Home Blog Page 728

રાજકુમાર રાવને જૂના કાનૂની વિવાદમાં જામીન મળ્યા, શું હતો મામલો?

બોલિવૂડ અભિનેતા રાજકુમાર રાવ હવે તેમના એક જૂના કાનૂની વિવાદને કારણે ચર્ચામાં છે. આઠ વર્ષ જૂના કેસમાં અભિનેતાને પંજાબની જલંધર કોર્ટમાં શરણાગતિ સ્વીકારવી પડી હતી. જોકે, મીડિયા રિપોર્ટ્સ અનુસાર, તેમને હવે કોર્ટમાંથી જામીન મળી ગયા છે. આ કેસની આગામી સુનાવણી 30 જુલાઈએ થશે.

આ સમગ્ર મામલો વર્ષ 2017 માં રિલીઝ થયેલી ફિલ્મ ‘બહન હોગી તેરી’ સાથે સંબંધિત છે. ફિલ્મના એક દ્રશ્ય અને તેને લગતા પોસ્ટરને લઈને વિવાદ થયો હતો. આરોપ છે કે ફિલ્મના એક દ્રશ્યમાં અભિનેતા રાજકુમાર રાવને ભગવાન શિવના રૂપમાં બાઇક પર બેઠેલા બતાવવામાં આવ્યા હતા, જેનાથી ધાર્મિક લાગણીઓને ઠેસ પહોંચી હતી.

શિવસેનાના એક સ્થાનિક નેતાએ આ દ્રશ્ય સામે વાંધો ઉઠાવ્યો હતો. તેમણે પોલીસમાં ફરિયાદ નોંધાવી હતી, ત્યારબાદ રાજકુમાર રાવ દિગ્દર્શક નીતિન કક્કર, નિર્માતા અમૂલ વિકાસ મોહલે અને સહ-કલાકાર શ્રુતિ હાસન વિરુદ્ધ કેસ નોંધવામાં આવ્યો હતો.

રાજકુમાર રાવને જામીન મળ્યા

કેસ નોંધાયા પછી કોર્ટે અભિનેતાને સમન્સ મોકલ્યું હતું, પરંતુ રાજકુમાર રાવ તે સમયે કોર્ટમાં હાજર રહી શક્યા ન હતા. પરિણામે, કોર્ટે તેમના વિરુદ્ધ બિનજામીનપાત્ર વોરંટ જારી કર્યું. હવે અભિનેતાએ 28 જુલાઈએ કોર્ટમાં આત્મસમર્પણ કર્યું. આ પછી તેમને શરતી જામીન મળ્યા. નોંધનીય છે કે રાજકુમાર રાવે આ કેસમાં અગાઉ આગોતરા જામીન લીધા હતા, પરંતુ કોર્ટમાં તેમની ગેરહાજરીને કારણે વોરંટ જારી કરવું પડ્યું હતું. હવે આ કેસની આગામી સુનાવણી 30 જુલાઈએ થવાની છે. આ સમગ્ર પ્રક્રિયા દરમિયાન રાજકુમાર રાવ કે તેમની ટીમ તરફથી કોઈ સત્તાવાર નિવેદન આવ્યું નથી. અભિનેતાએ અત્યાર સુધી આ કેસમાં મૌન સેવ્યું છે.

રાજકુમાર રાવ ટૂંક સમયમાં પિતા બનવાના છે

જો આપણે તેમના અંગત જીવનની વાત કરીએ તો રાજકુમાર રાવ ટૂંક સમયમાં પિતા બનવાના છે. તેમની પત્ની પત્રલેખા ગર્ભવતી છે અને આ ખુશીના પ્રસંગે તાજેતરમાં અભિનેતા અમૃતસરના સુવર્ણ મંદિરમાં ગયા હતા અને આશીર્વાદ લીધા હતા. ફિલ્મોની વાત કરીએ તો, રાજકુમાર રાવ ટૂંક સમયમાં ‘ટોસ્ટર’ નામની ફિલ્મમાં જોવા મળશે. આ વર્ષની શરૂઆતમાં તે ‘ભૂલ ચૂક માફ’ અને ‘માલિક’ જેવી ફિલ્મોમાં જોવા મળ્યો છે.

