Home Blog Page 692

કોઈ પણ વ્યક્તિએ સામાજિક આરોગ્ય તરફ દુર્લક્ષ કરવું જોઈએ નહીં

થોડા દિવસ પહેલાં મારી દીકરી મારા પિતાજીને મોબાઇલ ફોન પર એનઈએફટી/આરટીજીએસ વ્યવહાર કરવાનું શીખવી રહી હતી. મારા 79 વર્ષીય પિતાજીને એ પલ્લે પડતું હતું કે કેમ એ મને ખબર નથી, પરંતુ એમને જોઈને લાગ્યું કે તેઓ એ પ્રવૃત્તિમાં આનંદ લઈ રહ્યા હતા.

બીજી બાજુ, મારા પિતાજી મારી દીકરીને ડ્રાઇવિંગ શીખવી રહ્યા છે. દીકરીને હજી હમણાં ડ્રાઇવિંગ લાઇસન્સ મળ્યું છે અને એનો આત્મવિશ્વાસ વધે એ માટે એણે થોડું થોડું ડ્રાઇવિંગ ચાલુ રાખવું જરૂરી છે. દાદાજી એને ડ્રાઇવિંગની બારીકીઓ શીખવી રહ્યા હોય ત્યારે બન્નેને એમાં મજા પડે છે. જ્યારે પણ આ તાલીમ સત્ર શરૂ થાય ત્યારે એકાદ કલાક સુધી ચાલતું હોય છે. કાર ચલાવતાં ચલાવતાં તેઓ બન્ને જંક ફૂડ પણ ખાઈ લેતાં હોય છે. હું અને મારી પત્ની આ બાબતે આંખ આડા કાન કરી લઈએ છીએ. અમારા માટે તો એ બન્નેનો આનંદ અને સ્નેહ સુખ પમાડનારાં છે.

મારી દીકરી મારાં સાસુને રોજ રાત્રે નવ વાગ્યે ફોન કરીને દવા લેવાનું યાદ કરાવે છે. ગયા સપ્તાહાંતે અમે બધા મારા સાસરે ગયા ત્યારે મેં સાસુને પૂછી લીધું કે તેઓ રોજ રાત્રે શેની દવા લે છે. એમણે કહ્યું, “મારા દવાના ડોઝ તો એક મહિના પહેલાં પૂરા થઈ ગયા છે, પરંતુ મારી લાડકી દોહિત્રી મને રોજ દવા લેવાનું યાદ કરાવે એ મને ગમતું હોવાથી મેં એને ફોડ પાડ્યો નથી.” આ વાત સાંભળીને મેં પણ મોંઢામાં મગ ભરી લીધા!

આવા સ્નેહસભર સંબંધોનું જીવનમાં ઘણું મહત્ત્વ હોય છે. પૈસાથી એ ખરીદી શકાતા નથી અને વારસામાં પણ આપી શકાતા નથી. જે કંઈ છે એ આજે જ છે. આને આપણે સામાજિક સંપત્તિ કહી શકીએ. આ સંપત્તિનું સર્જન રાતોરાત કે અમુક મહિનાઓ કે વર્ષોમાં થતું નથી; એમાં અનેક પેઢીઓ નીકળી જાય છે.

મારો ગાઢ મિત્ર અનિશ એક દિવસ મને કહી રહ્યો હતો, “ગૌરવ, મારો ભત્રીજો મને દુબઈથી ફોન કરીને મારા ભાઈની ખાણીપીણીની આરોગ્ય માટે હાનિકારક આદત વિશે ફરિયાદો કર્યે રાખે છે.” અનિશે વધુમાં કહ્યું, “મારો ભાઈ ફક્ત મારું જ સાંભળશે એવું એને લાગતું હોવાથી એ મને ફોન કરીને કહે છે. આમાં હાનિકારક આદતના પ્રશ્ન કરતાં ભત્રીજો મારા પર જે વિશ્વાસ મૂકે છે અને મારી સાથે જે ઘનિષ્ઠતા ધરાવે છે એનું મહત્ત્વ વધારે છે.”

