Home Blog Page 701

કબીરવાણી: ભક્તિની શોભાનું વર્ણન

 

ભક્તિ મહલ બહુ ઊંચ હૈ, દૂર હિ તે દરશાચ,

જો કોઈ જનભક્તિ કરે, શોભા બરનિ ન જાય.

 

ભક્તિની સુવાસ અનેક જગ્યાએ પ્રસરે છે. ભક્તિ મહેલ મંદિરના શિખર જેમ ઊંચાઈ પર છે, જેમ મંદિરની ધજાનાં દર્શન દૂરથી થાય છે તેમ ભક્તિનાં સ્પંદનો દૂરથી અનુભવી શકાય છે. મીરાંએ ગાયું છે કે, ઊંચે ઊંચે મહેલ બનાઉ, બીચમાં રખ્ખું બારી. પ્રભુદર્શન માટે સંયમ, મર્યાદા, ત્યાગ પ્રેમનો ઊંચો મહેલ બનાવીએ, પરંતુ તેમાં ગૂંગળામણ થાય.

કબીરજી હિમાલયની ગુફાના નિર્જન એકાંતમાં સાધના કરવા નથી કહેતા. કામ કરતા કરતા સમાજ સાથે હળીમળીને ઈશ્વરમય રહેવાનો તેમનો ઉપદેશ છે.

કબીરજી શબ્દોને સહજ રીતે રમાડી શકે છે. તેમની સાધુકડી ભાષામાં શબ્દોનો વૈભવ છે – ઉપમાઓનો મૂલ્યવાન ખજાનો છે – ચોટદાર ઉક્તિઓ છે. આમ છતાં, કબીરજી શબ્દોની મર્યાદા સ્વીકારે છે. આદર્શ ભક્તનો સત્સંગ એક આગવી અનુભૂતિ છે. કબીરજી તેથી જ કહે છે કે, આની શોભાનું વર્ણન ન થાય.

આપણા અમુક અનુભવો એટલા તીવ્ર હોય છે કે, આપણે અવાચક બની જઈએ છીએ. શબ્દો તો માનવીને માટે વિશેષ શક્તિનો સ્રોત છે, પણ આપણા હોઠ જે નથી કહી શકતા તે આંખ કહી શકે છે. ક્યારેક તો રોમેરોમમાં ચેતનાનું ઝરણું ફૂટી નીકળે છે.

(લેખક પ્રવીણ કે. લહેરી નિવૃત્ત સનદી અધિકારી છે. ગુજરાત રાજ્યના મુખ્ય સચિવ સહિત અનેક હોદ્દાઓ પર કામ કરી ચૂકયા છે. વહીવટી અને સમાજજીવનનો બહોળો અનુભવ ધરાવે છે. હાલમાં શ્રી સોમનાથ ટ્રસ્ટ અને સદવિચાર પરિવાર સાથે જોડાયેલા છે. સમાજજીવનના વિવિધ પ્રવાહો પર એ નિયમિત લખતા રહે છે.)

પંચાંગ 07/08/2025

BIG NEWS : ડોનાલ્ડ ટ્રમ્પે ભારત પર 50 ટકા ટેરિફ લાદ્યો

અમેરિકન રાષ્ટ્રપતિ ડોનાલ્ડ ટ્રમ્પે બુધવારે ભારત પર 25 ટકા વધારાનો ટેરિફ લાદવાની જાહેરાત કરી હતી. ટ્રમ્પે થોડા દિવસ પહેલા રશિયા પાસેથી તેલ ખરીદવા પર ભારત પર 25 ટકા ટેરિફ લાદ્યો હતો. હવે ભારત પર અમેરિકાનો કુલ ટેરિફ 50 ટકા થઈ ગયો છે. માત્ર 24 કલાક પહેલા ડોનાલ્ડ ટ્રમ્પે ભારત પર ટેરિફ વધારવાની ધમકી આપી હતી. ટ્રમ્પે CNBC ને આપેલા ઇન્ટરવ્યુમાં કહ્યું હતું કે જો ભારત રશિયા પાસેથી તેલ ખરીદવાનું ચાલુ રાખશે, તો ટેરિફમાં વધુ વધારો કરવામાં આવશે. ટ્રમ્પે સંકેત આપ્યો હતો કે તેઓ ફાર્મા આયાત પર ટેરિફ 250 ટકા સુધી વધારી શકે છે, જે અત્યાર સુધીનો તેમના દ્વારા પ્રસ્તાવિત સૌથી મોટો ટેરિફ હોઈ શકે છે. તેઓ નાના ટેરિફથી શરૂઆત કરશે, પરંતુ 18 મહિનામાં ધીમે ધીમે તેને વધારવાની યોજના બનાવી રહ્યા છે. પહેલા 150 ટકા અને અંતે 250 ટકા સુધી.

