તટસ્થ સ્થળે રમવાનું નક્કી કર્યું છે. આ પછી પાકિસ્તાન ક્રિકેટ બોર્ડ પણ તટસ્થ સ્થળ પર ODI વર્લ્ડ કપ 2023 રમવાનું વિચારી રહ્યું છે. મીડિયા રિપોર્ટ્સ અનુસાર, PCB ભારતમાં યોજાનારા ODI વર્લ્ડ કપ માટે એક નવી ફોર્મ્યુલા તૈયાર કરી રહ્યું છે, જે અંતર્ગત પાકિસ્તાન તેની મેચો ભારતના બદલે તટસ્થ સ્થળે રમશે. આ સંદર્ભમાં, પાકિસ્તાન ક્રિકેટ બોર્ડે ICC અને ACCને પોતાનો પ્રસ્તાવ પહોંચાડ્યો છે, જેને 2025માં પાકિસ્તાન દ્વારા યોજાનારી ચેમ્પિયન્સ ટ્રોફીમાં પણ લાગુ કરી શકાય છે.
શું છે મામલો?
ભારત અને પાકિસ્તાન વચ્ચે બગડતા રાજકીય સંબંધોને કારણે બંને દેશો વચ્ચે દ્વિપક્ષીય શ્રેણી રમાઈ રહી નથી. છેલ્લા એક દાયકાથી બંને દેશ માત્ર ICC અને ACC ટૂર્નામેન્ટમાં જ એકબીજા સામે રમી રહ્યા છે. 2009માં પાકિસ્તાનમાં ક્રિકેટ ટીમ પર થયેલા હુમલા બાદ તમામ દેશોએ ત્યાંનો પ્રવાસ રદ્દ કરી દીધો હતો. જો કે, સમય જતાં અન્ય ટીમોએ ત્યાં રમવાનું શરૂ કર્યું અને હવે લગભગ દરેક મોટી ટીમ ત્યાં રમી છે. જો કે, BCCI હજુ પણ તેના ખેલાડીઓને પાકિસ્તાનમાં સુરક્ષાના જોખમને કારણે રમવાની મંજૂરી આપી રહ્યું નથી.
પાકિસ્તાન એશિયા કપ 2023ની યજમાની કરી રહ્યું છે, જ્યારે ભારત ત્યાં રમવા માંગતું નથી. આવી સ્થિતિમાં ભારતની તમામ મેચો તટસ્થ સ્થળે યોજાવાની છે. આ પછી ODI વર્લ્ડ કપ ભારતમાં યોજાવાનો છે અને પાકિસ્તાન અહીં રમવા માંગતું નથી. પાકિસ્તાન તેની તમામ મેચો તટસ્થ સ્થળે યોજવાનું પણ વિચારી રહ્યું છે. આ પછી ICC ચેમ્પિયન્સ ટ્રોફી પણ પાકિસ્તાનમાં યોજાવાની છે. ચેમ્પિયન્સ ટ્રોફીની મેચમાં પણ ભારતીય ટીમ પોતાની મેચ તટસ્થ સ્થળો પર રમી શકે છે.
પાકિસ્તાનમાં આ દિવસોમાં રાજકીય અને આર્થિક સંકટ છે. સતત વધી રહેલી મોંઘવારીના કારણે અહીં ભૂખમરાની સ્થિતિ સર્જાઈ છે. સ્થિતિ એવી છે કે લગભગ અડધા પાકિસ્તાની પરિવારોને 2 જૂનની રોટલી પણ નથી મળી રહી. દેશમાં માત્ર લોટના જ નહીં પરંતુ રોજબરોજની દરેક ચીજવસ્તુઓના ભાવ પણ આસમાને છે. તેને જોતા સરકારે સરકારી વિતરણ કેન્દ્રો પર મફતમાં લોટ આપવાની યોજના શરૂ કરી છે. આ દરમિયાન પાકિસ્તાનના અધિકારીઓએ મોટો ખુલાસો કર્યો છે. અધિકારીઓએ બુધવારે જણાવ્યું હતું કે સરકારી વિતરણ કેન્દ્રોમાંથી મફત લોટ મેળવવાનો પ્રયાસ કરતી વખતે તાજેતરના દિવસોમાં પાકિસ્તાનના પંજાબ પ્રાંતમાં મહિલાઓ સહિત ઓછામાં ઓછા 11 લોકોના મોત થયા છે. દેશના પૂર્વ પીએમની પાર્ટી પીટીઆઈએ તેની ટીકા કરી છે.
