Home Blog Page 954

કેદારનાથ ધામમાં શ્રદ્ધાળુઓનો મહેર, એક દિવસમાં 30,154 ભક્તોએ કર્યા દર્શન

ઉત્તરાખંડના કેદારનાથ ધામમાં 2 મે, 2025ના રોજ બાબા કેદારના દર્શન માટે શ્રદ્ધાળુઓની અપાર ભીડ ઉમટી હતી. યાત્રા કંટ્રોલ રૂમ, રુદ્રપ્રયાગના આંકડા અનુસાર, આ દિવસે સાંજે 7 વાગ્યા સુધીમાં 30,154 ભક્તોએ મંદિરના દર્શન કર્યા, જેમાં 19,196 પુરુષ, 10,597 મહિલાઓ અને 361 બાળકો સામેલ હતા. નોંધનીય છે કે આ દિવસે કોઈ વિદેશી શ્રદ્ધાળુ આવ્યા ન હતા. આ સંખ્યા ચાર ધામ યાત્રા પ્રત્યે વધતી શ્રદ્ધાને રેખાંકિત કરે છે. બીજી તરફ, યમુનોત્રીમાં 112 અને ગંગોત્રીમાં 7,408 શ્રદ્ધાળુઓએ દર્શન કર્યા હતા.

કેદારનાથ મંદિરના કપાટ 2 મેના રોજ સવારે 7 વાગ્યે શિવભક્તોના જયઘોષ વચ્ચે ખોલવામાં આવ્યા હતા. બદ્રીનાથ-કેદારનાથ મંદિર સમિતિ (BKTC) અનુસાર, 11,000 ફૂટની ઊંચાઈએ આવેલા આ જ્યોતિર્લિંગને 108 ક્વિન્ટલ ફૂલોથી સજાવાયું હતું, જેમાં નેપાળ, થાઈલેન્ડ અને શ્રીલંકાથી આયાત કરેલા 54 પ્રકારના ફૂલોનો સમાવેશ થાય છે. આ પ્રસંગે મુખ્યમંત્રી પુષ્કર સિંહ ધામીએ પૂજા-અર્ચના કરીને રાજ્યની સમૃદ્ધિની પ્રાર્થના કરી હતી.

BKTCના મીડિયા ઈન્ચાર્જ હરીશ ગૌરે જણાવ્યું કે, કપાટ ખોલવાની વિધિ સવારે 5 વાગ્યે શરૂ થઈ, જેમાં મુખ્ય પૂજારી ભીમાશંકર લિંગ, પૂજારી બગેશ લિંગ અને અન્ય આચાર્યો સામેલ થયા. આ વખતે શ્રદ્ધાળુઓ માટે મંદાકિની અને સરસ્વતી નદીના સંગમ પર વારાણસીની ગંગા આરતીની જેમ ભવ્ય આરતીનું આયોજન કરાયું છે. ગયા વર્ષે પણ કેદારનાથમાં લાખો ભક્તોએ દર્શન કર્યા હતા, અને આ વર્ષે આ સંખ્યા વધવાની શક્યતા છે.

ભારતીય સેના ખરીદશે શોર્ટ રેન્જ એર ડિફેન્સ સિસ્ટમ, દૂશ્મનોની ખેર નથી

ભારતીય સેનાએ દુશ્મન વિમાન, હેલિકોપ્ટર અને ડ્રોનને તોડી પાડવા માટે નવી પેઢીની વેરી શોર્ટ રેન્જ એર ડિફેન્સ સિસ્ટમ્સ ખરીદવાની પ્રક્રિયા શરૂ કરી છે. ટૂંકા અંતરની હવાઈ સંરક્ષણ પ્રણાલીઓથી છોડવામાં આવતી મિસાઇલો ટૂંકી રેન્જ ધરાવે છે અને તે દુશ્મનના વિમાનને ચોકસાઈથી તોડી પાડી શકે છે.

આ સંરક્ષણ ખરીદી સરહદી વિસ્તારો અને ફ્રન્ટલાઈનમાં ખતરાઓનો સામનો કરવા માટે સેનાની ક્ષમતામાં વધારો કરશે. આ પ્રક્રિયામાં 48 લોન્ચર, 85 મિસાઇલ અને અન્ય જરૂરી સાધનોનો સમાવેશ થશે, જે ‘મેક ઇન ઇન્ડિયા’ હેઠળ ખરીદવામાં આવશે. આ ખરીદીઓ વિશેની માહિતી આર્મી એર ડિફેન્સ ડિરેક્ટોરેટના દસ્તાવેજોમાં “ખરીદો (ભારતીય)” શ્રેણીમાં આપવામાં આવી છે.