બારાપુલા કોરિડોરમાં ભ્રષ્ટાચાર?: CMએ આપ્યા તપાસના આદેશ

નવી દિલ્હીઃ દિલ્હીમાં જ્યારથી ભાજપની સરકાર બની છે, ત્યારથી ભૂતપૂર્વ આમ આદમી પાર્ટી સરકારના ઘણા પ્રોજેક્ટ્સની તપાસ શરૂ થઈ છે. ભ્રષ્ટાચારના ગંભીર આરોપો પણ લાગી રહ્યા છે. હવે આ જ કડીમાં બારાપુલા કોરિડોરના તૃતીય તબક્કાના પ્રોજેક્ટનો સમાવેશ થયો છે. CM રેખા ગુપ્તાએ આ મામલામાં તપાસના આદેશ આપી દીધા છે.

કયા મામલે તપાસના આદેશ આપાયા છે?

હકીકતમાં CM રેખા ગુપ્તા અને લોક નિર્માણ વિભાગના મંત્રી પરવેશ વર્મા વચ્ચે એક મહત્વપૂર્ણ ખર્ચ અને નાણાકીય સમિતિની બેઠક યોજવામાં આવી હતી. તે બેઠકમાં નિર્ણય લેવામાં આવ્યો હતો કે બારાપુલા કોરિડોરના પ્રોજેક્ટની તપાસ કરાવવામાં આવશે. એવો દાવો કરવામાં આવ્યું છે કે આ યોજનામાં કરોડો રૂપિયાની ચુકવણી અને અન્ય ઘણી ગેરવહીવટ જોવા મળ્યાં છે. ખાસ કરીને એ મુદ્દો ચર્ચામાં છે કે એક ઠેકેદારને 175 કરોડ રૂપિયા ચૂકવવામાં આવ્યા છે, જેને લઈને તપાસ શરૂ થશે.

આમ આદમી પાર્ટીનું શું કહેવું છે?

એક તરફ CM રેખા ગુપ્તા તપાસની વાત કરી રહ્યાં છે, ત્યારે આમ આદમી પાર્ટી આને માત્ર રાજકીય હથિયાર ગણાવી રહી છે. પાર્ટીએ ભારપૂર્વક કહ્યું છે કે જ્યારેથી દિલ્હીમાં ભાજપની સરકાર આવી છે, કામ અટકી પડ્યું છે અને લોકોનું ધ્યાન ભટકાવા માટે આવી કાર્યવાહીઓ કરવામાં આવી રહી છે. આમ આદમી પાર્ટીનું કહેવું છે કે રાજકીય બદલો લેવા માટે આ બધા કેસ કરાવવામાં આવી રહ્યા છે.

International Tiger Day: જાણો સૌથી વધુ વાઘ ક્યાં છે અને સૌથી મોટો ખતરો શું છે?

દર વર્ષે 29 જુલાઈના રોજ આંતરરાષ્ટ્રીય વાઘ દિવસ (International Tiger Day) ઉજવવામાં આવે છે. 29 જુલાઈ એ ફક્ત વાઘની સુંદરતા અને શક્તિનો ઉત્સવ નથી, પરંતુ તેમના ઝડપથી ઘટતા અસ્તિત્વ વિશે ચેતવણી પણ છે. એક સદી પહેલા સુધી જ્યાં લાખોની સંખ્યામાં વાઘ જંગલોમાં ફરતા હતા, આજે તેમની સંખ્યા ઘટીને ફક્ત 3,890 થી 4,000 થઈ ગઈ છે. પરંતુ આ કટોકટી વચ્ચે ભારત આશાનું કિરણ બનીને ઉભરી આવ્યું છે. વિશ્વમાં બાકી રહેલા કુલ વાઘમાંથી 75 ટકા એટલે કે લગભગ 3,682 વાઘ ભારતમાં છે. આ આંકડો દર્શાવે છે કે ભારતે માત્ર વાઘને બચાવ્યા નથી પરંતુ તેમની સંખ્યા વધારવામાં પણ મોટી સફળતા મેળવી છે.

ક્યાં કેટલા વાઘ બચ્યા છે?

100 વર્ષ પહેલાં વાઘ સમગ્ર એશિયાના જંગલોમાં મુક્તપણે ફરતા હતા, પરંતુ શિકાર, વનનાબૂદી અને અંગોની તસ્કરીએ તેમને લુપ્તપ્રાય પ્રજાતિ બનાવ્યા. 2022ના ડેટા અનુસાર આ દેશોમાં ઘણા બધા વાઘ છે.