આ પહેલા અમેરિકા દ્વારા ભારત પર 25 ટકા ટેરિફ અને દંડની જાહેરાત કરવામાં આવી હતી. તેની પાછળનું કારણ ટ્રમ્પ દ્વારા રશિયા પાસેથી તેલ ખરીદવાનું કહેવામાં આવ્યું હતું. ટ્રમ્પ દ્વારા હસ્તાક્ષર કરાયેલા આદેશ મુજબ, આ ટેરિફ 21 દિવસની અંદર અમલમાં આવશે, એટલે કે 27 ઓગસ્ટ 2025 થી, તે ભારતથી અમેરિકા મોકલવામાં આવતા માલ પર લાગુ થશે.

જો કે, જે માલ આ તારીખ પહેલા રવાના થયો છે અને 17 સપ્ટેમ્બર 2025 પહેલા અમેરિકા પહોંચ્યો છે, તેમને આ ટેરિફમાંથી મુક્તિ આપવામાં આવશે. આદેશમાં સ્પષ્ટ કરવામાં આવ્યું છે કે આ ટેરિફ અન્ય તમામ ડ્યુટી અને કર ઉપરાંત હશે અને ચોક્કસ કિસ્સાઓમાં પણ મુક્તિ આપી શકાય છે.

ટ્રમ્પ વહીવટીતંત્રે સંકેત આપ્યો છે કે જો કોઈ અન્ય દેશ પણ રશિયા પાસેથી સીધી કે આડકતરી રીતે તેલ આયાત કરે છે, તો તેની સામે પણ આવી જ કાર્યવાહી કરી શકાય છે. ઉપરાંત, જો રશિયા અથવા અન્ય કોઈ અસરગ્રસ્ત દેશ અમેરિકાની નીતિઓ અનુસાર પગલાં લે છે, તો આ આદેશમાં ફેરફાર પણ શક્ય છે.

શુભમન ગિલ ICC ના ખાસ એવોર્ડ માટે નામાંકિત

ઇંગ્લેન્ડ સામેની પાંચ મેચની ટેસ્ટ શ્રેણીમાં શાનદાર પ્રદર્શન કરનાર શુભમન ગિલને ICC દ્વારા જુલાઈ મહિનાના શ્રેષ્ઠ ખેલાડી માટે નામાંકિત કરવામાં આવ્યા છે. ગિલ ઉપરાંત, ઇંગ્લેન્ડના દિગ્ગજ ઓલરાઉન્ડર અને કેપ્ટન બેન સ્ટોક્સ અને દક્ષિણ આફ્રિકાના ઓલરાઉન્ડર વિઆન મુલ્ડરને પણ નામાંકિત કરવામાં આવ્યા છે. ઇંગ્લેન્ડ સામેની ટેસ્ટ શ્રેણીમાં, શુભમન ગિલે 75.40 ની સરેરાશ અને ચાર સદી સાથે કુલ 754 રન બનાવ્યા. તેણે બેવડી સદી પણ ફટકારી. 25 વર્ષીય શુભમન ગિલ હવે ભારતીય કેપ્ટન દ્વારા ટેસ્ટ શ્રેણીમાં સૌથી વધુ રન બનાવનાર ખેલાડી બની ગયો છે. તેણે ભૂતપૂર્વ દિગ્ગજ સુનીલ ગાવસ્કરનો રેકોર્ડ (732) તોડી નાખ્યો છે.