આ ખરીદીઓનું આયોજન DAP 2020 માં કરવામાં આવ્યું હતું

ડિફેન્સ એક્વિઝિશન પ્રોસિજર (DAP) 2020 મુજબ, સેનાએ 48 લોન્ચર, 48 નાઇટ વિઝન સાઇટ્સ, 85 મિસાઇલ અને એક મિસાઇલ ટેસ્ટ સ્ટેશન ખરીદવાની યોજના બનાવી હતી. આ પગલું દેશના સંરક્ષણ ઉત્પાદનને વેગ આપવા માટેની સરકારની નીતિઓ સાથે સુસંગત છે, જે ભારતીય સંરક્ષણ બજારને મજબૂત બનાવશે.

આ સૂચનો સ્થાનિક વિક્રેતાઓને આપવામાં આવ્યા છે

સ્થાનિક ભાગીદારીને પ્રોત્સાહન આપવા માટે, આ RFP માં એવું નક્કી કરવામાં આવ્યું છે કે વિક્રેતાઓએ સ્થાનિક રીતે ડિઝાઇન કરેલી સિસ્ટમોમાં ઓછામાં ઓછા 50% સ્વદેશી સાધનોનો ઉપયોગ કરવો પડશે અને ભારતમાં ઉત્પાદિત વિદેશી ડિઝાઇન કરેલી સિસ્ટમોના કિસ્સામાં 60% સ્વદેશી સાધનોનો ઉપયોગ કરવો પડશે.

ખરીદી પ્રક્રિયા ઓપન ટેન્ડર ઇન્ક્વાયરી દ્વારા કરવામાં આવશે

ખરીદી પ્રક્રિયા ઓપન ટેન્ડર ઇન્ક્વાયરી દ્વારા કરવામાં આવી રહી છે. વિક્રેતાઓએ સંમત સ્થાન પર તેમની સિસ્ટમની સંપૂર્ણ ક્ષમતાઓ દર્શાવવી આવશ્યક છે. આ પ્રદર્શનો ‘નો કોસ્ટ નો કમિટમેન્ટ’ ના ધોરણે હાથ ધરવામાં આવશે અને ભારતીય સેના અને સંરક્ષણ મંત્રાલયના સભ્યોની બનેલી સશક્ત સમિતિ દ્વારા તેનું મૂલ્યાંકન કરવામાં આવશે.

પહેલગામ હુમલા બાદ પહેલી વખત ઓમર અબ્દુલ્લાની વડાપ્રધાન સાથે બેઠક

જમ્મુ અને કાશ્મીરના મુખ્યમંત્રી ઓમર અબ્દુલ્લાએ શનિવારે દિલ્હીમાં વડા પ્રધાન નરેન્દ્ર મોદી સાથે મુલાકાત કરી. પહેલગામ આતંકવાદી હુમલા પછી પીએમ મોદી સાથે આ તેમની પહેલી મુલાકાત છે. બંને નેતાઓ વચ્ચેની મુલાકાત લગભગ 30 મિનિટ સુધી ચાલી. બેઠકમાં તાજેતરના પહેલગામ હુમલા અને ત્યારબાદ ઉભી થયેલી સુરક્ષા પરિસ્થિતિ સહિત અનેક મુદ્દાઓ પર વિગતવાર ચર્ચા કરવામાં આવી હતી.

 

બેઠક પહેલા, નેશનલ કોન્ફરન્સ (NC) સાથે સંકળાયેલા સૂત્રોએ જણાવ્યું હતું કે ઓમર અબ્દુલ્લા વડા પ્રધાનને મળશે અને કેન્દ્ર સરકારના કોઈપણ નિર્ણયમાં, ખાસ કરીને પહેલગામ હુમલાનો બદલો લેવા અને દેશની સુરક્ષા સંબંધિત મુદ્દાઓ પર, જમ્મુ અને કાશ્મીર વહીવટીતંત્ર તરફથી સંપૂર્ણ સહયોગની ખાતરી આપશે. ઓમર અબ્દુલ્લા અને પીએમ મોદીની આ મુલાકાત એવા સમયે થઈ છે જ્યારે જમ્મુ-કાશ્મીરમાં સુરક્ષા પડકારો વધી રહ્યા છે અને કેન્દ્ર સરકારે પાકિસ્તાન સામે કડક કાર્યવાહી કરવાનો સંકેત આપ્યો છે.