મળતી માહિતી મુજબ દક્ષિણ પંજાબના ચાર જિલ્લા સાહિવાલ, બહાવલપુર, મુઝફ્ફરગઢ અને ઓકારામાં મફત લોટ કેન્દ્રોમાં મંગળવારે બે વૃદ્ધ મહિલાઓ અને એક પુરુષનું મોત થયું હતું. એટલું જ નહીં, અહીં મફતમાં લોટ મેળવવાનો પ્રયાસ કરતી વખતે ભારે ભીડમાં 60 અન્ય લોકો ઘાયલ પણ થયા હતા. આ સિવાય, અન્ય જિલ્લાઓ જ્યાં મૃત્યુ નોંધાયા છે તેમાં ફૈસલાબાદ, જહાનિયા અને મુલતાનનો સમાવેશ થાય છે.
આ યોજના મોંઘવારીને હરાવવા માટે શરૂ કરવામાં આવી હતી
પંજાબ સરકારના એક વરિષ્ઠ અધિકારી દ્વારા આપવામાં આવેલી માહિતી અનુસાર, ખાસ કરીને પંજાબ પ્રાંતના ગરીબો માટે આસમાની મોંઘવારીને હરાવવા માટે મફત લોટ યોજના શરૂ કરવામાં આવી હતી. તેમણે કહ્યું કે આ કેન્દ્રો પર લોકોની ભારે ભીડને કારણે છેલ્લા કેટલાક દિવસોમાં ઘણા લોકોના મોત થયા છે. આ યોજનાનો ઉદ્દેશ્ય પાકિસ્તાન તહરીક-એ-ઈન્સાફ (પીટીઆઈ)ના વડા ઈમરાન ખાનની વધતી લોકપ્રિયતાનો સામનો કરવાનો છે.
પોલીસ લાઠીચાર્જ પણ કરી રહી છે
પંજાબ સરકારના એક અધિકારીએ જણાવ્યું હતું કે મફત લોટના વિતરણ માટે સ્થાપિત કેન્દ્રોમાં લોકોની ભારે ભીડ અને સુવિધાઓના અભાવને કારણે આ ઘટનાઓ બની હતી. આ સાથે એ પણ પ્રકાશમાં આવ્યું છે કે મુઝફ્ફરઘર અને રહીમ યાર ખાન શહેરોમાં લોકોએ મફતના લોટની ટ્રકો લૂંટવાનો પ્રયાસ કર્યો હતો. જે બાદ સુરક્ષા દળોએ પણ કડક વલણ અપનાવ્યું હતું. તે જ સમયે, વ્યવસ્થા જાળવવાના નામે મફત લોટ મેળવવા માટે લાંબી કતારોમાં રાહ જોતા નાગરિકો સાથે મારપીટ અને લાઠીચાર્જ કરીને કેન્દ્રોમાં અરાજકતા સર્જવા માટે પોલીસને દોષી ઠેરવવામાં આવે છે.