 

ICC એ તેની વેબસાઇટ પર લખ્યું, શુભમન ગિલ માટે આ મહિનો ખૂબ જ સારો રહ્યો. આ રોમાંચક શ્રેણી દરમિયાન, તેણે આ મહિને ત્રણ ટેસ્ટ મેચમાં 94.50 ની સરેરાશથી 567 રન બનાવ્યા. તેણે એજબેસ્ટનમાં ભારતની રેકોર્ડ જીતમાં મહત્વપૂર્ણ ભૂમિકા ભજવી. તેણે આ મેચની પહેલી ઇનિંગમાં 269 રન અને બીજી ઇનિંગમાં 161 રન બનાવ્યા. આ રીતે, તેણે મેચમાં કુલ 430 રન બનાવ્યા, જે ગ્રેહામ ગુચના 456 રન પછી એક જ ટેસ્ટમાં બીજો સૌથી વધુ સ્કોર છે.

દક્ષિણ આફ્રિકાના કેપ્ટન તરીકેની પોતાની પહેલી મેચમાં, વિઆન મુલ્ડરે ઝિમ્બાબ્વે સામે અણનમ 367 રનની જોરદાર ઇનિંગ રમી. તેણે પોતાની ટીમની ઇનિંગ એવા સમયે ડિકલેર કરી જ્યારે તે 2004 માં ઇંગ્લેન્ડ સામે મહાન બ્રાયન લારા દ્વારા બનાવેલા અણનમ 400 રનના સૌથી વધુ વ્યક્તિગત સ્કોરનો રેકોર્ડ તોડી શક્યો હોત. તેણે બે મેચમાં 265.50 ની સરેરાશથી 531 રન બનાવ્યા.

ICC એ કહ્યું, મુલ્ડરે બોલિંગમાં પણ યોગદાન આપ્યું અને 15.28 ની સરેરાશથી સાત વિકેટ લીધી, જેમાં પ્રથમ ટેસ્ટમાં લીધેલી ચાર વિકેટનો પણ સમાવેશ થાય છે. ICC એ ભારત સામે બેન સ્ટોક્સના ઓલરાઉન્ડ પ્રદર્શનની પ્રશંસા કરતા કહ્યું, “તેણે 50.20 ની સરેરાશથી 251 રન બનાવ્યા અને 26.33 ની સરેરાશથી 12 વિકેટ લીધી. દબાણની પરિસ્થિતિઓમાં તેણે બેટ અને બોલ બંનેથી સારું પ્રદર્શન કર્યું.

ચારુસેટ ખાતે દેશભક્તિ થીમ આધારિત સ્પર્ધા યોજાઈ

ચાંગા: શ્રીમતી ચંદાબેન મોહનભાઈ પટેલ ઇન્સ્ટિટ્યૂટ ઓફ કોમ્પ્યુટર એપ્લિકેશન્સ (CMPICA) અને ચારુસેટ NSS યુનિટ દ્વારા ખાસ કાર્યક્રમનું આયોજન કરવામાં આવ્યું. ભારતના 79મા સ્વતંત્રતા દિવસની ઉજવણીના ભાગરૂપે 2 ઓગસ્ટ, 2025, શનિવારના રોજ આ કાર્યક્રમનું આયોજન કરવામાં આવ્યું. જેમાં દેશભક્તિની થીમ પર આધારિત સીગિંગ તથા ડાસિંગ કોમપિટીશનનો કાર્યક્રમ, ‘PATROTICA’ (પેટ્રોટીકા)નું  આયોજન કરવામાં આવ્યું હતું. આ કાર્યક્રમ CMPICA ઓડિટોરિયમમાં યોજાયો હતો. ચારુસેટની વિવિધ સંસ્થાઓમાંથી 40 સ્પર્ધકોએ આ સ્પર્ધાઓમાં ઉત્સાહપૂર્વક ભાગ લીધો હતો.

ગાયન સ્પર્ધામાં ભાગ લેનાર સ્પર્ધકોએ ગ્રુપ અને સોલો સીગિંગ દ્વારા વિવિધ દેશભક્તિ ગીતો રજૂ કર્યા હતા. જ્યાર નૃત્યુ સ્પર્ધામાં ભાગ લેનાર સ્પર્ધકોએ દેશભક્તિના ગીતો પર ભાવનાત્મક નૃત્ય રજૂ કર્યું હતું. દરેક ઇવેન્ટમાં પ્રથમ, દ્વિતીય અને તૃતીય સ્થાન માટે વિજેતાઓ જાહેર કરવામાં આવ્યા અને તેઓને રોકડ ઈનામ અને પ્રમાણપત્ર એનાયત કરવામાં આવ્યા હતા. અન્ય તમામ સ્પર્ધકોને પણ સહભાગી થવા માટે સર્ટિફિકેટ એનાયત કરવામાં આવ્યા.

