મુંબઈ – બેન્કિંગ સેક્ટરમાં કામ કરતા લોકોને ઉપરાછાપરી ત્રણ દિવસ રજા મળવાની છે. બેન્કો 21 ફેબ્રુઆરીના શુક્રવારથી સતત 3 દિવસ બંધ રહેવાની છે. તેથી આજે જ તમારા પૈસાની ગોઠવણ કરી લેજો, નહીંતો સતત ત્રણ દિવસ બેન્કો બંધ રહેવાની હોવાથી તમને અગવડતા પડી શકે છે.
બેન્કો આવતીકાલે મહાશિવરાત્રી નિમિત્તે બંધ રહેશે.
ત્યારબાદ શનિવારનો દિવસ મહિનાનો ચોથો શનિવાર હોઈ બેન્કો બંધ રહેશે અને પછી રવિવારની સાપ્તાહિક રજા રહેશે. આમ બેન્કો સોમવારે ફરી ખુલશે.
બેન્કો બંધ રહેવાથી ચેક ક્લીયરન્સનું કામકાજ, NEFT, RTGS, એકાઉન્ટ ખોલવાનું કામકાજ વગેરે સેવાઓ ઠપ રહેશે.
ઉલ્લેખનીય છે કે ગઈ 21 જાન્યુઆરીએ પણ બેન્કકર્મચારીઓએ હડતાળ પાડી હતી અને એ દિવસે તમામ સરકારી બેન્કો બંધ રહી હતી. એ દિવસે બેન્કોના 10 લાખ કર્મચારીઓ હડતાળ પર ગયા હતા.
ત્રણ દિવસ બેન્કો બંધ રહેવાની હોવાથી એટીએમ મશીનોમાંથી પૈસા કાઢવાનું પણ મુશ્કેલ બની જશે, કારણ કે એ મશીનો ખાલી થયા બાદ ફરી ભરવાનું સોમવારથી જ શરૂ થઈ શકશે.
જોકે ઓનલાઈન બેન્કિંગ કામકાજ તમે કરી શકશો. એ રાબેતા મુજબ ચાલુ રહેશે.
આવતીકાલથી શેરબજારો પણ ત્રણ દિવસ બંધ રહેશે.
અમેરિકી રાષ્ટ્રપતિ ડોનાલ્ડ ટ્રમ્પ અને મોદી જે મોટેરા સ્ટેડિયમનું ઉદઘાટન કરવાના છે, ત્યાં મોટેરા સ્ટેડિયમની આસપાસ ત્રિસ્તરીય સુરક્ષા-વ્યવસ્થા હશે. ત્યાં ઘોડેસવાર પોલીસ કર્મચારીઓને પણ તહેનાત કરવામાં આવશે. જો હવામાં કોઈ પણ પ્રકારની શંકાસ્પદ વસ્તુ દેખાશે તો સ્નાઇપર એને દેખતાં જ ઠાર કરશે.
તેમણે કહ્યું હતું કે જો સરકાર મંદિર બનાવવા માટે ટ્રસ્ટની રચના કરી શકતી હોય તો આવો જ નિર્ણય મસ્જિદ બનાવવા માટે પણ કેમ નથી લેતી? મસ્જિદ નિર્માણ પણ સુપ્રીમ કોર્ટના ચુકાદાનો એક ભાગ છે. રાજ્ય સરકારે મસ્જિદ માટે પાંચ એકર જમીન આપવાની સાથે સાથે એના માટે ટ્રસ્ટ પણ બનાવવું જોઈએ.
અયોધ્યામાં ભવ્ય રામ મંદિરના નિર્માણ પહેલા તેમના અસ્થાયી મંદિરના નિર્માણનો નિર્ણય કરવામાં આવ્યો છે જેથી ભક્તો તેમના દર્શન કરી શકે. તમામ કાયદાકીય કોયડાના કારણે અત્યારસુધી ભગવાન રામ ટેન્ટમાં બિરાજમાન હતા, પરંતુ સુપ્રીમ કોર્ટના નિર્ણય બાદ અયોધ્યામાં મંદિર નિર્માણનો રસ્તો ખૂલી ગયો છે. મંદિરના નિર્માણમાં સમય લાગશે અને આ જ કારણ છે કે મંદિરનું નિર્માણ થાય ત્યાં સુધી મેક શિફ્ટ મંદિરમાં ભગવાન રામની પ્રતિમાને પૂજા-અર્ચના અને દર્શન માટે બિરાજમાન કરવામાં આવશે.