આ પ્રસંગો પરથી કહી શકાય કે કોઈ પણ વ્યક્તિએ સામાજિક આરોગ્ય તરફ દુર્લક્ષ કરવું જોઈએ નહીં. જેમને નિકટના પરિવારજનો અને મિત્રોની હૂંફ મળતી નથી એવા લોકોને પૂછો. લોકો પાસે કરોડોની સંપત્તિ હોઈ શકે, પણ એક હદ પછી એનું કોઈ મહત્ત્વ રહેતું નથી.

અહીં નોંધવું રહ્યું કે યોગિક સંપત્તિનાં ચાર પાસાં હોય છે. એમાંથી સામાજિક સંપત્તિનું સર્જન થવામાં ઘણો લાંબો સમય લાગે છે. વળી, એકલા હાથે એનું સર્જન થઈ શકતું નથી; એમાં સંપૂર્ણ કુટુંબનો સાથ હોવો જોઈએ. બન્ને પક્ષે એકબીજાને જેવા છે એવા જ સ્વીકારી લેવાના હોય છે. બધાએ આપસી ભેદભાવ ભૂલીને પરસ્પર હૂંફ આપવાની હોય છે.

આના પરથી કહેવાનું કે દરેક વ્યક્તિએ સામાજિક સંપત્તિ રળવા પર ખાસ ભાર મૂકવો જોઈએ. શારીરિક સંપત્તિ (આરોગ્ય) અને આર્થિક સંપત્તિ તો આવ-જા કર્યે રાખતી હોય છે. વળી, નવી પેઢી પોતાના બળે શારીરિક અને આર્થિક સંપત્તિ રળી શકે છે, પણ સામાજિક સંપત્તિ આગળ વધારી શકાય છે. અન્ય કોઈ સંપત્તિ માટે સામાજિક સંપત્તિનો ભોગ આપવો જોઈએ નહીં. સામાજિક સંપત્તિ અમૂલ્ય હોય છે. એને પૈસાથી ખરીદી પણ શકાતી નથી. આપણા પૂર્વજોએ આપણને સર્વાંગી સંપત્તિનો વિચાર આપ્યો એ ઘણી મોટી વાત કહેવાય.

(લેખક દેશના જાણીતા ફાઈનાન્સિયલ પ્લાનર છે. ફાઈનાન્સિયલ પ્લાનિંગ સંબંધિત વિષયો એમણે ઘણા લેખો-પુસ્તકો લખ્યા છે. આર્થિક આયોજન અને રોકાણ સંબંધિત સેમિનારોમાં એ વક્તા તરીકે જોવા-સાંભળવા મળે છે. ‘યોગિક વેલ્થ’ નામનું એમનું પુસ્તક ખૂબ લોકપ્રિય બન્યું છે. યોગના અભ્યાસી અને શિસ્તબધ્ધ જીવનશૈલી ધરાવતા લેખકના અનુભવનો નીચોડ આ લખાણોમાં દેખાઇ આવે છે.)

(આપનાં મંતવ્યો અને સવાલો જણાવો gmashruwala@gmail.com)

ચીનમાં PM મોદીના સ્વાગત માટે જોરદાર તૈયારીઓ

પીએમ મોદીની પ્રસ્તાવિત ચીન મુલાકાત બંને દેશોની મિત્રતા અને એકતાને વધુ મજબૂત બનાવશે. આ નિવેદન ચીનના વિદેશ મંત્રાલય તરફથી જ આવ્યું છે. શાંઘાઈ કોઓપરેશન ઓર્ગેનાઇઝેશન (SCO) ના તિયાનજિન સમિટમાં પીએમ મોદીની સંભવિત ભાગીદારી અંગે, ચીનના વિદેશ મંત્રાલયે કહ્યું છે કે તે પીએમ મોદીનું સ્વાગત કરવા તૈયાર છે.