સાઉથની અભિનેત્રી શ્વેતા મેનન પર અશ્લીલતા ફેલાવવાનો આરોપ

સાઉથ ભારતીય ફિલ્મ ઉદ્યોગની જાણીતી અભિનેત્રી શ્વેતા મેનન આજકાલ સમાચારમાં છે, જોકે તેનું કારણ તેની કોઈ ફિલ્મ કે વ્યાવસાયિક પ્રોજેક્ટ નથી, પરંતુ કાનૂની વિવાદ છે. વાસ્તવમાં, અભિનેત્રી પર અશ્લીલતા ફેલાવવાના ગંભીર આરોપો લગાવવામાં આવ્યા છે, જેના કારણે તેની સામે કેસ નોંધવામાં આવ્યો છે. શું છે આખો મામલો?

આ કેસ એર્નાકુલમ સેન્ટ્રલ પોલીસ સ્ટેશનમાં નોંધવામાં આવ્યો છે, જેમાં અભિનેત્રી પર કેટલીક ફિલ્મો અને જાહેરાતોમાં અશ્લીલ અને નગ્ન દ્રશ્યો બતાવવાનો આરોપ મૂકવામાં આવ્યો છે. ફરિયાદી માર્ટિન મેનાચેરીએ કોર્ટમાં અરજી દાખલ કરીને દાવો કર્યો હતો કે શ્વેતાએ પૈસા કમાવવા માટે ફિલ્મો અને જાહેરાતોમાં વાંધાજનક દ્રશ્યો કર્યા હતા, જે પાછળથી સોશિયલ મીડિયા અને પુખ્ત વેબસાઇટ્સ દ્વારા ફેલાવવામાં આવી રહ્યા છે.

‘રથિનિર્વેદમ’, ‘પાલેરી મણિક્યમ: અ મિડનાઈટ મર્ડર મિસ્ટ્રી’ અને ‘કાલીમન્નુ’ જેવી ફિલ્મોમાં અભિનેત્રીના બોલ્ડ રોલ પણ આ વિવાદનો ભાગ બન્યા છે. આ ઉપરાંત, કોન્ડોમની જાહેરાતમાં તેની હાજરી અંગે ગંભીર પ્રશ્નો ઉભા થયા છે.

ફરિયાદમાં એવો પણ આરોપ મૂકવામાં આવ્યો છે કે આ સામગ્રી યુવાનો પર ખરાબ પ્રભાવ પાડે છે અને તેઓ સમાજમાં ખોટા સંદેશા ફેલાવે છે. આ ફરિયાદના આધારે પોલીસે અશ્લીલતા પ્રતિબંધ અધિનિયમ અને આઇટી એક્ટ હેઠળ કેસ નોંધ્યો છે.

અભિનેત્રી તરફથી કોઈ પ્રતિક્રિયા નથી

શ્વેતા મેનન, જેને તેના દમદાર અભિનય માટે રાષ્ટ્રીય પુરસ્કાર માટે નામાંકિત કરવામાં આવી છે, તે પહેલા પણ વિવાદોમાં રહી છે. લાંબા સમયથી ફિલ્મો, ટીવી શો અને રિયાલિટી શોનો ભાગ રહેલી આ અભિનેત્રીએ 2013 માં જાહેર કાર્યક્રમ દરમિયાન તેની સાથે દુર્વ્યવહાર થયાના અહેવાલો સાથે ઘણી હેડલાઇન્સ બનાવી હતી.

જોકે, આ વખતે કોર્ટના નિર્દેશ પર કેસ નોંધવામાં આવ્યો છે, જેના કારણે આ મામલો વધુ સંવેદનશીલ બન્યો છે. હવે જોવાનું એ છે કે અભિનેત્રી આ કેસમાં પોતાનો બચાવ કેવી રીતે કરે છે અને કાનૂની પ્રક્રિયા કઈ દિશામાં જાય છે. શ્વેતા મેનન તરફથી હજુ સુધી કોઈ સત્તાવાર પ્રતિક્રિયા આવી નથી.

