Home Blog Page 761

ફ્રી મેડિકલ સર્વિસ મુદ્દે HCની પંજાબ, હરિયાણાને ફટકાર

ચંડીગઢઃ પંજાબ અને હરિયાણા હાઈકોર્ટે બુધવારે પંજાબ સરકારને જિલ્લા હોસ્પિટલોને MRI અને સિટી સ્કેન જેવી મૂળભૂત સુવિધાઓથી લેસ કરવામાં નિષ્ફળ જવાને લઈને ફટકાર લગાવી હતી. ખંડપીઠે જણાવ્યું હતું કે મફત સારવાર આપવી રાજ્યની ફરજ છે.

મુખ્ય ન્યાયમૂર્તિ શીલ નાગુ અને ન્યાયમૂર્તિ સંજીવ બેરીની ખંડપીઠે પંજાબ, હરિયાણા અને ચંદીગઢને આદેશ આપ્યો છે કે તેઓ સોગંદનામું ફાઇલ કરીને તંત્રના આરોગ્ય સેવાનાં ધોરણો અને આવશ્યક સાધનો ખરીદવામાં નિષ્ફળતાનાં કારણો જણાવે. કોર્ટ આ સુનાવણી એક જાહેર હિત અરજી (PIL)ના સંદર્ભમાં હતી, જે શરૂઆતમાં પંજાબના મલેરકોટલાના સિવિલ હોસ્પિટલની સ્થિતિને લઈને કરવામાં આવી હતી. ખંડપીઠે આ મુદ્દાને અત્યંત મહત્વપૂર્ણ જાહેર હિતનો મુદ્દો ગણાવી તેનો વ્યાપ વધાર્યો અને હરિયાણા તથા ચંદીગઢને પણ તેમાં સામેલ કર્યાં છે.

મુખ્ય ન્યાયમૂર્તિ નાગૂએ જાહેર સંસ્થાઓની સતત ઘટતી સ્થિતિ તરફ ઇશારો કરતાં કહ્યું હતું કે એક સમય હતો જ્યારે સરકારી શાળાઓમાં ચમક હતી. હવે તો આપણે ખાનગી શાળાઓની પાછળ દોડીએ છીએ.

પંજાબના આરોગ્ય અને પરિવાર કલ્યાણ વિભાગના મુખ્ય સચિવ કુમાર રાહુલએ સોગંદનામામાં જણાવ્યું હતું કે મલેરકોટલા સિવિલ હોસ્પિટલમાં 20 સામાન્ય તબીબોની નિમણૂક કરવામાં આવી છે. તેમાં 11 નવા ડોક્ટરો, 4 જે નિમણૂકની રાહ જોઈ રહ્યા છે અને પાંચ ડોક્ટરો જે ટ્રાન્સફર થયા છે, એમનો સમાવેશ થાય છે. 8 જુલાઈએ આંખના રોગ, રેડિયોલોજી અને પેથોલોજી સહિતના પાંચ નિષ્ણાતોની પણ નિમણૂક કરવામાં આવી હતી. જોકે હંમેશની જેમ સ્ત્રીરોગ તબીબનાં બે પદો ખાલી રહ્યાં છે.

હોસ્પિટલમાં MRI અને સિટી સ્કેન જેવી મહત્વપૂર્ણ મશીનોની અછત હોવાથી ગંભીર દર્દીઓને બીજી હોસ્પિટલમાં રેફર કરવા પડતા હતા, જેને કારણે સારવારમાં વિલંબ થતો હતો.

દેવેન્દ્ર ફડણવીસ અને ઉદ્ધવ ઠાકરેની બંધ બારણે બેઠક

મહારાષ્ટ્રના મુખ્યમંત્રી દેવેન્દ્ર ફડણવીસ અને પૂર્વ મુખ્યમંત્રી ઉદ્ધવ ઠાકરે વચ્ચે બંધ બારણે બેઠક યોજાઈ હતી. આ બેઠક વિધાન પરિષદના અધ્યક્ષ રામ શિંદેના ચેમ્બરમાં થઈ હતી. બંને નેતાઓ સિવાય રૂમમાં બીજું કોઈ હાજર નહોતું. સૂત્રોના જણાવ્યા અનુસાર મુખ્યમંત્રી ફડણવીસ અને ઉદ્ધવ ઠાકરે વચ્ચે લગભગ 10 મિનિટ સુધી બંધ બારણે ચર્ચા થઈ હતી. જોકે, આ બેઠકમાં થયેલી ચર્ચા અંગે હજુ સુધી કોઈ માહિતી જાહેર કરવામાં આવી નથી.