ભારત: 3,682 વાઘ

રશિયા (સાઇબેરીયન વાઘ): 500-600

ઇન્ડોનેશિયા (સુમાત્રા વાઘ): લગભગ 400ગંભીર રીતે લુપ્તપ્રાય)

નેપાળ: 350-400

મલેશિયા: લગભગ 150

બાંગ્લાદેશ (સુંદરબન): 100-120

થાઇલેન્ડ: 150

મ્યાનમાર, ભૂતાન, ચીન: 50થી ઓછા

ભારત વાઘ માટે સૌથી સુરક્ષિત છે

ગ્લોબલ ટાઇગર ફોરમે ચેતવણી આપી છે કે જો સંરક્ષણ પ્રયાસોને ઝડપી બનાવવામાં નહીં આવે, તો કેટલાક વિસ્તારોમાંથી વાઘ સંપૂર્ણપણે અદૃશ્ય થઈ શકે છે. 1973માં ભારતમાં શરૂ થયેલા ‘પ્રોજેક્ટ ટાઇગર’ એ સંરક્ષણની દિશામાં ક્રાંતિકારી કાર્ય કર્યું. આજે દેશમાં 53વાઘ અભયારણ્ય છે. 2018ની સરખામણીમાં, 2022માં વાઘની સંખ્યા 2967થી વધીને 3682 થઈ ગઈ એટલે કે 24 ટકાનો ઉછાળો. આ સિદ્ધિ NTCA (નેશનલ ટાઇગર કન્ઝર્વેશન ઓથોરિટી) અને વન રક્ષકોની મહેનતનું પરિણામ છે.

ભારતમાં સૌથી વધુ વાઘ ક્યાં છે?

જીમ કોર્બેટ (ઉત્તરાખંડ) – 260 વાઘ (દેશમાં સૌથી વધુ)

બાંદીપુર (કર્ણાટક) – 150

નગરહોલ (કર્ણાટક) – 141

બાંધવગઢ (મધ્ય પ્રદેશ) – 135

કાન્હા (મધ્ય પ્રદેશ) – 105

કાઝીરંગા (આસામ) – 104

સુંદરવન (પશ્ચિમ બંગાળ) – 100

તાડોબા (મહારાષ્ટ્ર) – 97

રાજ્યવાર આંકડા

મધ્ય પ્રદેશ – 785 વાઘ

કર્ણાટક – 563

ઉત્તરાખંડ – 560

વાઘ કેમ જોખમમાં છે?

શિકાર અને ગેરકાયદેસર વેપાર: ચામડી, હાડકાં અને અંગોની આંતરરાષ્ટ્રીય માંગ.

વનનાબૂદી: રહેઠાણ વિસ્તારો સંકોચાઈ રહ્યા છે.

શિકારનો અભાવ: હરણ અને ડુક્કર જેવા પ્રાણીઓની સંખ્યામાં ઘટાડો.

માનવ-વન્યજીવન સંઘર્ષ: વાઘ ગામડાઓની નજીક આવે ત્યારે માર્યા જાય છે.

ભારત શું કરી રહ્યું છે?

ડ્રોન અને કેમેરા ટ્રેપ દ્વારા દેખરેખ.

કડક કાયદા: વન્યજીવન સંરક્ષણ કાયદો.

શિકાર વિરોધી ટીમો અને ઝડપી પ્રતિભાવ દળો.

ઇકો-ટુરિઝમ અને સ્થાનિક સમુદાયોની સંડોવણી સંરક્ષણને ટેકો આપે છે

સાંસદ મનીષ તિવારીએ કોંગ્રેસ પર સાધ્યું નિશાન

નવી દિલ્હીઃ “હૈ પ્રીત જહાં કી રીત સદા, મેં ગીત વહાં કે ગાતા હૂં, ભારત કા રહને વાલા હૂં, ભારત કી બાત સુનાતા હૂં” – કોંગ્રેસના સાંસદ મનીષ તિવારીએ 55 વર્ષ જૂની ફિલ્મ ‘પૂરબ ઔર પશ્ચિમ’ના ગીતની પંક્તિ X  પર એક ગર્ભિત સંદેશ રૂપે પોસ્ટ કરી છે. આ પંક્તિએ રાજકીય માહોલમાં ચર્ચા જમાવી છે.

મનીષ તિવારીએ સંસદમાં ‘ઓપરેશન સિંદૂર’ વિષયક ચર્ચામાં કોંગ્રેસ દ્વારા પોતાને બોલવાનો મોકો ન આપવા માટે અસંતોષ વ્યક્ત કર્યો છે. સૂત્રોના જણાવ્યા મુજબ મનીષ તિવારી અને શશિ થરૂર — બંનેએ આ મુદ્દે સંસદમાં બોલવાની ઇચ્છા દર્શાવી હતી,  પણ પાર્ટીએ તેમને તક આપી નહોતી.