અમેરિકાની જાણીતી કંપની બોઈંગ મિલિટ્રી એરક્રાફ્ટ્સ પણ બનાવે છે. બોઈંગ એફ-21 પ્રકારના વિમાનો ભારતને વેચવા માટે આતુર છે. તેના માટે પણ વાતચીત થઈ શકે છે. હેલિકૉપ્ટરના સોદાની કિંમત અઢી અબજ ડૉલરથી વધુની હશે. બોઈંગ તથા બીજા સોદા સાથે શસ્ત્રોની ખરીદીનું બિલ મોટું થઈ શકે છે. 2007 પછી ભારતે અમેરિકામાંથી 17 અબજ ડૉલરના શસ્ત્રોની ખરીદી કરી છે. રશિયા, ફ્રાન્સ પછી અમેરિકા પાસેથી ભારતની શસ્ત્ર ખરીદી વધી રહી છે.
નિકાસની બાબતમાં દેશો સબસિડી આપે અને તેના કારણે અમેરિકામાં તે આયાત સ્થાનિક ઉદ્યોગોને નુકસાન કરે તેવું ટ્રમ્પ સરકાર ઇચ્છતી નથી. વિશ્વ વેપારમાં અડધા ટકા કરતાં વધારે હિસ્સો હોય તેવા દેશોને ટ્રમ્પ હવે સ્પર્ધક ગણે છે અને તેમને કોઈ લાભ મળે તેમ ઇચ્છતા નથી. વિશ્વ વેપારમાં ભારતનો હિસ્સો 2 ટકાથી થોડો વધુ છે, તેથી ટ્રમ્પ હવે ભારતને વિકાસશીલ નહિ વિકસિત દેશ ગણે છે. આલ્બેનિયા; આર્જેન્ટિના; આર્મેનિયા; બ્રાઝિલ; બલ્ગેરિયા; ચીન; કૉલંબિયા; કૉસ્ટા રિકા; જ્યોર્જિયા; હૉંગ કૉંગ; ભારત; ઇન્ડોનેશિયા; કઝાખસ્તાન; કિર્ગિસ્તાન; મલેશિયા; મોલ્દોવા; મોન્ટેન્ગ્રો; ઉત્તર મેસિડોનિયા; રોમાનિયા; સિંગાપોર; દક્ષિણ આફ્રિકા; દક્ષિણ કોરિયા; થાઈલેન્ડ; યુક્રેન; અને વિયેટનામ – આટલા દેશોને 1998થી સબસિડી પ્રેફરન્સ મળતો હતો તે બંધ કરી દેવાની જાહેરાત કરી દેવાઈ છે.
ટ્રમ્પ ભારતને વિકસિત દેશ ગણાવે છે તે વખાણ કરવા માટે નથી. તેનાથી આપણે રાજી થવા જેવું નથી, કેમ કે વેપારમાં આપણને નુકસાન થવાનું છે. તેથી જ ભારત છેલ્લા 18 મહિનાથી અમેરિકા સાથે વેપાર કરવા માટે કોશિશ કરી રહ્યું છે. છેલ્લે ‘હાઉડી મોદી’ માટે નરેન્દ્ર મોદી અમેરિકા પ્રવાસે ગયા ત્યારે પણ વેપાર કરાર થઈ શક્યો નહોતો.
તેથી ટીકા પણ થવાની કે ડોનાલ્ડ ટ્રમ્પનું ધામધૂમથી સ્વાગત થાય, પણ કંઈ ફાયદો તો થવાનો નથી. અમેરિકાને શસ્ત્રો વેચીને કમાણી થાય છે એટલે શસ્ત્રો વેચવા તૈયાર થઈ જાય છે, પણ ભારતમાંથી એલ્યુમિનિયમ, સ્ટીલ, કૃષિ ઉત્પાદનો આયાત કરવા તૈયાર નથી. ઉલટાની પોતાની ડેરી અને પૉલ્ટ્રી પ્રોડક્ટ્સ ભારતમાં ઠાલવવા માગે છે. દક્ષિણ ભારતના પૉલ્ટ્રી ઉદ્યોગમાં હાલમાં ભારે અસંતોષ જાગ્યો છે, કેમ કે અમેરિકા ચિકન લેગ્સની નિકાસ ભારતમાં વધારવા માગે છે. તમને થશે કે માત્ર ચિકન લેગ્સ જ કેમ? જાણકારોએ કહે છે કે તેની પાછળ અમેરિકાની મીટ ઇન્ડસ્ટ્રીની ચોક્કસ ગણતરી છે.
