નવી દિલ્હીઃ ટીવી પર બેયર ગ્રિલ્સનો શો મેન vs વાઈલ્ડ ખૂબ જાણીતો છે. ગત વર્ષે આ શોમાં વડાપ્રધાન મોદી જોડાયા હતા અને આ એપિસોડને ખૂબ પસંદ કરવામાં આવ્યો હતો. હવે ભારતીય સિનેમાના સુપરસ્ટાર રજનીકાંત પણ આ શો માં ભાગ લેવા જઈ રહ્યા છે. 
પ્રાપ્ત વિગતો અનુસાર, રજનીકાંત જલ્દી જ બેયર ગ્રિલ્સ સાથે આ શો ના એપિસોડનું શૂટિંગ કરશે. વડાપ્રધાન મોદી આ શોમાં આવ્યા ત્યારે તેનુ શૂટિંગ ઉત્તરાખંડના જિમ કોર્બેટ પાર્કમાં થયું હતું તો રજનીકાંતવાળા એપિસોડનું શૂટિંગ કર્ણાટકના બાંદીપુર ટાઈગર રિઝર્વમાં થશે. ચેન્નઈના પત્રકાર શબ્બીર અહમદે ટ્વીટ કરીને આ જાણકારી આપી છે.
સુપરસ્ટાર રજનીકાંતને ભારતના સૌથી સફળ એક્ટર માનવામાં આવે છે.
માગ વધારવા લોકોના હાથમાં પૈસા રહે તેવું કરવું પડે. સીધો અર્થ થાય ટેક્સ ઘટાડવો. ત્રણેક પ્રકારના ટેક્સ ઘટાડવા માટેની આશા રાખીને નિષ્ણાતો બેઠા છે. ગુજરાતીઓને આમાં વધુ રસ પડે તેવું છે, કેમ કે ત્રણેય બાબતોની સીધી અસર ગુજરાતીઓને થાય. આમ તો બધાને થાય, પણ ગુજરાતીઓને વધારે થાય કેમ કે શેરબજાર સાથે બે બાબતોને સંબંધ છે. એક જ છે ઇન્કમ ટેક્સના સ્લેબમાં વધારો. તેનો ફાયદો બધાને થાય, ગુજરાતીઓને પણ થાય. તે પછીની બે બાબતો છે લોન્ગ ટર્મ કેપિટલ ગેઈન અને ડિવિડન્ટ ડિસ્ટ્રિબ્યુશન ટેક્સ. આ બંને બાબતો શેર બજાર સાથે જોડાયેલી છે.
આ મામલો હંમેશા ચર્ચામાં રહ્યો છે. નોંધપાત્ર બાબત એ છે કે 2004-05માં યુપીએ-પ્રથમની સરકાર બની ત્યારે નાણા પ્રધાન ચિદંબરમે કેપિટલ ગેઈન ટેક્સ હટાવવાનું કામ કર્યું હતું. લોન્ગ ટર્મ કેપિટલ ગેઈન નાબૂદ કરાયું હતું. તેની પાછળનો ઇરાદો એ હતો કે લોકો લાંબો સમય રોકાણ રાખે અને પછી નફો કરે તો ટેક્સ ના લેવો. એક જ વર્ષના ગાળામાં લેવેચ કરનારા વેપારી હોય, જ્યારે શેર લઈને બેચાર વર્ષ રાખી મૂકનારા રોકાણકાર હોય. શેરનું કામકાજ કરનારા કરતાં લાંબા ગાળા સુધી શેર રાખનારા રોકાણકારો જુદા કહેવાય. તેથી આવા રોકાણકાર પર ટેક્સ ના લગાવવાનું નક્કી થયું હતું.