ઠાકરેએ મુખ્યમંત્રી અને વિધાન પરિષદના અધ્યક્ષને પુસ્તક અર્પણ કર્યું

બંધ બારણે યોજાયેલી બેઠક પહેલા ઉદ્ધવ ઠાકરે તેમના ધારાસભ્ય પુત્ર આદિત્ય ઠાકરે સાથે મુખ્યમંત્રી દેવેન્દ્ર ફડણવીસ અને વિધાન પરિષદના અધ્યક્ષ રામ શિંદેને મળ્યા હતા. આ બેઠક દરમિયાન ઉદ્ધવ ઠાકરેએ મુખ્યમંત્રી દેવેન્દ્ર ફડણવીસ અને રામ શિંદેને મરાઠી ભાષા અને હિન્દીની આવશ્યકતાના સંદર્ભમાં વિવિધ સંપાદકો દ્વારા લખાયેલા તંત્રીલેખો અને સ્તંભોનો સંગ્રહ ધરાવતું પુસ્તક અર્પણ કર્યું હતું.

એવું કહેવામાં આવી રહ્યું છે કે ઉદ્ધવ ઠાકરે અને દેવેન્દ્ર ફડણવીસ વચ્ચે વિધાનસભામાં વિરોધ પક્ષના નેતા પદ, ત્રિભાષી સૂત્ર અને હિન્દીની આવશ્યકતા અંગે ચર્ચા થઈ હતી. હિન્દી શા માટે ફરજિયાત છે? આ પુસ્તક ઉદ્ધવ ઠાકરેએ દેવેન્દ્ર ફડણવીસને આપ્યું હતું. દેવેન્દ્ર ફડણવીસે ઉદ્ધવ ઠાકરેને આ પુસ્તક સમિતિના અધ્યક્ષ નરેન્દ્ર જાધવને પણ આપવા કહ્યું હતું.

વિરોધ પક્ષના નેતા પદ પર ચર્ચા

વિધાનસભામાં વિરોધ પક્ષના નેતાનું પદ વિધાનસભા અધ્યક્ષનો અધિકાર છે, પરંતુ વિરોધ પક્ષના નેતાનું પદ હજુ પણ આપવામાં આવી રહ્યું નથી. આ સંદર્ભમાં ઉદ્ધવ ઠાકરે અને આદિત્ય ઠાકરેએ મુખ્યમંત્રી સાથે બેઠકમાં ચર્ચા કરી હતી. આ પ્રસંગે ઠાકરેની શિવસેનાના કેટલાક ધારાસભ્યો પણ હાજર હતા.

ફડણવીસે ગઈકાલે ઉદ્ધવને આ ઓફર આપી હતી

બુધવારે અગાઉ, ફડણવીસે કહ્યું હતું કે ઉદ્ધવ ઠાકરે “અલગ રીતે શાસક પક્ષમાં આવી શકે છે.” મહારાષ્ટ્ર વિધાનસભાને સંબોધતા, મુખ્યમંત્રીએ કહ્યું હતું કે 2029 સુધી ભાજપ માટે વિરોધ પક્ષમાં આવવાનો કોઈ અવકાશ નથી. ફડણવીસે કહ્યું, “ઓછામાં ઓછા 2029 સુધી, અમારા માટે ત્યાં (વિરોધ) આવવાનો કોઈ અવકાશ નથી. ઉદ્ધવ જી આ બાજુ (શાસક પક્ષ) આવવાની શક્યતા વિશે વિચારી શકે છે અને તેનો અલગ રીતે વિચાર કરી શકાય છે, પરંતુ અમારા માટે ત્યાં (વિરોધ) આવવાનો કોઈ અવકાશ નથી.”

તમને જણાવી દઈએ કે શિવસેના અને ભાજપ વચ્ચે ગઠબંધન 2019 સુધી હતું પરંતુ ચૂંટણી જીત્યા પછી, બંને પક્ષો વચ્ચે મુખ્યમંત્રી પદને લઈને મતભેદો થયા અને બંને પક્ષો વચ્ચેનું ગઠબંધન તૂટી ગયું. ઉદ્ધવે ભાજપ છોડીને કોંગ્રેસ સાથે હાથ મિલાવીને સરકાર બનાવી.

200 વર્ષ જૂના વડલા પર, તલાવડી કિનારે, લીલોતરીમાં બેસીને વાંચન કરો!

અમદાવાદ: શહેરની વચ્ચોવચ્ચ તમને એક એવું શાળાનું કેમ્પસ મળે, જેમાં 28 એકરમાં જ્યાં જુઓ ત્યાં બસ લીલોતરી જ જોવા મળે. કેમ્પસમાં પ્રવેશતાની સાથે જ તમે એક અલગ દુનિયામાં પહોંચી ગયા હો તેવી અનુભૂતિ થાય. બેગ્રાઉન્ડમાં મોરના ટહુકા અને અનેક પક્ષીઓનો કલરવ સાંભળવા મળે.