પીએમ નરેન્દ્ર મોદી સાત વર્ષથી વધુ સમય પછી આ મહિનાના અંતમાં ચીનની મુલાકાત લઈ શકે છે. તેઓ SCO સમિટમાં ભાગ લઈ શકે છે. ચીનના વિદેશ મંત્રાલયના પ્રવક્તા ગુઓ જિયાકુને એક પ્રશ્નના જવાબમાં કહ્યું કે ચીન પીએમ મોદીનું સ્વાગત કરવા તૈયાર છે. તેમણે કહ્યું કે આ પરિષદ મિત્રતા અને પરિણામોનું પરિષદ હશે.

20 થી વધુ દેશોના નેતાઓ આવશે

ગુઓએ કહ્યું કે 20 થી વધુ દેશોના નેતાઓ આ પરિષદમાં ભાગ લેશે. આમાં SCO ના તમામ સભ્ય દેશો અને 10 આંતરરાષ્ટ્રીય સંગઠનોના વડાઓનો સમાવેશ થાય છે. SCO ની સ્થાપના પછી આ સૌથી મોટી પરિષદ હશે. આ પહેલા, ચીનમાં ભારતના રાજદૂત પ્રદીપ રાવત શુક્રવારે ચીનના વિદેશ મંત્રાલયના એશિયન બાબતોના મહાનિર્દેશક લિયુ જિનસોંગને મળ્યા હતા. ભારત-ચીન સંબંધોના સામાન્ય મુદ્દાઓ પર બંને વચ્ચે વ્યાપક ચર્ચા થઈ હતી.

રાહુલ ગાંધીના આરોપો પર ચૂંટણી પંચનો તીખો જવાબ

કોંગ્રેસના સાંસદ રાહુલ ગાંધીએ ગઈકાલે પ્રેસ કોન્ફરન્સ કરી હતી અને ચૂંટણી પંચ પર મત ચોરીનો આરોપ લગાવ્યો હતો. હવે ચૂંટણી પંચે આનો જવાબ આપ્યો છે. પંચે કહ્યું કે, રાહુલ ગાંધીએ તેમની તાજેતરની પ્રેસ કોન્ફરન્સમાં એક ક્લિશે પુનરાવર્તન કર્યું હતું… જેનો અર્થ ‘જૂની બોટલમાં નવી દારૂ’ થાય છે. વર્ષ 2018માં, મધ્યપ્રદેશ કોંગ્રેસના તત્કાલીન અધ્યક્ષ કમલનાથે પણ આ જ સૂર ગાયો હતો. હવે લોકસભામાં વિરોધ પક્ષના નેતા પણ એ જ સૂર ગાયા છે.

ચૂંટણી પંચે કહ્યું કે, વર્ષ 2018માં, તેમણે એક ખાનગી વેબસાઇટ પરથી દસ્તાવેજો રજૂ કરીને સુપ્રીમ કોર્ટને ગેરમાર્ગે દોરવાનો પ્રયાસ કર્યો હતો. જેથી તે બતાવી શકાય કે મતદાર યાદીમાં ભૂલો છે, કારણ કે 36 મતદારોના ચહેરા વારંવાર દેખાયા હતા. જ્યારે સત્ય એ છે કે ભૂલ લગભગ 4 મહિના પહેલા સુધારી લેવામાં આવી હતી. તેની એક નકલ પાર્ટીને આપવામાં આવી હતી.

લોકોને ગેરમાર્ગે દોરવાનો પ્રયાસ કર્યો

ચૂંટણી પંચે વધુમાં કહ્યું કે, આ કેસમાં, કોર્ટે કમલનાથની અરજી સ્વીકારવાનો ઇનકાર કર્યો હતો. હવે 2025 માં, એ જાણીને કે કોર્ટમાં એક જ યુક્તિનો ઉપયોગ કરી શકાતો નથી, તેમણે મતદાર યાદીમાં ખામીઓ હોવાનો દાવો કરીને લોકોને ગેરમાર્ગે દોરવાનો પ્રયાસ કર્યો. રાહુલ ગાંધીએ એવો પણ દાવો કર્યો હતો કે એક જ નામ અલગ અલગ જગ્યાએ છે. સત્ય એ છે કે આદિત્ય શ્રીવાસ્તવનું નામ, જે કથિત રીતે ત્રણ અલગ અલગ રાજ્યોમાં હતું, તે મહિનાઓ પહેલા સુધારી લેવામાં આવ્યું હતું.

