નવી દિલ્હીઃ દેશની સૌથી મોટી કંપની રિલાયન્સ ઇન્ડસ્ટ્રીઝની સબસિડિયરી કંપની રિલાયન્સ રિટેલે ચેન્નઈ સ્થિત વિટાલિક હેલ્થ પ્રા. લિ. અને એની સબસિડિયરી નેટમેડ્સમાં બહુમતી હિસ્સો ખરીદ્યો છે. કંપનીએ નેટમેડ્સમાં 60 ટકા હિસ્સો આશરે 620 કરોડ રૂપિયામાં ખરીદ્યો છે. કંપનીનાં ડિરેક્ટર ઇશા અંબાણીએ કહ્યું હતું કે બધાને ડિજિટલ સુવિધા આપવા માટે આ હિસ્સો ખરીદવામાં આવ્યો છે. ઓનલાઇન ફાર્મસી કંપની નેટમેડ્સ મોટા ફાર્માસિસ્ટોને સાંકળે છે અને ગ્રાહકોને દવાઓની ડોર સ્ટેપ ડિલિવરી પણ કરે છે. આ રીતે રિલાયન્સ ઇન્ડસ્ટ્રીઝ લોકડાઉનમાં તત્કાળ સોદો કરવાવાળી કંપની બની ગઈ છે.
વિટાલિક હેલ્થ અને તેની સબસિડિયરીઓ સામૂહિક રીતે નેટમેડ્સના રૂપે જાણીતી છે. રિલાયન્સ રિટેલે નેટમેડ્સમાં બહુમતી હિસ્સો ખરીદ્યો છે. કંપનીએ વિટાલિક હેલ્થ પ્રા. લિ.ના ઇક્વિટી શેર કેપિટલમાં 60 ટકા હોલ્ડિંગની સાથે એની સબસિડિયરી કંપની ટ્રિસારા, નેટમેડ્સ અને દાધા ફાર્માની 100 ટકા ડિરેક્ટર ઇક્વિટી ઓનરશિપ ખરીદી લીધી છે.
આ મૂડીરોકાણ થકી દેશમાં દરેક જણ પાસે ડિજિટલ માધ્યમથી અમે દવા પહોંચાડી શકીશું. નેટમેડ્સ અમારી સાથે જોડાવાથી રિલાયન્સ રિટેલની સારી ગુણવત્તા અને એફોર્ડેબલ હેલ્થકેર પ્રોડક્ટ્સ અને સર્વિસ પૂરી પાડવાની ક્ષમતા વધારો થયો છે અને ગ્રાહકોને દૈનિક જરૂરી ચીજવસ્તુઓને પૂરી પાડવામાં મદદ મળી રહેશે, એમ રિલાયન્સ રિટેલ વેન્ચર્સ લિમિટેડનાં ડિરેક્ટર ઇશા અંબાણી કહ્યું હતું. 
નેટમેડ્સના સંસ્થાપક અને CEO પ્રદીપ દાધા ( નેટમેડ્સ માર્કેટપ્લેસ)નું કહેવું છે કે રિલાયન્સની ડિજિટલ, રિટેલ અને ટેક પ્લેટફોર્મની સંયુક્ત શક્તિની સાથે અમે વધુ ગ્રાહકોની વચ્ચે અમારી સપ્લાય ચેઇનને મજબૂત કરવા સક્ષમ થઈશું. આ કરાર પછી અમે અમારી સર્વિસ વધુ સારી રીતે આપી શકીશું, એમ તેમણે કહ્યું હતું.
2015માં વિટાલિક અને એની સબસિડિયરી કંપનીઓ ફાર્મા ડિસ્ટ્રિબ્યુશન, સેલ્સ અને બિઝનેસ સપોર્ટ સર્વિસિસના વેપારમાં છે. એની સબસિડિયરી કંપની ગ્રાહકોને ફાર્માસિસ્ટોથી જોડવા અને દવાઓ, ન્યુટ્રિશિનલ હેલ્થ અને વેલનેસ ઉત્પાદનોની ડિલિવરી કરવા માટે એક ઓનલાઇન ફાર્મસી પ્લેટફોર્મ નેટમેડ્સ પૂરું પાડે છે.
નેટમેડ્સ માટે રિલાયન્સ પરિવારમાં સામેલ થવું અને પ્રત્યેક ભારતીય માટે ગુણવત્તાયુક્ત આરોગ્યની દેખભાળ સસ્તી અને સુલભ બનાવવા માટે એકસાથે કામ કરવા માટે આનંદની ક્ષણ છે, એમ CEO પ્રદીપ દાધાએ જણાવ્યું હતું.
આજનો દિવસ સાવચેતી રાખવી, વાણીવર્તન પર કાબુ રાખવો જરૂરી છે, પડવા,વાગવાથી સંભાળવુ, ઘરમાં વડીલકે ઓફીસમાં ઉપલી અધિકારી સાથે ગેરવર્તનના થાયતે બાબતથી સંભાળવું, એલર્જી,ચામડી, લોહી, સ્ત્રીદર્દના દર્દીએ તકેદારી રાખવી, વેપારના કામકાજમાં જોખમથી દુર રહેવું સલાહ ભર્યું છે.