ફારુક અબ્દુલ્લાએ લોકોને એકતા જાળવવા અપીલ કરી

અગાઉ, ભૂતપૂર્વ મુખ્યમંત્રી અને જમ્મુ અને કાશ્મીર નેશનલ કોન્ફરન્સ (JKN) ના પ્રમુખ ફારુક અબ્દુલ્લાએ આ હુમલાની નિંદા કરી હતી અને લોકોને આતંકવાદ સામે એક થવા અપીલ કરી હતી. તેમણે કહ્યું, ‘હુમલામાં સામેલ લોકો માનવતાના દુશ્મન છે, તેઓ નર્કમાં સડી જશે.’ સિંધુ જળ સંધિનો પુનરોચ્ચાર થવો જોઈએ. ફારુક અબ્દુલ્લા પહેલગામ હુમલામાં માર્યા ગયેલા આદિલ હુસૈન શાહના ઘરે ગયા અને પરિવારને મળ્યા અને શ્રદ્ધાંજલિ આપી. આદિલ પોની રાઈડ ઓપરેટર તરીકે કામ કરતો હતો. આતંકવાદી હુમલામાં મૃત્યુ પામેલા 26 લોકોમાં આદિલનો પણ સમાવેશ થતો હતો. આદિલ સિવાય બધા પ્રવાસી હતા.

પાકિસ્તાન સામે કાર્યવાહી કરવાનો વડા પ્રધાનનો અધિકાર છે

ફારુક અબ્દુલ્લાએ ભારત દ્વારા પાકિસ્તાન વિરુદ્ધ કરવામાં આવી રહેલી કાર્યવાહી અંગે કંઈ પણ કહેવાનો ઇનકાર કર્યો હતો. તેમણે કહ્યું, ‘આ પ્રધાનમંત્રીનો અધિકાર છે, હું કંઈ નહીં કહું’. જોકે, તેમણે ચોક્કસપણે પાકિસ્તાનને ઠપકો આપ્યો. પાકિસ્તાન પીપલ્સ પાર્ટીના નેતા બિલાવલ ભુટ્ટો ઝરદારીની ધમકીઓ પર પ્રતિક્રિયા આપતા ફારૂકે કહ્યું કે આવા નેતાઓના નિવેદનોથી મુદ્દો ઉકેલાશે નહીં. જો આપણે તેમના નિવેદનો પર ધ્યાન આપીશું, તો કાશ્મીર પ્રગતિ કરી શકશે નહીં.

પાકિસ્તાનને લોન આપતાં પહેલાં સમીક્ષા કરવાની ભારતની અપીલ

નવી દિલ્હીઃ જમ્મુ-કાશ્મીરના પહલગામમાં 22 એપ્રિલે થયેલા આતંકવાદી હુમલા પછીથી પાકિસ્તાન વિરુદ્ધ કાર્યવાહી સતત ચાલી રહી છે. ભારતે પાડોશી દેશ વિરુદ્ધ અનેક પ્રકારના પ્રતિબંધો લગાવ્યા છે અને તેને કાબૂમાં લેવા માટે તૈયારીઓ ચાલી રહી છે. હવે ભારતે આંતરરાષ્ટ્રીય નાણાં ભંડોળ (IMF)ને પાકિસ્તાનને આપેલા લોનની સમીક્ષા કરવાની માગ કરી છે, એમ એક ભારતીય સરકારી સૂત્રે આ માહિતી આપી હતી.

પાકિસ્તાને ગયા વર્ષે IMF પાસેથી બેલઆઉટ પ્રોગ્રામ હેઠળ સાત બિલિયન ડોલર લીધા હતા અને માર્ચમાં તેને 1.3 બિલિયન ડોલરનું નવા હવામાન સંબંધિત લોન મળ્યું હતું. આ પ્રોગ્રામ 350 અબજ ડોલરની અર્થવ્યવસ્થાની દ્રષ્ટિએ મહત્ત્વપૂર્ણ છે અને પાકિસ્તાને કહ્યું હતું કે આ રાહત પેકેજથી તેનું અર્થતંત્ર સ્થિર થયું છે, જેને કારણે તે લોન ન ચૂકવી શકવાનો જોખમ ટાળી શક્યું છે.

આ ઉપરાંત ભારતે IMF સમક્ષ પાકિસ્તાનને આપવામાં આવેલી લોન અંગે ચિંતા વ્યક્ત કરી છે અને તેની સમીક્ષા કરવાની માગ કરી છે. એ સાથે જ ભારતે પાકિસ્તાનને ગ્રે લિસ્ટમાં મૂકવાની પણ અપીલ કરી છે. જો પાકિસ્તાનને મળતી આ મદદ બંધ થઈ જશે તો તેના અર્થતંત્ર પર ગંભીર અસર પડશે.