કૉંગ્રેસે લોકસભામાં જેમને બોલવાની તક આપી તેમાં રાહુલ ગાંધી, પ્રિયંકા ગાંધી, પ્રણીતિ શિંદે, ગૌરવ ગોગોઇ, દીપેન્દ્ર હુડ્ડા, સપ્તગિરી ઉલાકા અને બિજેન્ડ્ર ઓલા જેવાં નામો સામેલ છે.

મનીષ તિવારી અને શશિ થરૂર એવા બે વરિષ્ઠ કોંગ્રેસ સાંસદ છે જેમને કેન્દ્ર સરકાર દ્વારા સરહદી આતંકવાદ સામે ભારતના વલણને આંતરરાષ્ટ્રીય સ્તરે રજૂ કરવા માટે વિદેશી પ્રતિનિધિમંડળોમાં સામેલ કરવામાં આવ્યા હતા, એમ છતાં આ બંને નેતાઓને સંસદમાં ‘ઓપરેશન સિંદૂર’ ચર્ચા માટે બોલાવવામાં આવ્યા નહોતા.

મનીષ તિવારીએ પાર્ટીને ખાસ કહીને બોલવા ઇચ્છા વ્યક્ત કરી હતી. બીજી તરફ, શશિ થરૂરને પણ કોંગ્રેસે બોલવા માટે કહ્યુ હતું, પણ શરત હતી કે તેઓ પાર્ટીની લાઇનનું પાલન કરે. થરૂરે આ શરત માનવા ઇનકાર કરી દેતાં કહ્યું હતું કે તેમને લાગે છે કે સરકારનું આ પગલાં સફળ રહ્યું છે, તેથી તેમણે સંસદમાં બોલવાને ઇનકાર કર્યો હતો.

ઝારખંડમાં બસ-ટ્રક વચ્ચે અકસ્માતઃ 18 કાવડિયાઓનાં મોત, 20 ઘાયલ

નવી દિલ્હીઃ ઝારખંડના દેવઘરમાં મોટો માર્ગ અકસ્માત થયો છે. અહીં બસ અને ટ્રક વચ્ચે અકસ્માતમાં 18 લોકોનાં મોત થયાં છે, જ્યારે 20થી વધુ ઇજાગ્રસ્ત થયા છે. પોલીસે ઘટનાસ્થળે પહોંચી હતી અને બચાવ અને રાહત કાર્ય શરૂ કરી દીધું છે.

ભાજપના સાંસદ નિશિકાંત દુબેએ X  પર પોસ્ટ કરીને જણાવ્યું હતું કે મારા લોકસભા ક્ષેત્ર દેવઘરમાં શ્રાવણ માસમાં કાવડ યાત્રા દરમિયાન બસ અને ટ્રકના અકસ્માતમાં 18 શ્રદ્ધાળુઓનાં મોત થયા છે. બાબા વૈદ્યનાથ તેમના પરિવારજનોને આ દુઃખ સહન કરવાની શક્તિ આપે. નિશિકાંત દુબે પહેલાં ઝોનલ IG સંથાલ પરગણા એસ. કે. સિંહાએ જણાવ્યું હતું કે બસ અને ટ્રક વચ્ચેની ટક્કર બાદ પાંચ કાવડિયાઓનાં મોત થયાં છે અને અનેક લોકો ઘાયલ થયા છે.

દેવઘરના SDO રવિકુમારએ જણાવ્યું હતું કે અકસ્માતની માહિતી સવારે ચારથી પાંચ વાગ્યાની વચ્ચે મળી હતી. દેવઘરથી શ્રદ્ધાળુઓને લઈને વસુકીનાથ જતી ખાનગી બસ ટ્રક સાથે અથડાઈ. ત્યાર બાદ બસનું બેલેન્સ જતાં એ ઈંટના ઢગલા સાથે અથડાઈ. તેમણે જણાવ્યું હતું કે અકસ્માતમાં ડ્રાઈવરનું ઘટનાસ્થળે જ મોત થયું હતું. તેની સાથે ચાર લોકોનાં મોતની પુષ્ટિ થઈ છે. મૃતદેહોને સદર હોસ્પિટલમાં લાવવામાં આવ્યા છે. અત્યાર સુધીમાં પાંચ લોકોનાં મોતની પુષ્ટિ થઈ છે અને 23 લોકોની સારવાર ચાલી રહી છે.