આજનો દિવસ તમારો સારો છે તમે આનંદ,ખુશીની લાગણી અનુભવો, તમારા મનની વાત કોઈ સમજી શકે નોકરીકે વ્યવસાયમાં ફેરબદલીની ઈચ્છા કરનાર માટે સારા સમાચાર પ્રાપ્ત થઇ શકે, કોઈપણ કામનું આયોજન સારી રીતે થઇ શકે, વેપારના કામકાજમાં લાભ થઈ શકે છે, પ્રિયજન તરફથી સારી વાત થાય.
આજનો દિવસ તમારા માટે સામાન્ય છે, તમારી કોઈપણ મિલનમુલાકાત નવીવાત કરાવે, કોઈ પ્રસગોપાત મુસાફરી થઇ શકે છે , અણધાર્યા નાણાકીયખર્ચ પણ આવી શકે, માર્કેટિંગક્ષેત્રમાં જુના અટકેલાકામ કરવાથી લાભ થઈ શકે છે, વેપારમાં નાનું કામ કરવુંજ યોગ્ય છે, થાકની અસર વધુ જોવા મળી શકે છે.
આજનો દિવસજો તમે શાંતિ અને કુનેહથી પસાર કરોતો તમે કોઈપણ પ્રકારની સમસ્યાથી દુર રહી શકો, ખટપટી વ્યક્તિથી દુર રહેવું, કામકાજ દરમિયાન તમને થોડો સહકાર ઓછો મળી શકે છે તેમજ અન્યના કામકાજની ભૂલથી તમારા સમયનો પણ વ્યય થઇ શકે છે. વેપારના કામકાજમાં જોખમન કરવું.
આજનો દિવસ સામાન્ય છે, તમને થોડી કોઈ કારણસર માનસિકચિંતાના કારણે અજંપો રહે, કામકાજમાં ધીરજ અને શાંતિનો અભાવ વર્તાય. દલાલી, કમીશન,માર્કેટિંગ ક્ષેત્રમાં પ્રતિસાદ ઓછો જોવા મળી શકે, વેપારમાં નાનું કામકાજ કરવુંજ યોગ્ય છે, પ્રિયજન સાથે વાર્તાલાપમાં દલીલબાજીના કરવી.
આજનો દિવસ સારો છે, તમારી લાગણીને સારો સંતોષ અને ખુશી મળે, કામકાજનો પ્રતિસાદ સારો રહે પસંદગીના કાર્ય કરવાથી તમને ઉત્સાહ વધે, પરિચિત સાથે મિલનમુલાકાતનો પ્રતિસાદ સારો મળે, જે લોકો સ્પર્ધાત્મકપરીક્ષા આપનાર છે તેઓ માટેવધુ મેહનત સારી, વેપારમાં લાભ થઈ શકે છે.
આજના દિવસે થોડી સાવચેતી રાખવી જરૂરી છે ,ક્યાય તમારી ટીકાકે તમારી સામે દલીલબાજીથી તમે નાખુશી અનુભવો. હિતશત્રુથી દુર રહેવું, વાણીવિલાસ દરમિયાન ખોટાશબ્દપ્રયોગના થાય તેનું પણ ખાસ ધ્યાન રાખવું જરૂરી છે, વેપારના કામકાજમાં જોખમન કરવું,ઉતાવળિયો નિર્ણયના લેવાય તેનું ધ્યાન રાખવું.
આજનો દિવસ સારો છે, તમાંરી લાગણી કદર સારી રીતે થાય જુનાપ્રસોંગો યાદ આવવાથી ખુશી અનુભવાય, ભૂતકાળમાં કોઈની સાથે મનદુઃખ થયું હોયતો તેને સુધારવાની તક મળે સામાજિક,ધાર્મિક, રાજકીય કામકાજમાં તમને યોગ્ય પ્રતિસાદ મળે. વેપારના કામકાજમાં લાભ થઈ શકે છે.
આજના દિવસે ચોકસાઈ અને ધીરજ રાખવી જરૂરી છે, તમારી વિચારસરણી થોડી નકારત્મક થાય તેવું બની શકે છે, બિનજરૂરી વાર્તાલાપથી દુર રહેવું, મુસાફરી કંટાળાજનક રહે, કમર, હાડકા,માથાની તકલીફથી સાચવવું, વેપારના કામકાજમાં જોખમથી દુર રહેવું, અગત્યના નિર્ણય લેતા પેહલા વાત ચકાસવી જરૂરી છે.
આજનો દિવસ સારો છે, તમારા ધાર્યાકામ પાર પડે અને નસીબ પણ સાથ આપે, તમારી સાથે થયેલ કોઈ મિલનમુલાકાત યાદગાર બને તેવું થઈ શકે છે, માર્કેટિંગક્ષેત્રમાં તમારા પરિચિત સાથે કામકરવાથી ફાયદો થઇ શકે છે. થોડી ધાર્મિકભાવના પણ વધુ જોવા મળે, વેપારના કામકાજમાં લાભ થવાના યોગ વધુ છે.
આજનો દિવસ સામાન્ય છે, કામમાં સમયનો બગાડ થઈ શકે છે, અપચા,પેટ ગેસના દર્દીએ સાચવવું, મેનેજમેન્ટ,સરકારીક્ષેત્ર,જાહેજીવનના કામકાજમાં માનસિકથાકની લાગણી વધુ જોવા મળી શકે છે. વેપારના કામકાજમાં નાનું કામકાજ યોગ્ય છે, ખોટીવાતથી દોરવાઈના જવાય તેનું ધ્યાન રાખવું જરૂરી છે.