સાયન્સ સિટી ખાતે ‘હિરોશિમા ડે’ નિમિત્તે કાર્યક્રમનું આયોજન

અમદાવાદ: ગુજરાત સાયન્સ સિટી ખાતે 6 ઓગષ્ટના રોજ “Hiroshima Day– Never Again” ના સંદેશ સાથે તથા Anti-Nuclear Day “Science for Peace and Development” થીમ હેઠળ વિશેષ કાર્યક્રમનું આયોજન કરવામાં આવ્યું. વિદ્યાર્થીઓએ ઉત્સાહપૂર્વક ભાગ લીધો અને શાંતિ અને વિકાસ માટેના વિજ્ઞાનના સંદેશને આગળ વધાર્યો.

કાર્યક્રમ દરમિયાન વિવિધ સ્કૂલના વિદ્યાર્થીઓ માટે ડ્રોઈંગ એક્ટિવિટીનું આયોજન કરવામાં આવ્યું હતું. જેમાં પરમાણુ વિનાશના વિરોધ અને વિજ્ઞાન દ્વારા શાંતિ સ્થાપવાના સર્જનાત્મક વિચારોને રંગો દ્વારા જીવંત બનાવવામાં આવ્યા.

આ ઉપરાંત વિદ્યાર્થીઓએ સાયન્સ સિટીની વિવિધ ગેલેરીઓ – જેમ કે એસ્ટ્રોનોમી એન્ડ સ્પેસ સાયન્સ ગેલેરી, રોબોટિક્સ ગેલેરી અને એક્વેટિક ગેલેરીની મુલાકાત લીધી અને વિજ્ઞાન તેમજ નવીન ટેકનોલોજીનો પ્રાથમિક અનુભવ મેળવ્યો.સ્કૂલના પ્રિન્સિપાલ અને શિક્ષકોએ જણાવ્યું કે, આવા કાર્યક્રમો દ્વારા વિદ્યાર્થીઓમાં વિજ્ઞાન પ્રત્યે રસ વધે છે અને શાંતિપૂર્ણ તથા સુરક્ષિત ભવિષ્ય માટે જાગૃતિ ફેલાય છે.

તેજસ્વી યાદવને ચૂંટણી પંચની બીજી નોટિસ

બિહાર વિધાનસભામાં ચૂંટણી પંચે વિરોધ પક્ષના નેતા તેજસ્વી યાદવને ફરી નોટિસ મોકલી છે. પંચે રાષ્ટ્રીય જનતા દળ (RJD)ના નેતા પાસેથી બે મતદાર ઓળખપત્ર હોવાના મામલે ફરી જવાબ માંગ્યો છે. આ સંદર્ભમાં બુધવારે દિઘા વિધાનસભા મતવિસ્તારના ચૂંટણી નોંધણી અધિકારી દ્વારા એક પત્ર લખવામાં આવ્યો હતો. આમાં, તેજસ્વીના મતદાર યાદીમાં તેમનું નામ ન હોવાના અગાઉના દાવા વિશે માહિતી માંગવામાં આવી છે. રવિવારે પંચ દ્વારા તેજસ્વી યાદવને પણ નોટિસ મોકલવામાં આવી હતી. એવું કહેવામાં આવી રહ્યું છે કે પહેલા પત્રનો વિરોધ પક્ષના નેતા તરફથી જવાબ ન મળ્યા બાદ, તેમને ફરીથી નોટિસ મોકલવામાં આવી છે.

આ વર્ષે યોજાનારી વિધાનસભા ચૂંટણી પહેલા ચૂંટણી પંચ દ્વારા મતદાર યાદી સુધારણાના ઘરે-ઘરે જઈ ચકાસણી અભિયાન ચલાવ્યા બાદ 1 ઓગસ્ટના રોજ ડ્રાફ્ટ મતદાર યાદી જાહેર કરવામાં આવી હતી. આ પછી તરત જ, તેજસ્વી યાદવે પટણામાં એક પ્રેસ કોન્ફરન્સ યોજી અને દાવો કર્યો કે તેમનું નામ ડ્રાફ્ટ મતદાર યાદીમાં નથી. તેમણે મીડિયાની સામે કમિશનની સત્તાવાર વેબસાઇટ પર પોતાનો EPIC (મતદાર ઓળખ નંબર) દાખલ કરીને SIR ડ્રાફ્ટમાં પોતાનું નામ શોધ્યું હતું. તેજસ્વીએ દાવો કર્યો હતો કે તેમનું નામ ડ્રાફ્ટમાં દેખાતું નથી.