પાયાવિહોણા દાવાઓ કરીને મુદ્દાને સનસનાટીભર્યો બનાવવાનો પ્રયાસ

ચૂંટણી પંચે કહ્યું કે, વારંવાર એક જ મુદ્દો ઉઠાવવાથી એ સ્પષ્ટ થાય છે કે રાહુલ ગાંધીને ભારતની સુપ્રીમ કોર્ટના નિર્ણયો પ્રત્યે કોઈ માન નથી. કાયદો ઉમેદવારી પત્રો પર વાંધા અને અપીલ બંને દાખલ કરવા માટે એક ચોક્કસ પ્રક્રિયા પ્રદાન કરે છે. કાનૂની પ્રક્રિયાઓનો લાભ લેવાને બદલે, તેમણે મીડિયામાં પાયાવિહોણા દાવાઓ કરીને મુદ્દાને સનસનાટીભર્યો બનાવવાનો પ્રયાસ કર્યો.

PM મોદીએ રશિયન રાષ્ટ્રપતિ પુતિન સાથે ફોન પર વાત કરી

પ્રધાનમંત્રી નરેન્દ્ર મોદીએ શુક્રવારે રશિયન રાષ્ટ્રપતિ વ્લાદિમીર પુતિન સાથે ફોન પર વાત કરી. આ દરમિયાન બંને નેતાઓએ યુક્રેન સંઘર્ષ સંબંધિત ઘણા મુદ્દાઓ પર વાત કરી. પીએમ મોદીએ શુક્રવારે તેમના સોશિયલ મીડિયા હેન્ડલ ‘X’ દ્વારા આ માહિતી આપી. પીએમએ આ વર્ષના અંત સુધીમાં પુતિનને ભારતની મુલાકાત લેવાનું આમંત્રણ પણ આપ્યું છે.

પુતિને યુક્રેન સંઘર્ષ વિશે જણાવ્યું

પ્રધાનમંત્રી નરેન્દ્ર મોદી અને પુતિને ફોન પર ખૂબ લાંબી વાતચીત કરી. આ દરમિયાન, યુક્રેન સંઘર્ષ પર બંને નેતાઓ વચ્ચે વિગતવાર ચર્ચા થઈ. યુક્રેન સંઘર્ષના શાંતિપૂર્ણ ઉકેલ માટે પ્રધાનમંત્રી મોદીએ પુતિન સાથે વાત કરી છે. આ અંગે, પુતિને મોદીના મુદ્દા પર વિચાર કરવાની ખાતરી પણ આપી. રશિયન રાષ્ટ્રપતિએ મોદીને યુક્રેન સંઘર્ષના સમગ્ર વિકાસથી વાકેફ કર્યા છે અને દ્વિપક્ષીય સહયોગની પ્રગતિની સમીક્ષા કરી છે.

ભારતની મુલાકાત લેવા આમંત્રણ આપ્યું

મોદી અને પુતિને બંને દેશો વચ્ચેના સંબંધો વિશે પણ વાત કરી છે. વાતચીત દરમિયાન, પ્રધાનમંત્રી મોદીએ રાષ્ટ્રપતિ પુતિનને આ વર્ષના અંતમાં યોજાનારી 23મી વાર્ષિક દ્વિપક્ષીય શિખર સંમેલન માટે ભારતની મુલાકાત લેવાનું આમંત્રણ આપ્યું છે. આ મુલાકાતને અંતિમ સ્વરૂપ મળ્યા પછી, બંને દેશો વચ્ચે વેપાર, સંરક્ષણ અને ઉર્જા સહયોગને નવી ગતિ મળવાની અપેક્ષા છે. બંને દેશો વચ્ચે ‘વિશેષ અને વિશેષાધિકૃત વ્યૂહાત્મક ભાગીદારી’ને વધુ ગાઢ બનાવવાની પ્રતિબદ્ધતાને પણ પુનઃપુષ્ટિ કરી.