ભારત પાકિસ્તાને વિરુદ્ધ કાશ્મીરમાં હિન્દુ પ્રવાસીઓ પર થયેલા હુમલા પછી અનેક પગલાં લીધા છે. એવી આશંકા છે કે બંને પરમાણુ શક્તિઓ વચ્ચે લશ્કરી સંઘર્ષ થઈ શકે છે. ભારતે અત્યંત મહત્વપૂર્ણ સિંધુ જળ સંધિને સસ્પેન્ડ કરી દીધી છે અને બંને દેશોએ એકબીજાની એરલાઈન્સ માટે હવાઈ ક્ષેત્ર પણ બંધ કરી દીધું છે.

આતંકવાદી હુમલામાં ભારતે ત્રણ હુમલાખોરોની ઓળખ કરી છે, જેમાંથી બે પાકિસ્તાની નાગરિકો છે અને તેમને આતંકવાદી ગણાવાયા છે. જોકે પાકિસ્તાને પોતાની કોઈ ભૂમિકા હોવાનો ઈન્કાર કર્યો છે અને નિષ્પક્ષ તપાસની માગ કરી છે.

ખેડબ્રહ્મા-અંબાજી હાઈવે પર ગોઝારો ત્રિપલ અકસ્માત, બાળકી સહિત ચારનાં મોત

ગુજરાતમાં વધતા રોડ અકસ્માતો વચ્ચે ખેડબ્રહ્મા-અંબાજી હાઈવે પર હિંગટીયા નજીક ગમખ્વાર ત્રિપલ અકસ્માતની ઘટના સામે આવી છે. અંબાજી-વડોદરા રૂટની એક બસ, જીપ અને બાઈક વચ્ચે થયેલા આ ભયાનક અકસ્માતમાં એક બાળકી સહિત ચાર લોકોનાં કરૂણ મોત નીપજ્યાં છે, જ્યારે 9 લોકો ગંભીર રીતે ઈજાગ્રસ્ત થયા છે. આ ઘટનાએ સ્થાનિક વિસ્તારમાં શોકનું મોજું ફેલાવ્યું છે.

મળેલી વિગતો અનુસાર, અકસ્માતમાં મૃત્યુ પામેલા લોકોની ઓળખ પોપટભાઈ તરાલ, સાયબાભાઈ બેગડીયા, અજયભાઈ ગમાર અને મંજુલાબેન બેગડીયા (બાળકી) તરીકે થઈ છે. ઘટનાની જાણ થતાં પોલીસ ઘટનાસ્થળે દોડી ગઈ હતી અને ઈજાગ્રસ્તોને તાત્કાલિક સારવાર માટે નજીકની હોસ્પિટલમાં ખસેડ્યા હતા. મૃતકોના મૃતદેહોને પોસ્ટમોર્ટમ માટે મોકલવામાં આવ્યા છે.

આ પહેલાં પણ રાજ્યમાં હાઈવે પર થતા અકસ્માતોની ઘટનાઓ વધી છે, જેમાં ગયા મહિને અમદાવાદ-રાજકોટ હાઈવે પર થયેલા અકસ્માતમાં ત્રણ લોકોનાં મોત થયા હતા. પોલીસે આ અકસ્માતના કારણોની તપાસ શરૂ કરી છે, અને ટ્રાફિક નિયમોનું પાલન કરવા લોકોને અપીલ કરી છે.

ભારત સાથે તણાવ વચ્ચે પાકિસ્તાને કર્યું અબ્દાલી મિસાઈલનું પરીક્ષણ

ભારત અને પાકિસ્તાન વચ્ચે વધતા તણાવના માહોલમાં, પાકિસ્તાને 3 મે, 2025ના રોજ 450 કિલોમીટરની રેન્જ ધરાવતી ‘અબ્દાલી’ બેલેસ્ટિક મિસાઈલનું સફળ પરીક્ષણ કર્યાનો દાવો કર્યો છે. આ પરીક્ષણ સોનમિયાની રેન્જમાં ‘ઈન્ડસ’ નામની સૈન્ય કવાયતના ભાગરૂપે હાથ ધરાયું હતું. પાકિસ્તાનના સ્ટ્રેટેજિક ફોર્સિસ કમાન્ડ હેઠળ આ ઓપરેશનલ ટ્રાયલ યોજાયું, જે દેશની પરમાણુ સક્ષમ મિસાઈલોની દેખરેખ રાખે છે. પાકિસ્તાની મીડિયા અનુસાર, આ પરીક્ષણ અબ્દાલી વેપન સિસ્ટમની ક્ષમતા ચકાસવા માટે કરવામાં આવ્યું હતું.