રાજ્યની હેન્ડલૂમ કૉ-ઓપરેટિવ સોસાયટીઓનું 290 કરોડથી વધુનું વેચાણ

ગાંધીનગર: હાથશાળ વણકરોની કારીગરી અને તેમના સમૃદ્ધ વારસાને ટેકો આપવા, આર્થિક ઉત્થાન કરવા માટે રાજ્ય સરકારે વિવિધ યોજનાઓ અમલી બનાવી છે. હેન્ડલૂમ સોસાયટીઓના ઉત્થાન માટેના સતત પ્રયાસોના ભાગરૂપે કુટિર અને ગ્રામોદ્યોગ વિભાગ દ્વારા પેકેજ સ્કીમ અમલમાં છે. વર્ષ 2024-25માં આ યોજના હેઠળ રાજ્યની 246થી વધુ હેન્ડલૂમ કૉ-ઓપરેટિવ સોસાયટીઓએ (હાથશાળ સહકારી મંડળીઓએ) લાભ મેળવ્યો છે, જેના પરિણામ સ્વરૂપે ₹290 કરોડથી વધુ  મૂલ્યની હેન્ડલૂમ પ્રોડક્ટ્સનું વેચાણ થયું છે. આપને જણાવી દઈએ કે ભારત સરકારે વર્ષ 2015માં 7 ઓગસ્ટના દિવસને ‘નેશનલ હેન્ડલૂમ ડે’ એટલે કે રાષ્ટ્રીય હાથવણાટ દિવસ તરીકે જાહેર કર્યો છે. આ દિવસ હાથવણાટના સાંસ્કૃતિક, પરંપરાગત અને આર્થિક મહત્વને ઉજાગર કરે છે.તહેવારો દરમિયાન હાથશાળ સહકારી મંડળીઓને હાથશાળના ઉત્પાદનોના વેચાણ પર 5% વળતર સહાય મળે છે, જ્યારે મહિલા સહકારી મંડળીઓને વેચાણ પર 15% વળતર સહાય મળે છે. આ ઉપરાંત, મહિલા સહકારી મંડળીઓ માટે વાર્ષિક 120 દિવસના સમયગાળા માટે વેચાણ પર 15% અને 20%ની વિશેષ વળતર સહાય આપવામાં આવે છે. સાથે જ રાજ્યની ટોચની હાથશાળ સંસ્થાઓ તેમજ ગુજરાત રાજ્ય હાથશાળ અને હસ્તકલા નિગમને ગુજરાત રાજ્યમાં અને રાજ્ય બહાર પ્રદર્શનોમાં ભાગ લેવા તેમજ જાહેરાત અને પ્રચાર કરવા માટે સહાય આપવામાં આવે છે.મિલ ગેટ પ્રાઇસ સ્કીમ હેઠળ રાજ્યના માન્ય ડેપો મારફતે ખરીદવામાં આવેલા ગુણવત્તાયુક્ત યાર્ન (સૂતર) પર 15% સબસીડી આપવામાં આવે છે. વણકરોના કૌશલ્ય વિકાસ માટે ટૂંકા અને લાંબા ગાળાની તાલીમ આપવામાં આવે છે, જેમાં પ્રતિ તાલીમાર્થી  ₹4500 પ્રતિ માસ સ્ટાઇપેન્ડ પણ આપવામાં આવે છે.હાથશાળ ઉત્પાદનોની દ્રશ્યતા વધારવા માટે વ્યાપક માર્કેટિંગ પ્રયાસો પણ કરવામાં આવે છે,  જેમાં હોર્ડિંગ્સ, કિઓસ્ક, વૉલ પેઇન્ટિંગ્સ, રોડ શૉ,  ફેશન શૉ વગેરે દ્વારા પ્રચાર-પ્રસારનો સમાવેશ થાય છે. હાથશાળના ઉત્પાદનોનું માર્કેટિંગ ગુજરાતની અંદર અને બહાર ‘ગરવી-ગુર્જરી’ બ્રાન્ડ દ્વારા ઈ-કોમર્સ અને એમ્પોરિયા ચેઇન દ્વારા કરવામાં આવે છે.