ભારત, રશિયા અને ચીન એકસાથે આવશે

ડોનાલ્ડ ટ્રમ્પના ટેરિફ યુદ્ધને તોડવા માટે ભારત હવે રશિયા અને ચીન સાથે તેના સંબંધોને મજબૂત બનાવી રહ્યું છે. રશિયા પહેલાથી જ ભારતનું મિત્ર રહ્યું છે, જ્યારે ચીનનું ભારત પ્રત્યે અલગ વલણ રહ્યું છે, પરંતુ વર્તમાન પરિસ્થિતિ તેનાથી વિપરીત છે. વાસ્તવમાં, ભારત સિવાય, ચીન પણ ટ્રમ્પના ટેરિફથી ખૂબ નારાજ છે. ચીન પણ ટ્રમ્પના આ વલણનો ખુલ્લેઆમ વિરોધ કરી રહ્યું છે. ભારત પણ આ વિરોધમાં તેની સાથે ઉભું છે. આ જ કારણ છે કે ચીન પણ ભારત સાથે સંબંધો સુધારવાનો પ્રયાસ કરી રહ્યું છે, જેથી આગામી સમયમાં બંને દેશો પોતાનો વેપાર સરળ બનાવી શકે.

મોદી કેબિનેટની બેઠકમાં 5 મોટા નિર્ણયો, મહિલાઓને રક્ષાબંધનની ભેટ

શુક્રવારે દિલ્હીમાં મોદી કેબિનેટની બેઠક મળી હતી. તેમાં 5 મોટા નિર્ણયો લેવામાં આવ્યા હતા. કેબિનેટે આસામ અને ત્રિપુરા માટે 4250 કરોડનું ખાસ પેકેજ આપ્યું છે. આ ઉપરાંત, સરકારે પ્રધાનમંત્રી ઉજ્જવલા યોજના માટે 12,060 કરોડ રૂપિયા, ઘરો માટે સસ્તા LPG પૂરા પાડવા માટે 30,000 કરોડ રૂપિયા, ટેકનિકલ શિક્ષણ સંસ્થાઓને મજબૂત કરવા માટે 4,200 કરોડ રૂપિયા અને મરક્કનમ-પુડુચેરી 4 લેન હાઇવે માટે 2,157 કરોડ રૂપિયા મંજૂર કર્યા છે. કેન્દ્ર સરકારે યોજનાઓ માટે કુલ 52,667 કરોડ રૂપિયા મંજૂર કર્યા છે.

મહિલાઓને રક્ષાબંધનની ભેટ

મોદી કેબિનેટે રક્ષાબંધનના એક દિવસ પહેલા મહિલાઓને ભેટ આપી છે. કેબિનેટે વર્ષ 2025-26 માં પ્રધાનમંત્રી ઉજ્જવલા યોજનાના લાભાર્થીઓ માટે લક્ષિત સબસિડી ચાલુ રાખવાની મંજૂરી આપી હતી. આ માટે, સરકારે 12,000 કરોડ રૂપિયા મંજૂર કર્યા છે. કેન્દ્રીય મંત્રી અશ્વિની વૈષ્ણવે જણાવ્યું હતું કે પ્રધાનમંત્રી ઉજ્જવલા યોજનાનો ઉદ્દેશ્ય લોકોના જીવનમાં પરિવર્તન લાવવાનો છે. અત્યાર સુધીમાં ૧૦.૩૩ કરોડ ઉજ્જવલા જોડાણો આપવામાં આવ્યા છે.

ગુજરાત વિધાનસભાના ચોમાસુ સત્રમાં જાણો કયા બિલ થશે રજૂ

ગુજરાત વિધાનસભાના ચોમાસુ સત્રની તારીખોની જાહેરાત કરવામાં આવી છે. આ સત્ર 8, 9 અને 10 સપ્ટેમ્બર એમ ત્રણ દિવસ ચાલશે. આ ત્રણ દિવસના ટૂંકાગાળાના સત્રમાં વિવિધ પ્રશ્નો આવરી લેવામાં આવશે. રાજ્યપાલ દ્વારા વિધાનસભાના સાતમા સત્રનું આહ્વાન કરવામાં આવ્યું છે.