પરીક્ષણ દરમિયાન સ્ટ્રેટેજિક ફોર્સિસ કમાન્ડના કમાન્ડર લેફ્ટનન્ટ જનરલ મુહમ્મદ શાહબાઝ ખાન અને સ્ટ્રેટેજિક પ્લાન્સ ડિવિઝનના ડિરેક્ટર જનરલ મેજર જનરલ શહરયાર પરવેઝ બટ્ટ હાજર રહ્યા હતા. આ ઘટના એવા સમયે બની છે જ્યારે ભારતે પહલગામ હુમલા બાદ પાકિસ્તાન પર આયાત પ્રતિબંધ અને સિંધુ જળ સંધિ સ્થગિત કરવા જેવા પગલાં લીધા છે. આ મિસાઈલ પરીક્ષણથી બંને દેશો વચ્ચેનો તણાવ વધુ ગાઢ બનવાની શક્યતા છે.

કેન્દ્રીય મંત્રી રામદાસ આઠવલેએ ‘ફૂલે’ફિલ્મનું કર્યુ સમર્થન

કેન્દ્રીય મંત્રી રામદાસ આઠવલેએ સમાજ સુધારકો મહાત્મા જ્યોતિબા ફૂલે અને સાવિત્રીબાઈ ફૂલેના જીવન પર આધારિત ફિલ્મ ‘ફૂલે’ની પ્રશંસા કરી. 1 મે 2025ના રોજ મુંબઈમાં આયોજિત એક ખાસ સ્ક્રીનિંગમાં આઠવલેએ આ ફિલ્મને સામાજિક અને સાંસ્કૃતિક રીતે મહત્વપૂર્ણ ગણાવી. તેમણે તેને દરેક વ્યક્તિએ ખાસ કરીને સાંસદો અને રાષ્ટ્રપતિ દ્રૌપદી મુર્મને પણ જોવા જેવી બાબત ગણાવી. આ ફિલ્મ 25 એપ્રિલ 2025 ના રોજ રિલીઝ થઈ હતી અને દર્શકો તરફથી તેને ઘણી પ્રશંસા મળી રહી છે.

‘ફૂલે’ ની વાર્તા
‘ફૂલે’ એ મહાત્મા જ્યોતિબા ફૂલે અને તેમની પત્ની સાવિત્રીબાઈ ફૂલેના જીવન પર આધારિત જીવનચરિત્રાત્મક ફિલ્મ છે, જેમણે 19મી સદીના ભારતમાં જાતિ ભેદભાવ, નિરક્ષરતા અને લિંગ અસમાનતા સામે લડત આપી હતી. આ ફિલ્મનું દિગ્દર્શન અનંત મહાદેવન દ્વારા કરવામાં આવ્યું છે અને તેમાં પ્રતીક ગાંધી અને પત્રલેખા મુખ્ય ભૂમિકામાં છે. આ ઉપરાંત વિનય પાઠક, સુરેશ વિશ્વકર્મા અને દર્શિલ સફારી જેવા કલાકારો પણ ફિલ્મનો ભાગ છે.

રામદાસ આઠવલેએ ફિલ્મ વિશે શું કહ્યું?
ફિલ્મના સ્ક્રીનિંગ પછી રામદાસ આઠવલેએ કહ્યું,’આ ફિલ્મ જ્યોતિબા અને સાવિત્રીબાઈ ફૂલેના યોગદાનને તેજસ્વી રીતે દર્શાવે છે. દરેક વ્યક્તિએ આ જોવું જોઈએ, ખાસ કરીને આપણા સાંસદોએ, જેથી તેઓ સામાજિક મુદ્દાઓને વધુ સારી રીતે સમજી શકે. હું રાષ્ટ્રપતિ દ્રૌપદી મુર્મુને પણ આ ફિલ્મ બતાવવાની ભલામણ કરું છું. તેમણે એવી પણ માંગ કરી હતી કે આ ફિલ્મને સમગ્ર ભારતમાં કરમુક્ત કરવામાં આવે જેથી વધુને વધુ લોકો તેને જોઈ શકે.’