હવે આવા સુંદર વાતાવરણમાં બેસીને તમને તમારું મનગમતું પુસ્તક વાંચવા મળે તો?સાયન્ટિસ્ટ ડૉ.વિક્રમ સારાભાઈના બહેન લીનાબેન સારાભાઈએ સ્થાપેલા શ્રેયસ ફાઉન્ડેશનના કેમ્પસમાં ગાંધી, ટાગોર અને મોન્ટેસરી વિચારો અને તેમની પદ્ધતિઓ દરેક ખૂણે જોવા મળે છે. આ જ શ્રેયસ ફાઉન્ડેશનમાં હવે ‘વાંચીએ-વિસ્તરીએ ‘ઈનિશિએટિવનો પ્રારંભ થયો છે. વિદ્યાર્થીઓ તેમજ વાલીઓમાં સ્ક્રીનટાઈમ ઘટે અને વાંચનની આદત કેળવાય તે માટે આ પહેલ શરૂ કરવામાં આવી છે. આ પહેલમાં બાળકો અને વાલીઓ દર શનિવારે પરિસરમાં વટગૃહ, ટ્રીહાઉસ, તલાવડી, ચબૂતરા પાસે, શાંત શ્રીરંગમ એમ્ફિથિયેટર, શીતળ છાંયાવાળો વડલો અને શ્રેયોભારતી ગ્રંથાલયમાં બેસી વાંચી શકે છે. સ્કૂલનાં શ્રેયોભારતી પુસ્તકાલયમાંથી પુસ્તકો વાંચવા માટે લઈ શકાય છે અને કેમ્પસમાં બેસીને વાંચવાનો નવતર અનુભવ મેળવી શકાય છે. સંતાનો સાથે પેરેન્ટ્સની સહભાગીતા સાથે સમગ્ર પરિવારમાં રીડિંગ હેબિટ કેળવાય તે માટે આ પ્રયાસ કરાયો છે.

શ્રેયસ પરિવારના વિદ્યાર્થીઓ, કાર્યકરો, વાલીગણ અને પૂર્વ વિદ્યાર્થીઓ માટે વાંચનની આદત વિકસે તે માટે આ પહેલ શરૂ કરવામાં આવી છે. શ્રેયસમાં હવે તેઓ દર શનિવારે સવારે ૮.૩૦ થી ૨.૩૦ સુધીમાં ગમે ત્યારે એક કલાક મનગમતી જગ્યાએ વાંચન કરી શકશે. જે ઓપન ફોર ઓલ રહેશે. અહીં દરેકને આવકાર છે કે, આવે અને એક પુસ્તક ઉઠાવે અને પોતાની અંદર ઉતારે.

શ્રેયસ ફાઉન્ડેશનના સચિવ યોગેશ થાનકી જણાવે છે કે, “શ્રેયસ ફાઉન્ડેશનના મેનેજિંગ ટ્રસ્ટી, અભય મંગલદાસ આ અભિયાન ‘વાંચીએ-વિસ્તરીએ’ ના પ્રેરકબળ છે. શ્રેયોભારતી ગ્રંથાલયનો પ્રયાસ છે કે શહેરમાં રીડિંગ કલ્ચર ડેવલપ થાય. જેના માટે કેમ્પસને વાંચન પ્રેમી માટે ખુલ્લુ મૂક્યું છે. અમે આ નવતર પ્રયોગ 1લી માર્ચ, 2025થી શરૂ કર્યો છે. જેમાં પ્રથમ શનિવારે 20 વિદ્યાર્થી અને 5 વાલી તેમજ કેમ્પસના કેટલાંક કાર્યકરો જોડાયા હતા. ધીમે-ધીમે લોકો વધતા ગયા. લાસ્ટ શનિવારે 175 લોકો આ પ્રયોગમાં અમારી સાથે જોડાયા હતાં. અમે ગાંધીજીનાં નવજીવનમાં રવિવારે રીડિંગ ક્લબ પરથી પ્રેરિત થઈ આ પ્રકલ્પ શરૂ કર્યો છે. તેને વધુમાં-વધુ લોકો સુધી પહોંચાડવાનો પ્રયત્ન કરી રહ્યા છીએ.”

 

View this post on Instagram

 

A post shared by Chitralekha (@chitralekha.in)

આજે જ્યારે બધું ઝડપથી બદલાઈ રહેલું છે, ત્યારે શ્રેયસના આ લીલાછમ પરિસરમાં વાંચનની મૌન પળો સંવેદનાનું સંગીત વગાડે છે. અહીં મોકળા મને બેસીને તમે તમારું મનગમતું પુસ્તક વાંચો છે, ત્યારે તે પુસ્તકનો એકે-એક શબ્દ ન માત્ર તમારી સ્મૃતિમાં પરંતુ તમારા ઝહનમાં ઉતરી જાય છે.

(રાધિકા રાઓલ – અમદાવાદ)

મની લોન્ડરિંગ કેસમાં રોબર્ટ વાડ્રા સહિત 11 લોકો સામે ચાર્જશીટ દાખલ

નવી દિલ્હીઃ ED કોંગ્રેસના મહાસચિવ પ્રિયંકા ગાંધી વાડ્રાના પતિ રોબર્ટ વાડ્રા વિરુદ્ધ મની લોન્ડરિંગ સંબંધિત એક કેસમાં ચાર્જશીટ દાખલ કરી છે. આ ચાર્જશીટમાં ED એ રોબર્ટ વાડ્રા સહિત 11 લોકોને આરોપી બનાવ્યા છે.

