રામાયણમાં શ્રીરામના નાનાભાઈ લક્ષ્મણનું પાત્ર અભિનેત્રા સુનીલ લહરીએ કર્યું હતું. સુનીલ લહરીએ લક્ષ્ણનું પાત્ર નિભાવવામાં કોઈ કચાશ બાકી નહોતી રાખી. આજે પણ લક્ષ્મના પાત્ર બદલ તેમની ખૂબ પ્રશંશા થાય છે. લોકડાઉનને પગલે રામાયણ સિરિયલનું ટીવી પર પુન: પ્રસારણ શરુ થયું. રામાયણનું ફરી વખથ પ્રસારણ થતા એમાં અભિનય કરેલા કલાકારો લાઈમલાઈટમાં આવી ગયા છે. સોશિયલ મીડિયા પર લક્ષ્મણ પર મીમ્સ બની રહ્યા છે.

સુનીલનું કહેવું છે કે વાસ્તવ જીવનમાં પણ તેમની અંદર લક્ષ્મણ જેવી આદતો છે. તે ગુસ્સો કરે છે પણ સાચાને સાચુ અને ખોટાને ખોટુ કહેવામાં વિલંબ નથી કરતા. સોશિયલ મીડિયામાં લક્ષ્મણ પર બની રહેલા મીમ્સ અંગે તે કહે છે કે, 30 વર્ષ પછી ફરીથી મને આટલી લાઈમલાઈટ મળી રહી છે. આ જોઈને તે ખૂબ મજા કરી રહ્યા છે અને તેને સારુ લાગે છે.

એક ઈન્ટરવ્યૂમાં અભિનેતા સુનીલે જણાવ્યું કે, મેં સોશિયલ મીડિયા પર રામાયણના લક્ષ્મણ પર બનેલા અનેક મીમ્સ જોયા. લોકો મને સતત મેસેજ મોકલી રહ્યા છે. મારા ભાઈના બાળકો પણ મને આ મેસેજ મોકલી રહ્યા છે. મેં એવું સાંભળ્યું છે કે, તમારા પર મીમ્સ ત્યારે બને છે જ્યારે તમે ખૂબ જ લોકપ્રિય થઈ ગયા હો છો.

સુનીલ કહે છે કે, તે આ મીમ્સને જોઈને ગર્વ અને સન્માનની લાગણી અનુભવી રહ્યા છે. તેમના એક ચાહકના સવાલનો જવાબ આપતા અભિનેતાએ કહ્યું કે, જો તેમને રામાયણમાં ફરી વખત કોઈ પાત્ર ભજવવાની તક મળી તો તે ફરી વખત પણ લક્ષ્મણનું પાત્ર ભજવવાનું પસંદ કરશે. અભિનેતા કહે છે કે, લક્ષ્મણનું પાત્ર ઘણુ વાઈબ્રન્ટ છે જે અન્ય પાત્રોથી અલગ તરી આવે છે.

સોશિયલ મીડિયા પર એવા અનેક મીમ્સ છે જેમાં એક તરફ લક્ષ્મણ અને બીજી તરફ શુર્પણખા છે. મીમ્સમાં લખ્યું કે, બુલાતી હે મગર જાને કા નહીં. તો અન્ય એક મીમ્સમાં લક્ષ્મણ મોં બગાડતા બોર ખાતા દેખાઈ રહ્યા છે જે શબરીના હેઠા બોર છે. એ એપિસોડનો સ્ક્રીન શોર્ટ પાડીને મીમ્સ બનાવવામાં આવ્યું છે જેમાં સાથે ઘરે મમ્મી કારેલાનું શાક ખાવા પર મજબૂર કરતી હોય તેવું.

લક્ષ્મણના અન્ય કેટલા મીમ્સ પણ છે જે ખૂબ જ સોશિયલ મીડિયા પર વાઈરલ થઈ રહ્યા છે. મહત્વનું છે કે, આજે વર્ષો પછી પણ દેશમાં રામાયણની લોકચાહનામાં જરા પણ ઘટાડો થયો નથી.