તમિલનાડુમાં વિજય દેવરકોંડાની ‘કિંગડમ’ પર પ્રતિબંધ મૂકવાની માંગ, જાણો શું છે સમગ્ર મામલો

દક્ષિણ ભારતના સ્ટાર વિજય દેવેરાકોંડાની ફિલ્મ ‘કિંગડમ’, જે હિન્દીમાં ‘સામ્રાજ્ય’ તરીકે રિલીઝ થઈ છે, તે હાલમાં સિનેમાઘરોમાં ચાલી રહી છે. આ ફિલ્મ બોક્સ ઓફિસ પર થોડી ધીમી કમાણી કરી રહી છે. એવામાં આ ફિલ્મને તમિલનાડુના મદુરાઈ અને ત્રિચી જેવા વિસ્તારોમાં વિરોધનો સામનો કરવો પડ્યો છે. તમિલ સમર્થક નેતાઓએ શ્રીલંકાના તમિલોના કથિત ખોટા ચિત્રણની ટીકા કરતા ફિલ્મ પર પ્રતિબંધ મૂકવાની પણ માંગ કરી છે.

તમિલ તરફી પાર્ટી નામ તમિલાર કાચી (NTK) ના કાર્યકરોએ ‘કિંગડમ’ વિરુદ્ધ ત્રિચીમાં થિયેટરોની બહાર વિરોધ પ્રદર્શન કર્યું અને ફિલ્મના પ્રદર્શન પર પ્રતિબંધ મૂકવાની માંગ કરી. NTK ના રાજ્ય પ્રચાર સચિવ સરવનને કહ્યું કે આ ફિલ્મ LTTE (લિબરેશન ટાઇગર્સ ઓફ તમિલ ઇલમ) ના લડવૈયાઓ અને ઇઝમ તમિલોનું અપમાન કરે છે. તેઓ 30 વર્ષ સુધી લડ્યા અને શહીદ થયા, પરંતુ તેમને પહાડી વિસ્તારોમાં રહેતા ગુલામ તરીકે દર્શાવવામાં આવ્યા છે.

આ ઐતિહાસિક તથ્યોને વિકૃત કરવાનો પ્રયાસ છે અને અમે આને મંજૂરી આપી શકતા નથી. તેમને અત્યાર સુધી ન્યાય મળ્યો નથી અને ઘણા લોકો હજુ પણ ગુમ છે. તમિલ કાચી નામ એવું કંઈ કરી શકતું નથી જેનાથી તેમને દુઃખ થાય. વિરોધીઓ જિલ્લાના એક અગ્રણી થિયેટર મેનેજરને પણ મળ્યા હતા, ત્યારબાદ ‘કિંગડમ’ ના બેનરો દૂર કરવામાં આવ્યા હતા.

ફિલ્મ વિતરકોએ પોલીસ સુરક્ષાની માંગ કરી છે

ફિલ્મ સામે વધતા વિરોધ વચ્ચે તમિલનાડુના ફિલ્મ વિતરકોએ પોલીસ સુરક્ષાની માંગણી સાથે મદ્રાસ હાઇકોર્ટનો સંપર્ક કર્યો છે. ત્યારબાદ હવે મામલો મોટો થઈ રહ્યો છે.

ગૌતમ તિન્નાનુરી દ્વારા દિગ્દર્શિત ‘કિંગડમ’ એક તેલુગુ ફિલ્મ છે જેમાં વિજય દેવેરાકોંડા, સત્યદેવ અને વેંકટેશ મુખ્ય ભૂમિકામાં છે. શ્રીલંકામાં સેટ કરેલી આ ફિલ્મ એક પોલીસમાંથી ડિટેક્ટીવ બનેલા વ્યક્તિની વાર્તા છે જે પાછળથી દિવી જાતિનો રક્ષક બને છે. આ ફિલ્મ તમિલ, મલયાલમ અને અન્ય ભાષાઓમાં ડબ કરવામાં આવી છે અને 31 જુલાઈથી સિનેમાઘરોમાં રિલીઝ થઈ છે.

1...700701702...5,171Page 701 of 5,171