શું છે શિકોહપુર લેન્ડ સ્કેમ?

વર્ષ 2008માં રોબર્ટ વાડ્રાની કંપની સ્કાય લાઈટ હોસ્પિટાલિટી પ્રાઈવેટ લિમિટેડે ગુરુગ્રામ (પહેલાં ગુડગાંવ)ના શિકોહપુર ગામમાં આશરે 3.53 એકર જમીન રૂ. 7.5 કરોડમાં ખરીદી હતી. તે સમયે હરિયાણા રાજ્યના CM ભૂપેન્દ્રસિંહ હુડ્ડા હતા. આ જમીન પર કોમર્શિયલ કોલોની વિકાસનું લાયસન્સ મળ્યું, પણ કંપનીએ એને ડેવલપ કર્યો નહોતો. સપ્ટેમ્બર, 2012માં આ જમીન લગભગ રૂ. 58 કરોડમાં રિયલ એસ્ટેટ કંપની DLF ને વેચી દેવામાં આવી.

ગુરુગ્રામ પોલીસે 1 સપ્ટેમ્બર 2018એ FIR નંબર 288 હેઠળ કેસ નોંધ્યો હતો, જેમાં આરોપ લગાવાયો હતો કે રોબર્ટ વાડ્રાએ 3.53 એકર જમીન છેતરપિંડીથી ખરીદી હતી. આ જમીન તેમણે ઓમકારેશ્વર પ્રોપર્ટીઝ પ્રાઈવેટ લિમિટેડ પાસેથી 12 ફેબ્રુઆરી 2008એ ખરીદી હતી અને તેમાં ખોટા દસ્તાવેજો રજૂ કરવાના આરોપ છે.

શું છે આરોપ?

આરોપ છે કે જમીન ઓછી કિંમતમાં ખરીદીને વધુ નફો રળવામાં આવ્યો અને તેનો ઉપયોગ મની લોન્ડરિંગ માટે થયો. ફરિયાદી સુરેન્દ્ર શર્માએ ખેરકી દૌલા પોલીસ સ્ટેશનમાં 2018ના સપ્ટેમ્બરમાં IPC કલમ 420 અને 467 હેઠળ છેતરપિંડી અને દસ્તાવેજોમાં ખોટાભર્યા આરોપોની ફરિયાદ નોંધાવી હતી.હવે આ કેસમાં ED એ 16 જુલાઈ 2025ના રોજ રોબર્ટ વાડ્રા અને તેમની કંપનીઓ જેવી કે સ્કાય લાઈટ હોસ્પિટાલિટી પ્રાઈવેટ લિમિટેડની કુલ 43 સ્થાવર મિલકતો (અંદાજિત કિંમત રૂ. 37.64 કરોડ)ને અસ્થાયી રીતે અટેચ કરી છે.

તે બાદ 17 જુલાઈ 2025એ નવી દિલ્હીની રાઉઝ એવન્યુ કોર્ટમાં 11 લોકો/સંસ્થાઓ સામે ચાર્જશીટ દાખલ કરવામાં આવી છે. જેમાં રોબર્ટ વાડ્રા, તેમની કંપનીઓ, સત્યાનંદ યાદી, કેવલસિંહ વિરક અને તેમની કંપની ઓમકારેશ્વર પ્રોપર્ટીઝ પ્રાઈવેટ લિમિટેડનાં નામ સામેલ છે.

કિરણ ખેર પહેલા આ અભિનેત્રી સાથે થયા હતા અનુપમ ખેરના લગ્ન

અનુપમ ખેર બોલીવુડના જાણીતા અભિનેતા છે.મોટાભાગના લોકો તેમની પત્ની કિરણ ખેરને તેમના જીવનસાથી તરીકે જાણે છે, પરંતુ અભિનેત્રી કિરણ ખેર પહેલાં, અભિનેતાએ કોઈ બીજાનો હાથ પકડ્યો હતો. આ સંબંધ અધવચ્ચે જ છોડી દેવામાં આવ્યો હતો અને બંને અલગ અલગ રસ્તાઓ પર આગળ વધ્યા હતા. એવામાં પ્રશ્નો એ ઉભો થાય કે તેમના પહેલા જીવનસાથી કોણ હતા?