આ દુર્ઘટના કેવી રીતે બની?
એક પોલીસ અધિકારીએ માહિતી આપી છે કે કાવડિયાઓને લઈ જતી બસ ગેસ સિલિન્ડર લઇ જતાં એક ટ્રક સાથે ટકરાઈ ગઈ. આ અકસ્માત વહેલી સવારે આશરે 4:30 કલાકે મોહનપુર પોલીસ સ્ટેશન વિસ્તારમાં આવેલા જમુનિયા જંગલના નજીક થયો હતો. કાવડિયાઓથી ભરેલી 32 સીટની બસ અને ગેસ સિલિન્ડર લઇ જતો ટ્રક આમનેસામને અથડાયા હતા.

આ અકસ્માત બાદ જિલ્લામાંથી બચાવ કામગીરી શરૂ કરવામાં આવી છે. ઘાયલોને નજીકની હોસ્પિટલ અને પ્રાથમિક આરોગ્ય કેન્દ્રોમાં ખસેડવામાં આવી રહ્યા છે. અકસ્માતમાં ઘણા લોકો ગંભીર રીતે ઘાયલ થયા હોવાથી મૃતકોની સંખ્યા વધવાની આશંકા છે.

દયા ડાકણને ખાય

 

દયા ડાકણને ખાય

 

ડાકણના દિલમાં દયાનો છાંટો હોતો નથી. પણ ક્યારેક એના મનમાં દયાનો અંકુર ફૂટે અને કોઈને જવા દે તો પોતે જ આફતમાં મુકાઇ જાય તેવી સ્થિતીનું નિર્માણ થાય.

ક્યારેક પોતે કરેલી દયા પોતાને જ ભારે પડી હોય એવા દાખલા ઇતિહાસમાં પણ જોવા મળે છે. પૃથ્વીરાજ ચૌહાણે મહમ્મદ શાહબુદ્ધિન ઘોરીને યુદ્ધમાં ૧૬ વખત પરાસ્ત કર્યા છતાં રહેમ દાખવીને એને જવા દીધો. પણ ૧૭મી વખત તે પોતે પરાસ્ત થયો ત્યારે ઘોરીએ એને કેદ પકડ્યો અને છેવટે એનો અંજામ મોત આવ્યો.

આ સંદર્ભમાં દયા કરવા જતાં ફસાઈ જવાય/આફત વહોરવી પડે, ઉપકારના બદલામાં અપકાર થાય અને ધરમ કરવા જતાં ધાડ પડે એ સ્થિતિનો સંદેશ આ કહેવતમાંથી મળે છે.

(ડો. જયનારાયણ વ્યાસ ગુજરાતના જાહેરજીવનનું એક ટોચનું નામ છે. ગુજરાત સરકારમાં કેબિનેટ મંત્રી તરીકે અનેક મહત્વની જવાબદારી સંભાળી ચૂકેલા જયનારાયણભાઇ નિષ્ણાત અર્થશાસ્ત્રી, ટેકનોક્રેટ અને કુશળ વક્તા હોવાની સાથે લોકપ્રિય લેખક પણ છે. ટેલિવિઝન એન્કર તરીકે પણ અર્થપૂર્ણ ચર્ચા યોજે છે. અહીં એ બાળપણમાં મા ના મુખેથી સાંભળેલી જાણીતી કહેવતોનો આસ્વાદ કરાવે છે.)

અખિલ બ્રહ્માંડની અજાયબ વાતો

૨૯ જુલાઈ ૨૦૨૫

પંચાંગ 29/07/2025

ભારત અને પાકિસ્તાન વચ્ચે કોઈ મધ્યસ્થી નહોતું, એસ.જયશંકરનું મોટું નિવેદન

લોકસભામાં ઓપરેશન સિંદૂર પર ચર્ચા થઈ રહી છે. તેમાં ભાગ લેતા વિદેશ મંત્રી એસ જયશંકરે વિગતવાર માહિતી આપી. તેમણે કહ્યું કે આતંકવાદ સામે અમારી શૂન્ય સહિષ્ણુતા નીતિ છે. અમે યુએનએસસીમાં અમારો મુદ્દો રજૂ કર્યો. દુનિયાને કહ્યું કે આતંકવાદ પર અમારી શૂન્ય સહિષ્ણુતા નીતિ છે. યુએનએસસીએ ભારતનો પક્ષ સ્વીકાર્યો. વિદેશ મંત્રાલયનું કામ પાકિસ્તાનના કાવતરાનો પર્દાફાશ કરવાનું હતું. અમારે ખૂબ જ કડક પગલાં લેવા પડ્યા. પહેલગામ આતંકવાદી હુમલા પછી અમે કડક પગલાં લીધાં. અમે પાકિસ્તાનને દુનિયા સમક્ષ ખુલ્લું પાડ્યું. આ દરમિયાન, તેમણે યુએસ રાષ્ટ્રપતિ ડોનાલ્ડ ટ્રમ્પના યુદ્ધવિરામના દાવાને પણ નકારી કાઢ્યો.