દિગ્દર્શકે આભાર વ્યક્ત કર્યો
ફિલ્મના દિગ્દર્શક અનંત મહાદેવને આઠવલેના સમર્થન પર ખુશી વ્યક્ત કરી. તેમણે કહ્યું,’અમે ઇતિહાસ પ્રત્યે સંપૂર્ણ પ્રામાણિકતા સાથે ‘ફૂલે’ બનાવી છે.’ મને ખૂબ આનંદ છે કે આઠવલેજીએ આ ફિલ્મને ટેકો આપ્યો. તેમનો ટેકો અમારા માટે ઘણો અર્થ ધરાવે છે. અનંત મહાદેવને કહ્યું કે તેમની ટીમે આ ફિલ્મ બનાવવામાં ખૂબ જ મહેનત કરી છે જેથી ફૂલે દંપતીની પ્રેરણાદાયી વાર્તા નવી પેઢી સુધી પહોંચાડી શકાય.’

રિલીઝ પહેલા વિવાદ
‘ફૂલે’ રિલીઝ થાય તે પહેલાં, કેટલાક જૂથોએ તેની વાર્તામાં જાતિ ભેદભાવના ચિત્રણ સામે વાંધો ઉઠાવ્યો હતો. જોકે, ફિલ્મ રિલીઝ થયા પછી તેણે દર્શકોના દિલ જીતી લીધા. આ ફિલ્મ માત્ર ફૂલે દંપતીના સંઘર્ષને જ દર્શાવતી નથી, પરંતુ આજના ભારતમાં તેમના શિક્ષણ અને સુધારાઓની વાર્તા પણ રજૂ કરે છે.

‘ફૂલે’નું નિર્માણ ડાન્સિંગ શિવા ફિલ્મ્સ અને કિંગ્સમેન પ્રોડક્શન્સ દ્વારા સંયુક્ત રીતે કરવામાં આવ્યું છે, જ્યારે તેનું વિતરણ ઝી સ્ટુડિયો દ્વારા કરવામાં આવ્યું છે. ફિલ્મની વાર્તા અને તેના પાત્રો દર્શકોને 19મી સદીના ભારતના સામાજિક પડકારોમાં ઊંડાણપૂર્વક લઈ જાય છે.

એકે કર્યો બળાત્કાર, પણ બધા આરોપીઓને સજાઃ સુપ્રીમ કોર્ટ

નવી દિલ્હીઃ સુપ્રીમ કોર્ટે કહ્યું હતું કે સામૂહિક દુષ્કર્મના કિસ્સામાં જો કોઈ એક વ્યક્તિએ એક ઈરાદાથી ગુનો કર્યો હોય તો દરેક વ્યક્તિને તેના અપરાધ માટે દોષિત ઠેરવવામાં આવશે. કોર્ટે ગેંગરેપના દોષિતોની સજાને યથાવત્ રાખી છે. ફરિયાદ પક્ષ માટે એ સાબિત કરવું જરૂરી નથી કે દરેક આરોપીએ દુષ્કર્મનું કૃત્ય કર્યું છે. ભારતીય દંડ સંહિતાની કલમ 376(2) (g) હેઠળ સામૂહિક દુષ્કર્મના કેસમાં જો બધા પક્ષકારોએ સમાન ઇરાદાથી કૃત્ય કર્યું હોય તો તેમને દરેકને કૃત્ય માટે દોષિત ઠેરવી શકાય છે.

એક કેસમાં ફરિયાદ પક્ષે આરોપ લગાવ્યો હતો કે તેમણે પીડિતાનું અપહરણ કર્યું હતું, તેને ગેરકાયદે રીતે બંધક બનાવી હતી અને તેની સાથે દુષ્કર્મ કર્યું હતું. અરજદારે દલીલ કરી હતી કે તેણે પોતે કોઈ જાતીય કૃત્ય કર્યું નથી, તેથી તેને ગેંગરેપનો દોષી ઠેરવી શકાય નહીં. જોકે પછી ટ્રાયલ કોર્ટ અને પછી હાઈકોર્ટે તેમને દોષિત ઠેરવ્યા હતા. આની વિરુદ્ધ તેમણે સુપ્રીમ કોર્ટમાં અપીલ કરી. સુપ્રીમ કોર્ટે પણ આરોપીની અરજી ફગાવી દીધી હતી અને સજા યથાવત્ રાખી હતી.

સુપ્રીમ કોર્ટના ન્યાયાધીશ વિશ્વનાથને પોતાના લેખિત ચુકાદામાં જણાવ્યું હતું કે ઘટનાઓના ક્રમ પરથી સ્પષ્ટ થાય છે કે પીડિતાનું અપહરણ, તેને ખોટી રીતે બંધક બનાવવી અને તેની સાથે દુષ્કર્મ થયો હોવાના તેના નિવેદન-.આ બધાં તથ્યો કલમ 376(2) (g) ના હેઠળ દોષી સાબિત કરે છે.