અમદાવાદમાં ટ્રમ્પની મહેમાનગતિ થવાની છે ત્યારે ગુજરાતના સીધા ફાયદાની વાતો થશે, પણ સીધો ફાયદો તો મોટેરા વિસ્તારના લોકોને થયો. ત્યાં સાફસફાઇ થઈ ગઈ અને રસ્તાઓ ચકાચક થઈ ગયા. પણ આડકતરો ફાયદો એ કે અમદાવાદ વર્લ્ડ મેપમાં થોડું મહત્ત્વ પામે. ભારતના શહેરોની વાત આવે ત્યારે દિલ્હી રાજધાની હોવાથી, મુંબઈ વેપાર-ઉદ્યોગનું કેન્દ્ર હોવાથી ચર્ચામાં આવે. તે પછી આઈટીને કારણે બેંગાલુરુ અને હૈદરાબાદની જ વાત આવે અને ચેન્નઇ જેવા રોકાણ માટેના આકર્ષક કેન્દ્ર તરીકે ચર્ચામાં આવે. અમદાવાદને તેની હરોળમાં મૂકવું મુશ્કેલ છે, ત્યારે ટ્રમ્પની મુલાકાતના કારણે આડકતરી રીતે તે ચર્ચામાં આવી શકે છે. બૂલેટ ટ્રેન માટે જાપાનના વડા પ્રધાન આવેલા, ચીનના પ્રમુખ શી જિનપિંગ પણ આવી ગયા અને હવે અમેરિકાના પ્રમુખ આવે છે તે ફાયદો છે.
આમ પણ અમેરિકા હવે વિશ્વમાં એક માત્ર મહાસત્તા છે ત્યારે અમેરિકાના પ્રમુખની મુલાકાત પોતાની રીતે જ અગત્યની છે. તેથી ટ્રમ્પ મુલાકાત તે રીતે ભારત માટે અગત્યની છે. વ્યૂહાત્મક રીતે અને સંરક્ષણની બાબતમાં અમેરિકા સાથે સારા સંબંધો ભારતને ફાયદામાં છે. અમેરિકા પાકિસ્તાનની દોસ્તી છોડવાનું નથી, પણ તે સિવાયના આતંકવાદની બાબતમાં અને ચીન તરફથી સુરક્ષાના ખતરા સામે અમેરિકા બેલેન્સિંગ ફોર્સ તરીકે ભારતને ઉપયોગી છે. વ્યક્તિગત પ્રચારમાં ડોનાલ્ડ ટ્રમ્પ અને નરેન્દ્ર મોદીને પણ આવી મુલાકાતો અને દોસ્તી કામ આવે છે, અને તેના કારણે બનતી ઇમેજનો થોડોક ફાયદો ચૂંટણીઓમાં પણ થતો રહે. ટ્રમ્પ થોડા મહિનામાં ચૂંટણી લડવાના છે ત્યારે ત્યાંના ઇન્ડિયન અમેરિકન્સનું સમર્થન તેમને ઇમેજમાં ઉપયોગી છે. મતોની સંખ્યા કરતાંય ઇન્ડિયન અમેરિકન્સ તગડું ચૂંટણી ભંડોળ આપે છે. અમેરિકાની દોઢ ડઝન કંપનીઓના વડા તરીકે ભારતીયો છે અને વિશ્વની ટોચની ત્રણ કંપનીઓ પણ ભારતીયો ચલાવી રહ્યો હોય ત્યારે ટ્રમ્પ માટે ભારતની અને નરેન્દ્ર મોદીની દોસ્તી કામની છે.
નિર્ભયા ગેંગરેપ કેસ મામલે એક દોષિત વિનય શર્માએ તિહાડ જેલમાં પોતાને ઈજા પહોંચાડી છે. વિનયે જેલની દીવાલ સાથે પોતાનું માથું પછાડ્યું અને ઘાયલ થયો છે. જેલ અધિકારીઓના જણાવ્યાં મુજબ વિનયે 16 ફેબ્રુઆરીના રોજ પોતાનું માથું દીવાલ સાથે અથડાવ્યું હતું. તેને સામાન્ય ઈજા થઈ છે. ઉલ્લેખનીય છે કે નવા ડેથ વોરન્ટ મુજબ હવે આ ચારેય દોષિતોને 3 માર્ચના રોજ ફાંસી આપવામાં આવશે.