ધારાસભ્યો 20 ઓગસ્ટ સુધી પ્રશ્નોની સૂચના આપી શકશે

આ સત્ર દરમિયાન ધારાસભ્યો 20 ઓગસ્ટ સુધી પ્રશ્નોની સૂચના આપી શકશે. 3 દિવસ દરમિયાન સરકારી કામકાજમાં જીએસટી સુધારા વિધેયક તેમજ ફેક્ટરી સુધારા વિધેયક આ બંને વટહુકમ પણ વિધાનસભામાં રજૂ થશે. કામકાજ સલાહકાર સમિતિની મીટીંગ 6 સપ્ટેમ્બરના રોજ બોલાવવામાં આવશે. જેમાં બાકીના વિગતવાર કામોની ચર્ચા કરવામાં આવશે. આ અંગેની માહિતી વિધાનસભા અધ્યક્ષ શંકર ચૌધરી દ્વારા આપવામાં આવી હતી.

રાજ્યના મહત્વના મુદ્દાઓ પર ચર્ચા થવાની શક્યતા

ગુજરાત વિધાનસભા દ્વારા સત્ર સંબંધિત જાહેરનામું પણ બહાર પાડવામાં આવ્યું છે. આ સત્રમાં વિવિધ સરકારી વિધેયકો અને રાજ્યના મહત્વના મુદ્દાઓ પર ચર્ચા થવાની શક્યતા છે.

દેશની જાહેર ક્ષેત્રની બેંકોએ રેકોર્ડ બનાવ્યો

દેશની તમામ જાહેર ક્ષેત્રની બેંકોના પ્રથમ ક્વાર્ટરના પરિણામો બહાર આવ્યા છે. જાહેર ક્ષેત્રની બેંકોએ પ્રથમ ક્વાર્ટરમાં રેકોર્ડ નફો મેળવ્યો છે. ખાસ વાત એ છે કે ગયા વર્ષના સમાન ક્વાર્ટરની તુલનામાં આ નફો 11 ટકાથી વધુ જોવા મળ્યો છે. આ કુલ નફામાં સૌથી વધુ હિસ્સો દેશની સૌથી મોટી જાહેર ક્ષેત્રની બેંક SBIનો જોવા મળ્યો છે. જેનો ફાળો 43 ટકા જોવા મળ્યો છે. ચાલો તમને એ પણ જણાવીએ કે કઈ સરકારી બેંકનો કેટલો નફો જોવા મળ્યો છે.

સ્ટેટ બેંક ઓફ ઈન્ડિયા (SBI) ના નેતૃત્વ હેઠળની જાહેર ક્ષેત્રની બેંકોએ ચાલુ નાણાકીય વર્ષના પ્રથમ ક્વાર્ટરમાં કુલ 44,218 કરોડ રૂપિયાનો રેકોર્ડ નફો મેળવ્યો છે. આ પાછલા નાણાકીય વર્ષના સમાન ક્વાર્ટર કરતા 11 ટકા વધુ છે. ગયા નાણાકીય વર્ષ 2024-25 ના એપ્રિલ-જૂન ક્વાર્ટરમાં, તમામ 12 જાહેર ક્ષેત્રની બેંકોએ કુલ 39,974 કરોડ રૂપિયાનો નફો મેળવ્યો હતો. કુલ નફો 4,244 કરોડ રૂપિયા વધ્યો.

કઈ બેંકે કેટલો નફો કર્યો?

શેરબજારોમાં પ્રકાશિત થયેલા ડેટા અનુસાર, 44,218 કરોડ રૂપિયાના કુલ નફામાં એકલા SBIનો ફાળો 43 ટકા છે.

SBIએ ચાલુ નાણાકીય વર્ષના પ્રથમ ક્વાર્ટરમાં 19,160 કરોડ રૂપિયાનો ચોખ્ખો નફો કર્યો, જે પાછલા નાણાકીય વર્ષના સમાન ક્વાર્ટર કરતા 12 ટકા વધુ છે.