કંપનીઓ તરફથી શેરધારકને ડિવિડન્ડ ચૂકવવામાં આવે છે. કંપનીઓ ડિવિડન્ડ ચૂકવે ત્યારે તેના પર સરકાર ટેક્સ લે છે. ગુજરાતીઓએ નાનું મોટું રોકાણ શેરમાં કર્યું જ હોય એટલે ડિવિડન્ડ આવે તેમાંથી ટેક્સ કપાઈને આવતો હોય છે. કંપનીઓનું કહેવું છે કે નફો ત્યારે તેના પર સરકારને ટેક્સ ચૂકવવામાં આવે જ છે. આવક પર એકવાર ટેક્સ ચૂકવાઈ ગયો હોય, પણ તે પછી તે આવકની વહેંચણી શેરધારકોને કરવામાં આવે ત્યારે ફરીથી ડિવિડન્ડ ડિસ્ટ્રીબ્યૂશન ટેક્સ લાગે છે. આમ બેવડો કર ના લાગવો જોઈએ એવી માગણી છે. આવો ટેક્સ 20 ટકા સુધીનો હોય છે. બીજું કે 10 લાખથી વધુની આવક ડિવિડન્ડથી થાય ત્યારે વધારે 10 ટકા ટેક્સ લાગતો હોય છે. આ બધી બાબતોથી શેરબજારના લોકો વધારે સારી રીતે વાકેફ હોય છે અને તેની ગણતરી કરીને જ રોકાણ કરેલું હોય છે. આમ છતાં શેરબજારમાં રોકાણનું આકર્ષણ રહે અને કામકાજમાં તથા ગણતરીમાં સરળતા રહે તે માટે પણ નિયમોમાં ફેરફારની માગણીઓ થતી રહે છે. આ વખતે પણ એ જ રીતે બંને માગણીઓ છે, પણ પૂરી થશે કે કેમ તે જોવાનું રહે છે.
ત્રીજી માગણી જે દેશમાં બધાને અને લગભગ પાંચ કરોડ લોકોને સ્પર્શે છે તે છે આવક વેરાની. 135 કરોડની વસતિમાં હજીય પાંચથી છ કરોડ લોકો રિટર્ન ભરે છે અને તેમાં નાની રકમની આવકવાળા વધારે છે. ઘણા વર્ષોથી સ્લેબમાં ધીમો ધીમો વધારો જ થઈ રહ્યો છે. અઢી લાખથી પાંચ લાખની મર્યાદા ક્યારે આવશે તેની રાહ જોવાઈ રહી છે. ગત વખતે બજેટ રજૂ થયું ત્યારે રિબેટની જોગવાઈ દાખલ થઈ હતી. એવી રીતે રિબેટ આપવામાં આવે કે પાંચ લાખ સુધી ટેક્સ ભરવો ના પડે, પણ મર્યાદા અઢી લાખની જ રહી હતી.
ડાયરેક્ટ ટેક્સ કોડમાં મોટા પાયે ફેરફારોની ચર્ચા બે દાયકાથી થાય છે, પણ તેનો અમલ પૂર્ણ રીતે થયો નથી. સ્લેબ વધારે હોય, પાંચ પાંચ ટકાના હોય, અને ધીમે ધીમે વધતા જાય તો લોકોને વાત વાજબી લાગે. 15 લાખ અને 15 કરોડ કમાતા બંને પર લગભગ સરખી ટકાવારીમાં વેરો લેવાતો હોય ત્યારે સ્વાભાવિક છે કે વધુ કમાતા પર વધુ ટેક્સની માગણી થાય.
સૌથી વધુ ચર્ચા આ ત્રણ બાબતોની છે – આવક વેરો, કેપિટલ ગેઈન ટેક્સ અને ડિવિડન્ટ ડિસ્ટ્રિબ્યુશન ટેક્સ. તેથી ભારતમાં પ્રથમવાર પૂર્ણ કક્ષાના નાણાં પ્રધાન બનેલા નિર્મલા સિતારમણ તેમનું પ્રથણ પૂર્ણ નાણાકીય વર્ષનું બજેટ કેવું લઈને આવે છે તે જોવાનું રહેશે. એક ગૃહિણી તરીકે કુટુંબની આવકમાં થોડો વધારો થાય તો શું થઈ શકે તે તેઓ જાણતા હોવો જોઈએ, તેમ માનીને લોકોના હાથમાં થોડા પૈસા બચે તેવું કરશે તેવી અપેક્ષા છે.