આ ઘટના જૂન 2004માં બની હતી, જ્યારે પીડિતા લગ્ન સમારંભમાંથી પરત ફરી રહી હતી. પછી તેનું અપહરણ કરીને તેને ઘણી જગ્યાએ રાખવામાં આવી. પીડિતાએ પોતાના નિવેદનમાં જણાવ્યું હતું કે જાલંધર કોલ અને અપીલકર્તા રાજુ નામના બે વ્યક્તિઓએ તેની સાથે દુષ્કર્મ કર્યું હતું. ટ્રાયલ કોર્ટે બંને આરોપીઓને ગેંગરેપ, અપહરણ અને ગેરકાયદે રીતે બંધક બનાવવા બદલ દોષિત ઠેરવ્યા હતા.

રાજુને આજીવન કેદની સજા ફટકારવામાં આવી હતી અને જાલંધર કોલને 10 વર્ષની સજા ફટકારવામાં આવી હતી. હાઈકોર્ટે ટ્રાયલ કોર્ટના નિર્ણયને માન્ય રાખ્યો, જે જાલંધર કોલે સ્વીકારી લીધો, પરંતુ રાજુએ સુપ્રીમ કોર્ટનો દરવાજો ખખડાવ્યો હતો.

‘આદિવાસીઓ’ શબ્દને કારણે વધી વિજય દેવરકોન્ડાની મુશ્કેલી, ફરિયાદ દાખલ થયા બાદ સ્પષ્ટતા આપી

વિજય દેવેરાકોન્ડાએ ‘રેટ્રો’ઓડિયો લોન્ચ દરમિયાન આદિવાસી સમુદાય વિશેની તેમની ટિપ્પણીઓને સ્પષ્ટતા કરતું એક નિવેદન બહાર પાડ્યું. હૈદરાબાદમાં એક કાર્યક્રમમાં પહેલગામ હુમલાની નિંદા કરતી તેમની ટિપ્પણીઓ બાદ આ નિર્ણય લેવામાં આવ્યો છે અને તેમની સામે અનુસૂચિત જાતિ અધિનિયમ હેઠળ ઔપચારિક ફરિયાદ દાખલ કરવામાં આવી છે. પોતાની તાજેતરની ટિપ્પણીઓ પર થયેલી ટીકાના જવાબમાં, વિજય દેવેરાકોન્ડાએ માફી અને સ્પષ્ટતા પોસ્ટ કરી છે. આદિવાસી સમુદાયો વિશેની તેમની કથિત ટિપ્પણીઓને લગતા વિવાદ પર તેમણે પોતાનું મૌન તોડ્યું છે.

વિજય દેવરકોંડાએ માફી માંગી
વિજય દેવેરાકોંડાએ લખ્યું, ‘મારા ધ્યાનમાં આવ્યું છે કે રેટ્રો ઓડિયો લોન્ચ ઇવેન્ટ દરમિયાન મારા દ્વારા કરવામાં આવેલી એક ટિપ્પણીએ લોકોના કેટલાક સભ્યોમાં વિવાદ અને ચિંતા પેદા કરી છે. હું નિષ્ઠાપૂર્વક સ્પષ્ટ કરવા માંગુ છું કે મારો કોઈ પણ સમુદાય, ખાસ કરીને અનુસૂચિત જનજાતિ, જેમનો હું ખૂબ આદર કરું છું અને જેમને આપણા દેશનો અભિન્ન ભાગ માનું છું, તેમને દુઃખ પહોંચાડવાનો કે અપમાનિત કરવાનો કોઈ ઈરાદો નહોતો. દેવેરાકોન્ડાએ વધુમાં કહ્યું કે તેમનો ક્યારેય કોઈને દુઃખ પહોંચાડવાનો ઈરાદો નહોતો અને તેઓ ‘ભારતમાં એકતા’ અને લોકો એક થવા વિશે વાત કરી રહ્યા હતા. અભિનેતાએ લખ્યું, ‘હું એકતા વિશે વાત કરી રહ્યો હતો, ભારત કેવી રીતે એક છે, આપણા લોકો એક છે અને આપણે સાથે મળીને કેવી રીતે આગળ વધવું જોઈએ. જ્યારે હું આપણને એક રાષ્ટ્ર તરીકે એકતામાં રહેવા વિનંતી કરું છું, ત્યારે હું ક્યારેય ભારતીયોના કોઈપણ જૂથ સાથે ઇરાદાપૂર્વક ભેદભાવ નહીં કરું, જેમને હું મારા પરિવાર તરીકે, મારા ભાઈઓ તરીકે જોઉં છું. પોતાના ઈરાદાને વધુ સ્પષ્ટ કરવા માટે તેમણે શબ્દોની પસંદગીના ઐતિહાસિક સંદર્ભને સમજાવ્યો અને કહ્યું, ‘મેં જે રીતે ‘આદિવાસી’ શબ્દનો ઉપયોગ કર્યો તેનો અર્થ ઐતિહાસિક અને શબ્દકોશના અર્થમાં તે જ હતો.’