ચેન્નાઈ સ્થિત ઇન્ડિયન ઓવરસીઝ બેંકે 76 ટકાના વધારા સાથે સૌથી વધુ 1,111 કરોડ રૂપિયાનો ચોખ્ખો નફો કર્યો.

ત્યારબાદ પંજાબ એન્ડ સિંધ બેંકનો ચોખ્ખો નફો 48 ટકા વધીને 269 કરોડ રૂપિયા થયો.

ચાલુ નાણાકીય વર્ષના પ્રથમ ક્વાર્ટરમાં, પંજાબ નેશનલ બેંક (PNB) સિવાય, તમામ 12 જાહેર ક્ષેત્રની બેંકોનો નફો વધ્યો છે.

PNBનો ચોખ્ખો નફો 48 ટકા ઘટીને 1,675 કરોડ રૂપિયા થયો છે, જ્યારે પાછલા નાણાકીય વર્ષના સમાન ક્વાર્ટરમાં તે 3,252 કરોડ રૂપિયા હતો.

ચાલુ નાણાકીય વર્ષના એપ્રિલ-જૂન ક્વાર્ટરમાં સેન્ટ્રલ બેંક ઓફ ઈન્ડિયાનો ચોખ્ખો નફો 32.8 ટકા વધીને રૂ. 1,169 કરોડ થયો છે.

સરકારી બેંક ઈન્ડિયન બેંકનો ચોખ્ખો નફો 23.7 ટકા વધીને રૂ. 2,973 કરોડ થયો છે.

બેંક ઓફ મહારાષ્ટ્રનો ચોખ્ખો નફો 23.2 ટકા વધીને રૂ. 1,593 કરોડ થયો છે.

દિલ્હી વિધાનસભામાં ખાનગી શાળા ફી નિયમન બિલ 2025 પસાર

શુક્રવારે દિલ્હી વિધાનસભામાં ફી નિયમન બિલ 2025 પસાર કરવામાં આવ્યું છે. શુક્રવારે વિધાનસભામાં 4 કલાકની ચર્ચા બાદ આ બિલ પસાર કરવામાં આવ્યું છે. બિલના પક્ષમાં 41 અને વિરોધમાં 17 મત પડ્યા. ચર્ચા દરમિયાન, વિપક્ષી પક્ષ દ્વારા સુધારા માટે 17 દરખાસ્તો લાવવામાં આવી હતી, પરંતુ તે નકારી કાઢવામાં આવી હતી. હવે વિધાનસભામાં પસાર થયા પછી, બિલને મંજૂરી માટે ઉપરાજ્યપાલ પાસે મોકલવામાં આવશે. મંજૂરી પછી, બિલ કાયદો બનશે અને તેનો અમલ કરવામાં આવશે. બીજી તરફ, વિધાનસભામાં બિલ પસાર થયા પછી, મુખ્યમંત્રી રેખા ગુપ્તાએ કહ્યું કે આ ફક્ત કાયદો નથી, પરંતુ એક ક્રાંતિકારી પગલું છે.

હવે ખાનગી શાળાઓ મનસ્વી રીતે ફી વધારી શકશે નહીં

વિધાનસભામાં ફી નિયમન બિલ પસાર થયા પછી, દિલ્હીના મુખ્યમંત્રી રેખા ગુપ્તાએ કહ્યું કે આ કાયદો દિલ્હીમાં રહેતા બાળકોના માતા-પિતાના હિતોનો રક્ષક બનશે. ઉપરાંત, તેમણે કહ્યું કે આ બિલ કાયદો બન્યા પછી, તે ફક્ત ખાનગી શાળાઓની મનસ્વીતાને જ નહીં, પરંતુ શિક્ષણ પ્રણાલીમાં પારદર્શિતા, ન્યાય અને જવાબદારીનો નવો પાયો પણ નાખશે.