બહુ ઓછા લોકો જાણે છે કે કિરણ ખેર પહેલા અનુપમ ખેરના પહેલા લગ્ન અભિનેત્રી મધુમાલતી કપૂર સાથે થયા હતા. અનુપમ ખેર અને મધુમાલતી કપૂર એક જ કોલેજમાં થિયેટરનો અભ્યાસ કરતા હતા ત્યારે મળ્યા હતા. કોલેજના દિવસોમાં બંને વચ્ચે ગાઢ મિત્રતા બંધાઈ હતી, જે સમય જતાં સંબંધમાં ફેરવાઈ ગઈ. 1979માં બંનેના પરિવારની સંમતિથી તેમના લગ્ન થયા. તે સમયે બંને ખૂબ જ પ્રેમમાં હતા અને કોઈને ખબર નહોતી કે આ સંબંધની કોઈ સમાપ્તિ તારીખ છે.

જોકે, આ લગ્ન લાંબા સમય સુધી ટકી શક્યા નહીં. થોડા વર્ષો પછી બંને વચ્ચે અંતર આવવા લાગ્યું અને અંતે તેમણે છૂટાછેડા લેવાનો નિર્ણય લીધો. એવું કહેવાય છે કે અનુપમ ખેર તે સમયે લગ્ન માટે તૈયાર નહોતા, પરંતુ પરિવારના દબાણને કારણે તેમણે લગ્ન કરી લીધા, જે વધુ ટકી શક્યા નહીં અને તેમણે અલગ થવાનો અને અલગ અલગ રસ્તા પસંદ કરવાનો નિર્ણય લીધો. અનુપમ ખેરથી અલગ થયા પછી, મધુમાલતીએ જાણીતા લેખક અને દિગ્દર્શક રણજીત કપૂર સાથે લગ્ન કર્યા, પરંતુ આ સંબંધ પણ લાંબો સમય ટકી શક્યો નહીં અને બંનેએ અલગ થવાનો નિર્ણય લીધો. ત્યારથી મધુમાલતી કપૂર એકલા રહે છે અને પોતાના કામમાં સક્રિય રહે છે. મધુમાલતી લાઈમલાઈટ અને સોશિયલ મીડિયાની દુનિયાથી ઘણા દૂર છે.

મધુમાલતી કપૂર હિન્દી અને પંજાબી ફિલ્મોના અનુભવી અભિનેત્રી છે. તેણીએ માત્ર ઘણી લોકપ્રિય બોલિવૂડ ફિલ્મોમાં જ કામ કર્યું નથી, પરંતુ પંજાબી સિનેમા અને ટેલિવિઝનની દુનિયામાં પણ કર્યુ છે. તેણીને ખરી ઓળખ દિગ્દર્શક અનિલ શર્માની બ્લોકબસ્ટર ફિલ્મ ‘ગદર: એક પ્રેમ કથા’ (2001) થી મળી, જેમાં તેણીએ સની દેઓલની ‘બડી મા’નું પાત્ર ભજવ્યું હતું. આ ફિલ્મ પછી તેણી ઉદ્યોગમાં વધુ લોકપ્રિય બની.

ફિલ્મો અને સિરિયલોમાં કામ કર્યું

‘ગદર’ પછી, મધુમાલતીને ઘણી ફિલ્મો અને ટેલિવિઝન શોમાં કામ કરવાની તક મળી. તેણીએ ‘રજની એસાયલમ’, ‘દેશ હો યા પરદેશ’, ‘મિની પંજાબ’, ‘દે દે પ્યાર દે’, ‘એક લડકી કો દેખા તો ઐસા લગા’, ‘હમસફર’, ‘સોનુ કે ટીટુ કી સ્વીટી’ જેવી ફિલ્મોમાં ઉત્તમ અભિનય આપ્યો. છેલ્લા કેટલાક વર્ષોમાં મધુમાલતી કપૂર પડદા પર જોવા મળ્યા છે. તેણીની છેલ્લી ફિલ્મ ‘બ્રહ્માસ્ત્ર: પાર્ટ વન’ હતી, જેમાં તેણીએ એક નાની પણ મહત્વપૂર્ણ ભૂમિકા ભજવી હતી.

આંદામાનમાં મોટાં ઓઇલ ક્ષેત્રો મળવાની અપેક્ષા : હરદીપ પુરી

નવી દિલ્હીઃ કેન્દ્રીય પેટ્રોલિયમ અને કુદરતી ગેસ મંત્રી હરદીપસિંહ પુરીએ ગુરુવારે કહ્યું હતું કે દેશમાં હાઈડ્રોકાર્બન એક્સપ્લોરેશનના નવા તબક્કામાં ગુયાનાં જેટલાં મોટાં ઘણાં ઓઇલ ક્ષેત્રો મળવાની અપેક્ષા છે. તેમણે ‘ઊર્જા વાર્તા 2025’ કાર્યક્રમમાં કહ્યું હતું કે અમે ઓપન એક્રેજ લાયસન્સિંગ પોલિસી (OLAP) રાઉન્ડ-10 હેઠળ 2,00,000 ચોરસ કિમીથી વધુ વિસ્તારમાં વધુ હાઈડ્રોકાર્બન ખોદકામ અને એક્સપ્લોર કરવાનું આયોજન કરીએ છીએ. અમારું લક્ષ્ય 2025 સુધીમાં એક્સપ્લોરેશન ક્ષેત્રને 5 લાખ ચોરસ કિમી અને 2030 સુધીમાં 10 લાખ ચોરસ કિમી સુધી વિસ્તૃત કરવાનું છે. મને પૂરો વિશ્વાસ છે કે ખાસ કરીને આંદામાન સાગરમાં અમને ગુયાનાં જેટલાં ઘણાં મોટાં તેલ ક્ષેત્રો મળશે.