ગૃહમાં બોલતા, વિદેશ મંત્રી એસ જયશંકરે કહ્યું કે, પહેલગામ હુમલા પછી સ્પષ્ટ, મજબૂત અને મક્કમ સંદેશ મોકલવો જરૂરી હતો. અમારે સ્પષ્ટ કરવું પડ્યું કે આના ગંભીર પરિણામો આવશે. પહેલું પગલું એ લેવામાં આવ્યું કે સુરક્ષા પરની કેબિનેટ સમિતિની બેઠક 23 એપ્રિલે યોજાઈ. આ બેઠકમાં 5 નિર્ણયો લેવામાં આવ્યા.

પાકિસ્તાન સરહદ પાર આતંકવાદને ટેકો આપવાનું બંધ ન કરે ત્યાં સુધી 1960 ની સિંધુ જળ સંધિ તાત્કાલિક અસરથી સ્થગિત કરવામાં આવશે.

અટારી ચેકપોસ્ટ તાત્કાલિક અસરથી બંધ કરવાનો નિર્ણય લેવામાં આવ્યો.

SARC વિઝા મુક્તિ યોજના હેઠળ મુસાફરી કરતા પાકિસ્તાની નાગરિકોને હવે આમ કરવાની મંજૂરી આપવામાં આવશે નહીં.

પાકિસ્તાની હાઇ કમિશનના સંરક્ષણ, નૌકાદળ અને હવાઈ સલાહકારોને પર્સોના નોન ગ્રેટા જાહેર કરવામાં આવશે.

હાઇ કમિશનની કુલ સંખ્યા 55 થી ઘટાડીને 30 કરવામાં આવશે.

વિદેશ મંત્રીએ કહ્યું, સુરક્ષા બાબતોની કેબિનેટ સમિતિના પ્રથમ પગલાં પછી પહેલગામ હુમલા પર ભારતનો પ્રતિભાવ અહીં જ અટકશે નહીં તે ખૂબ જ સ્પષ્ટ હતું. રાજદ્વારી અને વિદેશ નીતિના દૃષ્ટિકોણથી અમારું કાર્ય પહેલગામ હુમલાની વૈશ્વિક સમજને આકાર આપવાનું હતું. અમે જે કરવાનો પ્રયાસ કર્યો તે આંતરરાષ્ટ્રીય સમુદાયને પાકિસ્તાન દ્વારા સરહદ પાર આતંકવાદના લાંબા સમયથી થઈ રહેલા ઉપયોગને પ્રકાશિત કરવાનો હતો. અમે સમજાવ્યું કે આ હુમલો કેવી રીતે જમ્મુ અને કાશ્મીરની અર્થવ્યવસ્થાને નિશાન બનાવવા અને ભારતના લોકોમાં સાંપ્રદાયિક વિખવાદ ફેલાવવાનો હતો.

ભારત અને પાકિસ્તાન વચ્ચે કોઈ મધ્યસ્થી નહોતો

વિદેશ મંત્રી જયશંકરે કહ્યું કે, અમેરિકાના ઉપરાષ્ટ્રપતિ જેડી વાન્સે 9 મેના રોજ પીએમ મોદીને ફોન કર્યો હતો. તેમણે કહ્યું હતું કે પાકિસ્તાન મોટા હુમલાની તૈયારી કરી રહ્યું છે. આ અંગે વડાપ્રધાન મોદીએ કહ્યું કે અમે પાકિસ્તાનને યોગ્ય જવાબ આપીશું. ભારતે પાકિસ્તાનને જવાબદારીપૂર્વક જવાબ આપ્યો. આ દરમિયાન વિદેશ મંત્રી જયશંકરે ડોનાલ્ડ ટ્રમ્પના દાવાને ફગાવી દીધો. જયશંકરે કહ્યું કે ભારત અને પાકિસ્તાન વચ્ચે કોઈ મધ્યસ્થી નથી.

1...727728729...5,175Page 728 of 5,175