Pakistan | The PTI chairman and former prime minister Imran Khan have filed a plea in the sessions court against the non-bailable arrest warrants in a female judge threatening case: Pakistan’s ARY News pic.twitter.com/SvKfnueHLA
દરમિયાન, પંજાબના રખેવાળ મુખ્ય પ્રધાન મોહસિન નકવીએ બુધવારે નાગરિકોને ભીડ અને અસુવિધા ઘટાડવા માટે સવારે 6 વાગ્યાથી સમગ્ર પ્રાંતમાં મફત લોટ કેન્દ્રો ખોલવાની જાહેરાત કરી હતી. આ સાથે મુખ્યમંત્રી કાર્યાલય ખાતે મળેલી બેઠકમાં આગામી ત્રણ દિવસ સુધી પ્રાંત મંત્રીઓ અને સચિવો સોંપાયેલ જિલ્લાઓમાં ફરજ બજાવશે તેવો નિર્ણય પણ લેવાયો હતો. આ દરમિયાન તેઓ પોતે લોટ કેન્દ્રોની મુલાકાત લઈને પરિસ્થિતિનું મૂલ્યાંકન કરશે.
શાહબાઝ શરીફ મફત લોટ વિતરણ કેન્દ્રોની મુલાકાત લઈ રહ્યા છે
તે જ સમયે, પીએમ શાહબાઝ શરીફે પણ મફત લોટ વિતરણ કેન્દ્રોમાં ગેરવહીવટની નોંધ લીધી છે. આ સંદર્ભે વડા પ્રધાન શાહબાઝ શરીફે આ કેન્દ્રોની મુલાકાત લેવાનું શરૂ કર્યું છે. અહીં વિતરણ કરવામાં આવતી લોટની થેલીઓની ગુણવત્તા અને વજનની ચકાસણીની સાથે લોકો પાસેથી તેમની સમસ્યાઓ પણ જાણી રહી છે.
ઈમરાન ખાનની પાર્ટીએ તેની ટીકા કરી હતી
ભૂતપૂર્વ વડા પ્રધાન ઈમરાન ખાનની પાકિસ્તાન તહરીક-એ-ઈન્સાફ (PTI) પાર્ટીએ મૃત્યુ અને યોજનાની નિંદા કરી છે. ભૂતપૂર્વ વડા પ્રધાન ખાને મફત લોટ કેન્દ્રોમાં ગેરવહીવટ માટે પાકિસ્તાન મુસ્લિમ લીગ-નવાઝ સરકારની નિંદા કરી હતી. નિર્દોષ લોકોના મોત માટે વડા પ્રધાન શહેબાઝ શરીફ અને પંજાબના રખેવાળ મુખ્ય પ્રધાન નકવીને પણ જવાબદાર ઠેરવ્યા છે. તેમણે કહ્યું કે ‘ચોરોની સરકાર’એ લોકોનું જીવન એટલું દયનીય બનાવી દીધું છે કે તેઓ લોટની થેલી લેવા માટે મરી રહ્યા છે.
મહેસાણા જિલ્લા અને સેશન્સ કોર્ટે આજે કોંગ્રેસના ધારાસભ્ય જીગ્નેશ મેવાણી, રેશમા પટેલ સહિત 12 આરોપીઓને નિર્દોષ જાહેર કર્યા છે. તેમણે જુલાઈ 2017માં પરવાનગી વિના મહેસાણામાં રેલી યોજવાના કેસમાં નિર્દોષ જાહેર કર્યા છે.
જીગ્નેશ મેવાણી, રેશમા પટેલ સહિત 12 નિર્દોષ જાહેર
જુલાઈ 2017ના કેસમા જીગ્નેશ મેવાણી, રેશમા પટેલ સહિત 12ને નિર્દોષ જાહેર કરવામા આવ્યા છે. કોર્ટે પાંચ વર્ષ પહેલા પોલીસની પરવાનગી વિના મહેસાણા શહેરમાંથી યોજાયેલી આઝાદી કુચ રેલી યોજવાના કેસમાં ચૂકાદો આપ્યો છે. મહત્વનું છે કે . મેજિસ્ટ્રેટ કોર્ટે આ 12 આરોપીઓને ગેરકાયદેસર રીતે ભેગા થવા બદલ ત્રણ મહિનાની જેલ અને રૂ. 1,000 દંડની સજા ફટકારી હતી જે બાદ સેશન્સ કોર્ટે ફરિયાદ પક્ષના કેસને “પાયા વિનાનો” ગણાવ્યો હતો. અને જિલ્લા જ્યુડિશિયલ મેજિસ્ટ્રેટ ફર્સ્ટ ક્લાસના 3 માસની સજાની સામે સેશન્સ કોર્ટમાં કરેલ અપીલમાં આ તમામ આરોપીઓને નિર્દોષ છોડી મુકવાનો હુકમ કર્યો હતો.