તેમણે વધુમાં કહ્યું હતું કે અમે એક્સપ્લોરર્સ માટે ઉચ્ચ ગુણવત્તાવાળા ડેટાની ઉપલબ્ધતા, નાણાકીય પ્રોત્સાહન, સ્થિર નિયમનાત્મક માળખું, રોકાણને જોખમમુક્ત બનાવવા અને ઇઝ ઓફ ડુઇંગ બિઝનેસ જેવા મુદ્દાઓ પર કામ કરી રહ્યા છીએ, જેથી ભારતને ઓઈલ એન્ડ ગેસ એક્સપ્લોરેશન અને પ્રોડક્શન (E&P) માટે વૈશ્વિક નેતા બનાવી શકાય.

તેમણે જણાવ્યું હતું કે ‘ઊર્જા વાર્તા 2025’ હેઠળ આયોજિત ‘મંચ મંત્રી કા’ કાર્યક્રમમાં તેમની ઉત્સાહવર્ધક ચર્ચા થઈ. આ એક અનોખું પ્લેટફોર્મ હતું, જ્યાં ભારતના ઊર્જા ક્ષેત્રના અગ્રણી, પેટ્રોલિયમ મંત્રાલયના અધિકારીઓ, ઊર્જા વ્યાવસાયિકો અને વડાપ્રધાન નરેન્દ્ર મોદીના નેતૃત્વ હેઠળ ઊર્જા સુરક્ષા અને ગ્રીન ઊર્જા પરિવર્તન માટેની ભારતની યાત્રાના હિતધારકો એકઠા થયા હતા.

તેમણે ઉમેર્યું હતું કે વિશ્વના ઘણા ભાગોમાં ભૂ-રાજકીય તણાવ હોવા છતાં, ભારતમાં ઊર્જા અંગેના ત્રણ મોટા પડકારો – ઉપલબ્ધતા, યોગ્ય કિંમત અને સ્થિરતા –નો સફળતાપૂર્વક સામનો કર્યો છે. તેમણે જણાવ્યું હતું કે દેશના નાગરિકોની ઊર્જા જરૂરિયાતો સરકાર માટે પ્રાથમિકતા છે અને તેલ તથા ગેસ આયાત કરનારા દેશોનો વ્યાપ પણ વધુ વિસ્તૃત થયો છે.

સોનાની દાણચોરીના કેસમાં અભિનેત્રીને 1 વર્ષની જેલની સજા

કન્નડ અભિનેત્રી રાન્યા રાવને સોનાની દાણચોરીના કેસમાં એક વર્ષની જેલની સજા ફટકારવામાં આવી છે. ફોરેન એક્સચેન્જ કન્ઝર્વેશન એન્ડ સ્મગલિંગ પ્રિવેન્શન એક્ટ (COFEPOSA) એડવાઇઝરી બોર્ડે આ આદેશ પસાર કર્યો છે, જેમાં રાન્યા રાવ સાથે અન્ય બે આરોપીઓનો પણ સમાવેશ થાય છે. આદેશ મુજબ, ત્રણેયને એક વર્ષની જેલની સજા દરમિયાન જામીન માટે અરજી કરવાના અધિકારથી વંચિત રાખવામાં આવ્યા છે. એટલે કે, સમગ્ર સજા દરમિયાન તેમાંથી કોઈ પણ જામીન માટે અરજી કરી શકશે નહીં.

રાન્યા ફિલ્મ ‘માણિક્ય’માં કન્નડ સુપરસ્ટાર સુદીપ સાથેની ભૂમિકા માટે જાણીતી છે. તેણીએ દક્ષિણ ભારતીય ફિલ્મોમાં પણ કામ કર્યું છે. રાન્યા રાવને આ વર્ષે 3 માર્ચે બેંગલુરુના કેમ્પેગૌડા આંતરરાષ્ટ્રીય એરપોર્ટ પર 14.8 કિલો સોના સાથે ડિરેક્ટોરેટ ઓફ રેવન્યુ ઇન્ટેલિજન્સ (DRI) દ્વારા ધરપકડ કરવામાં આવી હતી. રાણ્યા વારંવાર આંતરરાષ્ટ્રીય પ્રવાસોને કારણે DRI ની દેખરેખ હેઠળ હતી. 3 માર્ચની રાત્રે જ્યારે તેની ધરપકડ કરવામાં આવી ત્યારે તે દુબઈથી અમીરાતની ફ્લાઇટ દ્વારા બેંગલુરુ પહોંચી હતી.