‘આદિવાસીઓ’ પર ટિપ્પણી કરવા બદલ વિજય દેવરકોંડા મુશ્કેલીમાં
કાર્યક્રમમાં, વિજય દેવેરાકોંડાએ કાશ્મીરના પહેલગામમાં બનેલી દુ:ખદ ઘટના વિશે વાત કરતા કહ્યું હતું કે, ‘કાશ્મીરમાં જે કંઈ થઈ રહ્યું છે તેનો ઉકેલ એ છે કે તેમને (આતંકવાદીઓને) શિક્ષિત કરવા અને ખાતરી કરવી તેમનું મગજ ખરાબ કરવામાં ના થાય. તેમને શું મળશે? કાશ્મીર ભારતનું છે અને કાશ્મીરીઓ આપણા છે. ભારતને પાકિસ્તાન પર હુમલો કરવાની પણ જરૂર નથી કારણ કે પાકિસ્તાનીઓ પોતે જ તેમની સરકારથી કંટાળી ગયા છે અને જો આવું જ ચાલુ રહ્યું તો તેઓ તેમના પર હુમલો કરશે. તેઓ 500 વર્ષ પહેલાંના આદિવાસીઓની જેમ વર્તી રહ્યા છે, કોઈ સમજણ વગર લડી રહ્યા છે. આ ટિપ્પણી બાદથી તેઓ વિવાદોમાં છે.

આખરે T-20માંથી નિવૃતિને લઈ વિરાટ કોહલીએ તોડ્યું મૌન, જાણો શુ કહ્યું

ભારતીય ક્રિકેટ ટીમના દિગ્ગજ બેટ્સમેન વિરાટ કોહલીએ 2024ના T20 વર્લ્ડ કપ બાદ T20 ઈન્ટરનેશનલ ક્રિકેટમાંથી નિવૃત્તિ લીધી હતી. આ નિર્ણય બાદ લગભગ 10 મહિના પછી કોહલીએ પોતાના મૌનને તોડીને નિવૃત્તિનું કારણ સ્પષ્ટ કર્યું છે. 2024ના T20 વર્લ્ડ કપની ફાઈનલમાં દક્ષિણ આફ્રિકા સામે 59 બોલમાં 76 રનની મેચવિનિંગ ઈનિંગ રમનાર કોહલીએ ભારતને ટાઈટલ જીતાડવામાં મહત્ત્વની ભૂમિકા ભજવી હતી. આ ટૂર્નામેન્ટ બાદ કોહલી, રોહિત શર્મા અને રવિન્દ્ર જાડેજાએ T20Iમાંથી નિવૃત્તિ જાહેર કરી હતી.

રોયલ ચેલેન્જર્સ બેંગ્લુરુ (RCB)ના પોડકાસ્ટમાં વાત કરતાં કોહલીએ જણાવ્યું કે, “મેં 2026ના T20 વર્લ્ડ કપને ધ્યાનમાં રાખીને નવા ખેલાડીઓને તૈયાર થવા માટે બે વર્ષનો સમય આપવાનો નિર્ણય લીધો. નવા ખેલાડીઓને આંતરરાષ્ટ્રીય સ્તરે દબાણનો સામનો કરવા, વિવિધ પરિસ્થિતિઓમાં રમવા અને પોતાની ક્ષમતા દર્શાવવા માટે સમયની જરૂર છે. આ નિર્ણય ટીમના ભવિષ્યને મજબૂત કરવા માટે લેવાયો હતો.”

કોહલીએ ભારત માટે 125 T20I મેચોમાં 48.69ની શાનદાર એવરેજથી 4188 રન બનાવ્યા છે. હાલ તે IPL 2025માં RCB માટે ઉમદા ફોર્મમાં છે, જ્યાં તેણે 10 મેચોમાં 63.28ની એવરેજથી 443 રન ફટકાર્યા છે. કોહલીની નિવૃત્તિ ભારતીય T20 ટીમ માટે નવા યુગની શરૂઆતનો સંકેત આપે છે, જ્યાં યુવા ખેલાડીઓને આગળ આવવાની તક મળશે.

1...953954955...5,180Page 954 of 5,180