2017માં પરવાનગી વગર રેલી યોજવાનો કેસ
2017માં બનાસકાંઠાના દલિત પરિવારને ફાળવેલી જમીનનો પ્રત્યક્ષ કબજો આપવામાં આવે તે હેથુથી મહેસાણીથી ધાનેરા સુધી ‘આઝાદી કુચ’ના નામથી રેલી યોજવામાં આવી હતી. આ રેલી પરવાનગી વગર યોજવાના આરોપમાં જીગ્નેશ મેવાણી, રેશમા પટેલ સહિત 10 લોકોને મહેસાણા ચીફ જ્યુડીશીયલ મેજીસ્ટ્રેટની કોર્ટે 3 માસની જેલ અને 1000 રૂપિયાના દંડની સજા સંભળાવી હતી.
સેશન્સ કોર્ટે નીચલી કોર્ટનો હુકમ રદ કર્યો
આ સજા બાદ જીગ્નેશ મેવાણી સહિતના તમામ આરોપીઓએ સજા માફીની માંગ કરતી અરજી સેશન્સ કોર્ટમાં દાખલ કરી હતી. અને મહેસાણા સેશન્સ કોર્ટે આ અરજીઓને ગ્રાહ્ય પણ રાખી હતી. આ મામલે મહેસાણા સેશન્સ કોર્ટે નીચલી કોર્ટનો હુકમ રદ કરીને તમામ આરોપીઓને નિર્દોષ જાહેર કર્યા છે.
અમદાવાદઃ રિન્યુએબલ એનર્જી ક્ષેત્રે ગુજરાત કુલ 8887.72 મેગાવોટ (MW) સ્થાપિત સૌર ઊર્જા ક્ષમતા અને 9925.72 મેગાવોટ સ્થાપિત પવન ઊર્જા ક્ષમતા સાથે 28 ફેબ્રુઆરી, 2023 સુધીમાં રાષ્ટ્રીય સ્તરે બીજા સ્થાન પર છે. કેન્દ્રીય ન્યુ એન્ડ રિન્યુએબલ એનર્જી એન્ડ પાવર મંત્રી આર.કે. સિંહ દ્વારા આ માહિતી રાજ્યસભામાં 28 માર્ચ, 2023એ સાંસદ પરિમલ નથવાણી દ્વારા પૂછવામાં આવેલા સવાલનો જવાબ આપતાં ઉપલબ્ધ કરાવવામાં આવી હતી.
મંત્રીના નિવેદન અનુસાર સૌથી વધુ સ્થાપિત સોલાર એનર્જી ઉત્પાદન ક્ષમતા ધરાવતા ટોચનાં પાંચ રાજ્યો રાજસ્થાન (16,405.75 MW), ગુજરાત (8,887.72 MW), કર્ણાટક (8,110.48 MW), તામિલનાડુ (6,536.77 MW) અને તેલંગાણા (4,657.18 MW) છે. નિવેદન અનુસાર મહત્તમ સ્થાપિત પવન ઊર્જા ક્ષમતા ધરાવતા ટોચનાં પાંચ રાજ્યોમાં તામિલનાડુ (9,983.12 MW), ગુજરાત (9,925.72 MW), કર્ણાટક (5,276.05 MW), મહારાષ્ટ્ર (5,012.83 MW) અને રાજસ્થાન (4,681.82 MW) છે.