ડીઆરઆઈ અધિકારીઓએ કહ્યું હતું કે અભિનેત્રી રાણ્યા રાવે તેના શરીર પર મોટાભાગનું સોનું પહેર્યું હતું, અને તેણે તેના કપડાંમાં સોનાના લગડા પણ છુપાવ્યા હતા. રાણ્યાના સાવકા પિતા રામચંદ્ર રાવ એક વરિષ્ઠ આઈપીએસ અધિકારી છે. ડીઆરઆઈએ કહ્યું હતું કે એરપોર્ટ પહોંચતા જ રાણ્યા પોતાને એક આઈપીએસ અધિકારીની પુત્રી તરીકે ઓળખાવતી હતી અને સ્થાનિક પોલીસ કર્મચારીઓને ઘરે મૂકવા માટે ફોન કરતી હતી.

કોરોના રેમડીઝે કાર્ડિયોલોજી, હેલ્થકેરની સાત બ્રાન્ડ્સ હસ્તગત કરી

અમદાવાદઃ કોરોના રેમેડીઝે આજે ભારતમાં બેયરના ફાર્માસ્યુટિકલ વિભાગ પાસેથી સાત બ્રાન્ડ્સના સંપાદનની જાહેરાત કરી છે. 16 જુલાઈ, 2025થી અમલમાં આવેલા આ સંપાદનમાં ભારતીય બજાર માટે કાર્ડિયોલોજી સેગમેન્ટ (NOKLOT) અને મહિલા હેલ્થકેર પોર્ટફોલિયો (FOSTINE, LUPROFACT, MENODAC, OVIDAC, SPYE અને VAGESTON)ની અંદર અનેક બ્રાન્ડ્સનો સમાવેશ થાય છે. આ વ્યૂહાત્મક પગલું કાર્ડિયોલોજી અને મહિલા હેલ્થકેર જેવાં બંને ક્ષેત્રોમાં કોરોના રેમડીઝની સ્થિતિને મજબૂત બનાવે છે. આ ઉત્પાદનો આગળ જતાં કંપનીના સંચાલન હેઠળ વૃદ્ધિને ઓફર કરે છે.

આ હસ્તગત કરવામાં આવેલી આ બ્રાન્ડ્સને તેના પોર્ટફોલિયોમાં એકીકૃત કરવાથી કોરોના રેમડીઝે એન્ટિ-પ્લેટલેટ માર્કેટમાં પ્રવેશ કર્યો છે, આઠ ટકાના વૃદ્ધિ દર સાથે જેનું મૂલ્ય રૂપિયા 1507 કરોડ છે. વધુમાં, તેનો ઉદ્દેશ ગોનાડોટ્રોફિન અને પ્રોજેસ્ટેરોન હોર્મોન માર્કેટમાં તેની હાજરીને વધારીને મહિલા હેલ્થકેરમાં કંપનીના પોર્ટફોલિયોને મજબૂત બનાવવાનો છે, MAT જૂન 2025 સુધી જેનું કદ રૂપિયા 1862 કરોડ છે. આ પોર્ટફોલિયોનો ઉપયોગ મુખ્યત્વે ઈનફર્ટિલિટીની સારવાર અને ગર્ભાવસ્થાના વ્યવસ્થાપન માટે થાય છે.

કંપનીની સેલ્સ અને માર્કેટિંગ ટીમ અને વ્યાપક વિતરણ નેટવર્ક એ સુનિશ્ચિત કરવા માટે કાર્ય કરશે કે આ નવો હસ્તગત કરવામાં આવેલો પોર્ટફોલિયો મેટ્રો, સેમી-મેટ્રો, શહેરી, અર્ધ-શહેરી અને ગ્રામીણ વિસ્તારોમાં દર્દીઓ સુધી પહોંચે. આ બ્રાન્ડ્સના સંપાદનથી કોરોના રેમડીઝની બજારમાં હાજરી વધવાની અને તેના પોર્ટફોલિયોનું વિસ્તરણ થવાની અપેક્ષા છે. આ સોદા માટે GCV લાઇફે સલાહકાર તરીકે ભૂમિકા ભજવી હતી.

બીચ પર પતિ નિક સાથે મસ્તી કરતી જોવા મળી પ્રિયંકા, જુઓ વીડિયો

નિક જોનાસ અને પ્રિયંકા ચોપરા સોશિયલ મીડિયા પર ખૂબ જ એક્ટિવ છે અને તેમની રોમેન્ટિક કેમેસ્ટ્રી પણ સોશિયલ મીડિયા પર જોવા મળે છે. આ કપલ લોકોનું પ્રિય કપલ છે, જ્યારે પણ તેમના રોમેન્ટિક પળો લોકોની સામે આવે છે, ત્યારે તે વાયરલ થઈ જાય છે અને આ વખતે પણ એવું જ બન્યું છે.