મુખ્યમંત્રી રેખા ગુપ્તાએ કહ્યું કે બિલમાં ફી નિર્ધારણ માટે પારદર્શિતા આપવામાં આવી છે, જે હેઠળ હવે કોઈપણ ખાનગી શાળા મનસ્વી રીતે ફી વધારી શકશે નહીં. ફી નક્કી કરવા માટે, શાળાએ તેનું સ્થાન, સુવિધાઓ, ખર્ચ અને શિક્ષણ સ્તર જેવી માહિતી સબમિટ કરવી પડશે. ઉપરાંત, ફી વધારવા માટે પરવાનગી લેવી પડશે.

તેમણે કહ્યું કે પરવાનગી વિના ફી વધારવા બદલ 1 લાખથી 10 લાખ રૂપિયાનો દંડ લાદવામાં આવશે. જો કોઈ શાળા સમયસર વસૂલવામાં આવેલી વધારાની રકમ પરત નહીં કરે, તો દંડની રકમ બમણી કરવામાં આવશે. તે જ સમયે, વારંવાર ઉલ્લંઘનના કિસ્સામાં માન્યતા રદ કરી શકાય છે અને જો જરૂરી હોય તો, સરકાર પોતે શાળા ચલાવશે.

પંચાંગ 09/08/2025

સામ્રાજ્ય ફિલ્મના વિવાદ વચ્ચે સરકારે ભર્યું મોટું પગલું

સાઉથના સુપરસ્ટાર વિજય દેવરકોંડાની ફિલ્મ ‘સામ્રાજ્ય’ વિવાદમાં છે. આ ફિલ્મ પર તમિલ ઓળખને ખોટી રીતે દર્શાવવાનો આરોપ છે. આ ઘટના બાદ, તમિલનાડુ પોલીસે કહ્યું છે કે જો જરૂર પડે તો તે થિયેટરોને સુરક્ષા પૂરી પાડશે જ્યાં ‘સામ્રાજ્ય’ પ્રદર્શિત થઈ રહી છે. મદ્રાસ હાઈકોર્ટે પોલીસના આ નિવેદનને રેકોર્ડ પર રાખ્યું છે.

SSI પ્રોડક્શને અરજીમાં માંગ કરી હતી

મેસર્સ SSI પ્રોડક્શન દ્વારા દાખલ કરાયેલી અરજી હાઇકોર્ટમાં સુનાવણી માટે આવી ત્યારે સરકારી વકીલે આ બાંયધરી આપી હતી. SSI પ્રોડક્શને પોતાની અરજીમાં ‘સામ્રાજ્ય’ ફિલ્મના શાંતિપૂર્ણ પ્રદર્શન માટે થિયેટરોને પોલીસ સુરક્ષા પૂરી પાડવા માટે પોલીસ અધિકારીઓને નિર્દેશ આપવાની માંગ કરી હતી. તેમણે ફિલ્મના કાયદેસર પ્રદર્શનમાં તોફાની તત્વોને દખલ કરતા અટકાવવાની પણ માંગ કરી હતી.

હાઈકોર્ટે આદેશ આપ્યો

હાઈકોર્ટના ન્યાયાધીશે તેમના આદેશમાં કહ્યું કે જ્યારે સેન્સર બોર્ડ ફિલ્મને પ્રમાણિત કરી દે છે, ત્યારે કોઈ તૃતીય પક્ષ ફિલ્મનું પ્રદર્શન રોકી શકે નહીં. જજે કહ્યું કે જો કોઈ વ્યક્તિ કે સંગઠન દ્વારા કોઈ ધમકી આપવામાં આવી હોય, તો તેમની સામે કાર્યવાહી થવી જોઈએ.

હાઈકોર્ટે કહ્યું કે જો ‘નામ તમિલાર કાચી’ના મુખ્ય સંયોજક સીમન અને તેમના પક્ષના કાર્યકરો પોતાનો અસંમતિ વ્યક્ત કરવા માંગતા હોય, તો તેઓ પોલીસની પરવાનગી લઈને વિરોધ કરી શકે છે. જજે વધુમાં કહ્યું, ‘તેમને તેમના વિરોધી વિચારો વ્યક્ત કરવાની સ્વતંત્રતા છે. પરંતુ, તેઓ ફક્ત કાયદેસર રીતે જ વિરોધ કરી શકે છે.’

1...691692693...5,167Page 692 of 5,167