નથવાણી રિન્યુએબલ એનર્જીના ઇન્સ્ટોલેશન તેમ જ ઉત્પાદન માટે જાહેર કરાયેલાં પ્રોત્સાહનો તેમ જ આ પ્રોત્સાહનો સૌર પેનલ્સ, એલ્યુમિનિયમ ચેનલ્સ, પવનચક્કીઓ વગેરે જેવાં ઉપકરણોના ઉત્પાદકોને લાગુ પડે છે કે કેમ તથા દેશમાં સોલાર અને વિન્ડ એનર્જી ઉત્પાદન કરતાં ટોચનાં પાંચ રાજ્યો વિશે અને દરિયાઈ મોજાંથી કેટલી ઊર્જા ઉત્પન્ન થાય છે તેની વિગતો જાણવા માગતા હતા.
મંત્રીના નિવેદન અનુસાર કેન્દ્ર સરકારના ન્યુ એન્ડ રિન્યુએબલ એનર્જી મંત્રાલય (MNRE) દેશમાં સ્થાનિક રિન્યુએબલ એનર્જીના ઉત્પાદનના વિકાસ અને સુવિધા માટે સતત નીતિઓ લાવી રહ્યું છે. મંત્રીના નિવેદનમાં એ વાતનો પણ ઉલ્લેખ કરવામાં આવ્યો હતો કે ભારત સરકાર ઉચ્ચ કાર્યક્ષમતા ધરાવતા સોલાર પીવી મોડ્યુલ્સમાં ગીગા વોટ (GW) સ્તરની સ્થાનિક ઉત્પાદન ક્ષમતા હાંસલ કરવા માટે ઉચ્ચ કાર્યક્ષમતા સોલાર પીવી મોડ્યુલ્સ પરના રાષ્ટ્રીય કાર્યક્રમ હેઠળ રૂ. 24,000 કરોડના ખર્ચ સાથે પ્રોડક્શન લિંક્ડ ઇન્સેન્ટિવ (PLI) યોજનાનો અમલ કરી રહી છે. આ સ્કીમમાં ઉચ્ચ કાર્યક્ષમતાવાળા સોલાર પીવી મોડ્યુલના ઉત્પાદન અને વેચાણ પર પાંચ વર્ષ માટે પસંદ કરેલા સોલાર પીવી મોડ્યુલ ઉત્પાદકોને પ્રોડક્શન લિંક્ડ ઈન્સેન્ટિવ (PLI) આપવા માટેની જોગવાઈ છે.
પશ્ચિમ બંગાળના મુખ્યમંત્રી મમતા બેનર્જીએ બુધવારે દેશના તમામ રાજકીય પક્ષોને ભાજપ સામે મજબૂતીથી લડવાની અપીલ કરી છે. મમતાએ કહ્યું કે આગામી વર્ષે થનારી લોકસભા ચૂંટણીમાં તમામ પક્ષોએ એક થઈને લડવું પડશે. અમારે ભાજપને સત્તા પરથી હટાવવાનો છે. રાજ્ય પ્રત્યે કેન્દ્ર સરકારના કથિત ભેદભાવપૂર્ણ વલણના વિરોધમાં કોલકાતામાં બે દિવસીય ધરણા શરૂ કરનાર તૃણમૂલ કોંગ્રેસના વડાએ ભાજપને ખરાબ શાસન ગણાવ્યું. તેમણે કહ્યું કે તેણે એલઆઈસી અને એસબીઆઈને વેચીને દેશને બરબાદ કર્યો છે.
વોશિંગ મશીન ચર્ચાનો વિષય બન્યો હતો
ધરણા દરમિયાન સ્ટેજ પર વોશિંગ મશીન પણ રાખવામાં આવ્યું હતું. તેના પર BJP લખેલું હતું. મમતાએ સાંકેતિક રીતે તેમાં કાળા કપડા ધોવા માટે મૂક્યા અને સફેદ કપડાં કાઢ્યા. તેમણે કેન્દ્રીય એજન્સીઓને લઈને પણ સરકારને આડે હાથ લીધી હતી. તેમણે કહ્યું કે ભાજપની વોશિંગ મશીનમાં બધું સાફ થઈ જાય છે.
Under BJP’s rule, the opposition is endlessly harassed by Central Agencies. But the minute an opposition leader joins the BJP, they become innocent as a lamb.