નિક અને પ્રિયંકાએ એક વીડિયો શેર કર્યો છે, જેમાં બંને રોમેન્ટિક અંદાજમાં જોવા મળે છે. આ વીડિયો સોશિયલ મીડિયા પર ધૂમ મચાવી રહ્યો છે. આ વીડિયો નિક જોનાસે શેર કર્યો છે. આ વીડિયોમાં બંનેનો પ્રેમ, રોમાંસ અને રમતિયાળ અંદાજ જોઈ શકાય છે. વીડિયો જોયા પછી લોકો ઘણી પ્રતિક્રિયાઓ આપી રહ્યા છે.

 

View this post on Instagram

 

A post shared by Chitralekha (@chitralekha.in)

આ ક્લિપમાં પ્રિયંકા સુંદર બીચ વેકેશન માણતી જોવા મળે છે. બંને એકબીજાને કિસ કરતા જોવા મળે છે, જેના કારણે ચાહકો તેમની કેમેસ્ટ્રીથી પ્રેમમાં પડી રહ્યા છે. જોનાસ બ્રધર્સના નવા ગીતનું પ્રમોશન કરતા 32 વર્ષીય ગાયકે ઇન્સ્ટાગ્રામ પર એક વીડિયો શેર કર્યો છે, જેમાં તે અને 42 વર્ષીય પ્રિયંકા બીચ પર પ્રેમનો આનંદ માણતા જોવા મળે છે. આ વીડિયો જોનાસ બ્રધર્સના નવા ટ્રેક ‘આઈ કાન્ટ લૂઝ’ ની ધૂન પર બનાવવામાં આવ્યો છે.

લોકોની પ્રતિક્રિયા

તેઓ પહેલા રેતી પર એકલા ઉભા જોવા મળે છે. જેમ જેમ સંગીત વધુ જોરથી વાગે છે, પ્રિયંકા ઝડપથી સ્વિમસ્યુટમાં ફ્રેમમાં આવે છે અને નિકને ભેટી પડે છે. પછી બંને એકબીજાને પ્રેમથી કિસ કરે છે. અંતે, તેઓ સાથે હસતા પણ જોવા મળે છે. નિકે બુધવારે પોસ્ટ કરેલા વિડિયો સાથેના કેપ્શનમાં લખ્યું,’આઈ કાન્સ લુઝ.’ હવે આના પર લોકોની પ્રતિક્રિયાઓ આવી રહી છે. એકે કહ્યું,’આ ખૂબ જ સુંદર છે.’ બીજાએ તેમને કહ્યું,’દુનિયાના સૌથી સુંદર યુગલોમાંથી એક.’ કોઈએ લખ્યું, ‘આપણે બધા આ પ્રકારનો પ્રેમ ઇચ્છીએ છીએ.’ બીજી ટિપ્પણીમાં લખ્યું, ‘નિક જીજુએ મર્યાદા ઓળંગી દીધી છે.’

 

બીએપીએસના સંત ડો. જ્ઞાનવત્સલ સ્વામીજીનું ઉત્તર અમેરિકામાં બહુમાન

છેલ્લા ત્રણ દાયકાથી વધુ સમયથી દેશ-વિદેશમાં પોતાના ૧૫,૦૦૦થી વધુ પ્રેરણાદાયી પ્રવચનો દ્વારા સમાજને, ખાસ કરીને યુવા વર્ગને, આધ્યાત્મિકતા દ્વારા માનસિક શાંતિ પ્રદાન કરનાર બીએપીએસ સંસ્થાના વિદ્વાન સંત ડો. જ્ઞાનવત્સલ સ્વામીનું ઉત્તર અમેરિકામાં બહુમાન કરવામાં આવ્યું છે.

છેલ્લા પાંચ અઠવાડિયા દરમિયાન કેનેડા અને અમેરિકાના વિવિધ રાજ્યો, પ્રાંતો અને નગરોમાં તેમનું સન્માન થયું છે. કેનેડાના ઓન્ટારિયો, ઍડમંટન, આલ્બર્ટા, કેલગરી અને તાજેતરમાં અમેરિકાના ઓહાયો રાજ્યના ગવર્નર દ્વારા પણ તેમને પ્રશસ્તિપત્રો સાથે બહુમાન કરવામાં આવ્યું.

વિદેશની ધરતી પર વિદેશના પદાધિકારીઓ દ્વારા એક સંતનું આ બહુમાન સમગ્ર રાષ્ટ્ર અને ગુજરાત માટે ગૌરવની વાત છે.

ડો. જ્ઞાનવત્સલ સ્વામી વડોદરા સ્થિત અટલાદરા બીએપીએસ શ્રી સ્વામિનારાયણ મંદિર ખાતે રહીને મહંત સ્વામી મહારાજની આજ્ઞાથી સમાજ ઉપયોગી સેવાઓ કરે છે. આ પ્રસંગ સમગ્ર સંત સમાજ અને વડોદરા માટે અત્યંત ગૌરવપૂર્ણ છે.

1...760761762...5,178Page 761 of 5,178