— All India Trinamool Congress (@AITCofficial) March 29, 2023
દેશના નાગરિકો અને ભાજપ વચ્ચે લડાઈ થશેઃ CM
મમતા બેનર્જીએ કહ્યું કે ભારતીય લોકશાહીને બચાવવા માટે તમામ ધર્મના લોકોએ હિંદુ, મુસ્લિમ, શીખ, ખ્રિસ્તી, પારસીએ ભારતીય જનતા પાર્ટીને હરાવવા માટે એક થવું જોઈએ. તેમણે કહ્યું કે 2024ની સંસદીય ચૂંટણીમાં દેશના નાગરિકો અને ભાજપ વચ્ચે લડાઈ થશે. આ ભાજપ સરકારને હટાવવા માટે ભારતના દરેક રાજકીય પક્ષોએ એક થવું જોઈએ. ‘દુશાસન’ ભાજપને હટાવો અને દેશના સામાન્ય માણસને, ભારતીય લોકશાહીને બચાવો.
વડાપ્રધાનના નિવાસસ્થાન પાસે ધરણા પર બેસીશુંઃ મમતા
પશ્ચિમ બંગાળના મુખ્યમંત્રીએ એમ પણ કહ્યું કે જો જરૂર પડશે તો તે રાષ્ટ્રીય રાજધાનીમાં વડાપ્રધાનના નિવાસસ્થાન પાસે ધરણા પર બેસી જશે. મમતાએ કહ્યું કે તે મુખ્યમંત્રી તરીકે નહીં પણ ટીએમસી ચીફ તરીકે ધરણા પર બેઠી છે. હું લોકો માટે કામ કરું છું. હું એવા લોકો માટે લડી રહ્યો છું જેમના પૈસા 100 દિવસના કામ માટે બંધ છે. હું સામાન્ય લોકોના હક માટે બેઠો છું જેમના પૈસા કેન્દ્ર દ્વારા રોકી દેવામાં આવ્યા છે. જો જરૂર પડશે તો હું પીએમના નિવાસસ્થાનની બહાર પણ વિરોધ કરવાનું ચૂકીશ નહીં.
નવી દિલ્હીઃ દિલ્હી કેપિટલ્સ ટીમે આગામી આઈપીએલ-2023 સ્પર્ધા માટે તેના ઈજાગ્રસ્ત ખેલાડી રિષભ પંતની જગ્યાએ બંગાળના વિકેટકીપર-બેટર અભિષેક પોરેલને કરારબદ્ધ કર્યો છે, એમ ઈએસપીએન-ક્રિકઈન્ફોના અહેવાલમાં જણાવવામાં આવ્યું છે. પોરેલ દિલ્હીમાં છેલ્લા એક અઠવાડિયા લાંબી શિબિરમાં અનેક પ્રેક્ટિસ મેચો રમ્યો હતો. તે મેચો વખતે ખેલાડીઓના દેખાવ પર ટીમના ડાયરેક્ટર ઓફ ક્રિકેટ સૌરવ ગાંગુલી અને હેડ કોચ રિકી પોન્ટિંગે દેખરેખ રાખી હતી.
પ્રથમ કક્ષાની ક્રિકેટમાં પોરેલે 26 દાવમાં 6 હાફ સેન્ચુરી ફટકારી છે. પોરેલને ભલે પંતની જગ્યાએ કરારબદ્ધ કરવામાં આવ્યો છે, પણ સ્પર્ધાની મેચોમાં રમવા માટે સરફરાઝ ખાનને પ્રાધાન્ય અપાશે.
રિષભ પંતને ગયા ડિસેમ્બરમાં રૂડકી શહેર નજીક કાર અકસ્માતમાં ગંભીર ઈજા થઈ હતી. તે હાલ સારવાર હેઠળ છે.
નવી દિલ્હીઃ એપલે મેક ઇન ઇન્ડિયા શિપમેન્ટમાં વોલ્યુમની દ્રષ્ટિએ 65 ટકા (વાર્ષિક ધોરણે) અને મૂલ્યની દ્રષ્ટિએ 162 ટકાનો વધારો થયો છે, જેનાથી બ્રાન્ડનો મૂલ્યની દ્રષ્ટિ હિસ્સો 2022માં 2021ની તુલનાએ 12 ટકા વધીને 25 ટકા થઈ ગયો છે, એમ એક રિપોર્ટમાં કહેવામાં આવ્યું હતું.કાઉન્ટરપોઇન્ટ રિસર્ચ અનુસાર મેક ઇન ઇન્ડિયા સ્માર્ટફોન શિપમેન્ટ માં નિકાસનું યોગદાન 2022માં વોલ્યુમની દ્રષ્ટિએ 20 ટકા અને મૂલ્યની દ્રષ્ટિએ 30 ટકા હતું.
ઓવરઓલ મેક ઇન ઇન્ડિયા સ્માર્ટફોન શિપમેન્ટ 2022ના જાન્યુઆરીથી ડિસેમ્બરના સમયગાળામાં ત્રણ ટકાના ઘટાડાની સાથે 18.8 લાખ યુનિટે પહોંચ્યું હતું.
એપલના EMS (ઈલેક્ટ્રોનિક્સ મેન્યુફેક્ચરિંગ સર્વિસિસ) ભાગીદાર ફોક્સકોન હોન હાઇ અને વિસ્ટ્રોન –ચોથા ત્રિમાસિક ગાળામાં ટોચના 10માં સૌથી ઝડપથી ઉત્પાદન કરતી કંપની હતી. એપલે નિકાસ વધતા ઝડપથી ગ્રોથને વેગ મળ્યો હતો.જોકે 2022ના ચોથા ત્રિમાસિક ગાળામાં સેમસંગે ઓપ્પોથી આગળ સ્માર્ટફોન ઉત્પાદક તરીકે ઊભરી હતી, જેની એન્ટ્રી-ટિયર સેગમેન્ટમાં ઇન્વેન્ટરીના મુદ્દાને કારણે મેન્યુફેક્ચરિંગ શિપમેન્ટમાં 31 ટકાનો ઘટાડો થયો હતો.
રિસર્ચ ડિરેક્ટર તરુણ પાઠકે કહ્યું હતું કે કુલ મળીને 2022 ભારતમાં ઉત્પાદન અને સ્થાનિયકરણની દ્રષ્ટિએ સારું વર્ષ રહ્યું હતું. તેમણે કહ્યું હતું કે કેન્દ્ર અને રાજ્ય-બેને સ્તરે સરકારની સાથે-સાથે અન્ય પહેલોથી સ્થાનિક ઉત્પાદનને પ્રોત્સાહન આપવામાં આવ્યું હતું.રિપોર્ટમાં કહેવામાં આવ્યું હતું કે આવનારા સમયમાં અમે દેશને PLI યોજનાનો લાભ ઉઠાવતા જોઈ શકીએ છીએ, જે એપલ અને સેમસંગની વધતી નિકાસ માટે આભાર માન્યો હતો.
દરમિયાન, ગ્રાહકોને ક્રીપ્ટોકરન્સી સંબંધિત ખોટી માહિતીથી બચાવવાના ઉદ્દેશ્યથી ઘડવામાં આવેલા ફાઇનાન્શિયલ સર્વિસીસ એન્ડ માર્કેટ્સ એક્ટના મુસદ્દા વિશે યુનાઇટેડ કિંગડમની સરકાર ચર્ચા કરવાની છે. બીજી બાજુ, ચીનનું ઉદ્યોગ અને માહિતી તંત્રજ્ઞાન ખાતું વર્ષ 2025 સુધીમાં બ્લોકચેઇન ડેવલપમેન્ટને લગતાં ધારાધોરણો સુધારવા માટે કાર્ય કરવાનું છે. બ્લોકચેઇન પ્રોટોકોલ અલગોરાન્ડે ભારતમાં વેબ3 ઇનોવેશનને વેગ આપવા માટે અલ્ગોભારત નામની પહેલ શરૂ કરી છે.
